بسم الله الرحمن الرحيم
بارت 5
راكان/وش بلاك انتي
نجد/خير ت ح ض ن ييي
راكان/زعلانة مني؟
نجد/لا فرحانة شرايك انت وش تقول؟؟
راكان/تضحكيني لما تعصبي
نجد جت بتمشي ومسكها راكان
نجد/بعد يشيخ
راكان/والله اسف ياروحي لا تزعلين وقسم بالله جت بلحضة غضب لا اكثر اقسم بالله
نجد/بعد عني طيب
راكان/ماببعد لين ماتسامحيني
نجد/صعبة ياراكان اسامحك وانت ضربتني كف
راكان/والله قلت بالغلط واعتذرت وها (باس راسها ويدها) سامحيني كذا؟
نجد/............
راكان/يلا نجودتي ياعمري لا تخربين فرحتنا تونا متزوجين على طول نزعل؟
نجد/طيب خلاص سامحتك
راكان/شالها ودار فيها
نجد/راكااانوووه دخت
راكان/يلا ها نزلتك ياقلبي
في بيت ام راكان:
ام راكان/شرياكم يابناتي اتصل على راكان يجينا هو وزوجته بحكم انها اول جلسه وهم متزوجين معنا؟
الجوهرة/اي ياأمي خليهم يجون خاصتاً نجد وحشتني
لمار/اي صدق من زمان عنها
ام راكان/واخوكم نسيتوه ولا وش
البنات/هههههههههههههه
الجوهرة/لا شدعوه يايمه مانسيناه اكيد
ساره/اي صدق يايمه في احد ينسى اخوه؟
ام راكان/اي انتم
قعدوا يضحكون وام راكان راحت مكان بعيد عشان تكلم راكان
عند راكان ونجد:
راكان"راح استار بكس اشترا له ولنجد كوفي بحكم انه نجد تعشق القهوة
نجد ابتسمت وقالت/شكرا الله يسعدك
راكان/علو وش ياروحي يلا وين نرو....📞📞
راكان/الو
ام راكان/هلا بعريسنا وشلونك؟
راكان/طيب يايمه وانتي وش مستويه شخبارك شخبار اخواني وخواتي
ام راكان/كلنا بخير ياقلب امك
راكان/دايم يارب
ام راكان/امين وياك المهم ياوليدي حابه اعزمك انت وعروستنا الحلوه تجون تنبسطون وتسولفون عندنا حتى خواتك يسألون عنك اشتاقوا لك متى تجونا وتنورونا
راكان/متى نجي؟؟
ام راكان/بكرا اذا تقدرون
راكان/اوه والله ابد مانقدر ورانا تمشيات وتعرفين شهر العسل وناظر بنجد وقال ولازم ادلع دلوعتي ابتسمت نجد بحيا
ام راكان/الله يخليكم لبعض يارب ويديم عليكم المحبة والرحمة
راكان/اللهم امين
ام راكان/متى تجونا؟
راكان/نجودتي شرايك انتي
نجد/الي تشوفه انت
راكان/وش الي اشوفه انا اجل ليه انا اسئلك
نجد/شرايك بعد ٣ ايام؟
راكان/ابشري من يعيوني اي يمه يوم الاربعاء نجيك
ان راكان/تمام ياوليدي استودعتك الله
نجد لما شافت تعامل ام راكان مع راكان تمنت يكون عندها ام زيها مب حسد ولا شي بس انقهرت انه امها مو زي اي ام
راكان/نجدي عيوني شفيك متضايقه ماتبين تروحين؟
نجد/لا شدعوه بالعكس ابي اروح اشوفهم اشتقت لهم
راكان/ناضريني
نجد/ناظرته وبكت
راكان نزل من السيارة ولف عليها وقال: شفيك ياقلبي
نجد/لا لا مافيني شي
راكان/اجل ليه تبكين دام مافيك شي
نجد/ابي اروح البحر تكفى
راكان/لا اول تكلمي وبوديك
نجد/وديني وبقلك
راكان/ابشري
ركب السيارة وتوجه للبحر وهو كله حزن على نجد الي عجز يعرف شفيها ذي الايام.....وصلوا البحر ونزلوا
وجلسوا على الكراسي الي تطل على البحر على طول
حطت نجد راسها على صدر راكان وتنهدت
راكان/اي ياقلبي فضفضي قولي كل الي بخاطرك يابعدي
نجد بدت دموعها تنزل وناظرها راكان ومسح دموعها وقال يلا تكلمي نجد بدت تتكلم
وقالت:تعبت ياراكان من الدنيا تعبت من تعامل اهلي الي كل يوم اصحى على شتمهم ويقعدون يقولون محد بيتزوجك ومحد مطالع بوجهك ياتبن ويضربوني على كل شي وعلى اتفه الأشياء والان ما بقالي الا انت واخوي سلطان ومها ولين وانا الان بعطيك فرصه وبذق فيك واتمنى انك تحافظ على هالفرصه وماتخيب املي وثقتي فيك وتعبت لان بخاطري يكون عندي اهل اتجمع معهم ونضحك ونسولف مع بعض
راكان ضمها وباس راسه وقال/خلاص ياروحي لا تتعبين نفسك وماعليك بحاول على قد مااقدر اعوضك وعلى الاهل اعتبري اهلي اهلك وتراهم يحبونك كثيرر وانا احبك اكثر منهم يادنيتي واي ترا انا مطلعك عشان تنبسطين مو تضيقين خلقك وخلقي
نجد/بس لما يكونوا اهلك من لحمك ودمك غير ياراكان
راكان/اي والله صادقه بس عاد شنسوي لازم نتحمل
نجد/انت متخيل انه هذا كله محد اتصل يسأل عني ولا يقول كيفك حتى غير سلطان الله يخليه لي ويخليك انت بعد
راكان هنا وقتها قلبه تقطع انه هو يخونها وقرر يقطع علاقته مع لميا وقال انه نجد هي الي تستاهله وهو بعد يستاهلها
بعد هذا كله وداها المول تشتري الي تبيه عشان تغير من نفسيتها شوي
في البيت:
راكان/اسمعي نجودتي شرايك نسوي موفي
نجد/اي اي يلااا
راكان ابتسم وارتاح لما شافها مبسوطه ونست الموضوع قال"يلا تعالي نجيب سناكات من الدرج
نجد بحماس/يلا يلا
فتحوا فلم كوميدي وكل شوي نجد تضحك وراكان يتأمل غمازاتها الي بالخدين قرب منها وباسها بخدها اليمين واليسار قررت تتجرأ وباسته بخده ضحك عجبته حركتها وضمها
خلصوا من الموفي...
راكان/نجودتي
نجد/عيوني
راكان/احبهم المهم انا تعبااان وبكرا عندي شغل وعلى بال ما اخلص واجي اخرجك وادلعك اليوم كله راح فا بروح انام يابعدي
نجد/تمام
راكان/يلا مشينا
نجد/وين؟
راكان/شفيك اقلك نروح ننام
نجد/لا لا مافيني نوم روح انت نام
راكان/لا مقدر انام بدونك
نجد/الا تقدر
راكان/يلا بس قومي
نجد/والله مافيني نوم
راكان/ماعليك بضمك وبحطك بحضني وبتنامين
نجد/لا يشيخ ترا ام........
راكان سحبها وقال/اقول امشي بس ودخلوا الغرفة
نجد/ياخي مافيني نوم
راكان سحبها بحضنه ويمسح على شعرها وقال/الان بتنامين وبالفعل نامت
نجد صحت الصباح وهي بحضن راكان قامت وشافت راكان صاحي ويناضرها ابتسمت وقالت شتسوي
راكان/اتأمل جميلتي
نجد ضحكت وقالت/تسلم حبيبي
راكان وهو ذايب/يلا يابعدي قومي
نجد راحت الحمام (الله يكرمكم)تتروش خلصت ولبست
راكان/اوب اوب اوب وش هالكشخه ذي كلها لي؟
نجد استحت وضحكت
راكان/احبك لما تستحين يلا تعالي نفطر يابعدي
نجد/تمام يلا
راكان وهو يفطر جته رساله شاف الجوال وكانت من لميا وكاتبه لا تنسى ان زواجكم على الورق وبتتزوجني
راكان كتب لها/ابشري ياقلبي الان انتي زعلانه مني؟
لميا/اي زعلانه
راكان/ليه يابعدي
لميا/عشان نفست علي وطلعت وخليتني
راكان/ياعيوني انتي لا تزعلين انا كنت وقتها تعبان ومدري شصرلي ونفست بس ومعليك اليوم بجيك ونسولف ونقعد مع بعض
لميا/صدق؟
راكان/يعني اكذب عليك مثلاً؟
لميا/خلاص سامحتك
راكان ضحك ولاحظت نجد
نجد/تضحك على وش
راكان استوعب وقال بتوتر/اضحك على صاحبي
نجد بشك/اها طيب
راكان/يلا ياقلبي بخرج عندي شغله
نجد/بس لا تتأخر
راكان/من عيوني وخرج
المغرب جت رساله لنجد من وحده اسم حسابها لولو
نجد/مين ذي خلاص بعدين اشوف وش تبي
بس المشكله الرسايل كل مالها تكثر
نجد/اوفففف وش تبي ذي دخلت على المحادثه وانصدمت من الي شافته كانت..........
يتبع........
أنت تقرأ
صوبتني سهامك ياراكان وينك عني من زمان
Random"الكاتبة:نور العتيبي" رواية خيالية رومانسية تتكلم عن بنت تكره ولد عمها بالديرة وهو يكرها وبعدها يفصبوه اهله يتزوجها بسبب عاداتهم وتقاليدهم وهو يحب غيرها وبعدها تكتشف خيانته وهذا الي يصير.......
