بسم الله الرحمن الرحيم
بارت 4
رجعوا راكان ونجد البيت وطلب راكان من ماك له ولنجد وتروشوا ولبسوا وجا الطلب واكلوا وكانت نجد ودها الارض تنشق وتبلعها لانها خجولة جدا وتستحي لاحظ عليها راكان بس ماحب يحرجها وبعد نظره عنها
اليوم الثاني2
صحت نجد وكانت احلى نومه لان مافي صراخ وتوتر وكل شوي تصحى عشان تنظف المهم انها ارتاحت كثير
ناظرت جمبها مالقت راكان استغربت قالت اكيد عنده شغله ولا مع اخوياه قامت تسوي الفطور وانتظرته وماجا اتصلت عليه جواله مقفل قامت تاكل لوحدها جا العصر والمغرب وماجا وبدت نجد تخاف قالت بنتظر لما بكرا وبشوف بيجي ولا لا جت الساعة وحده و........
راكان/صحيت الصباح ولقيت نجد نايمة بستها بخدها ومسحت على شعرها وقمت تروشت ولبس ولقيت اتصال من لميا
راكان/هلا لموي
لميا/اهلين اسمع وش رايك تجي عندي البيت نفلها دامه طفش
راكان/من عيوني ياروحي بلبس واجيك
لميا فرحت/تمام ياقلبي في انتظارك وقفلت
خرج من البيت وراح عند لميا
لميا/هلا بحبيبي كيفك
دخل راكان بيتها ولقاها مجهزه اسناكات
راكان/وش هالكشخه يالموي والسناكات الحلوه والناس الحلوه مثلك
ضحكت لميا وقالت/عيونك الحلوه ياروحي
طبعاً راكان المسكين مايدري انها تصوره عشان ترسله لنجد وتقهرها ويطلق نجد ويتزوجها
وبدأوا يتابعون فلم
جت الساعة 1 بالليل
راكان/اف اف تأخرت على نجد ماحسيت بنفسي
لميا/شفيك ياحبيبي عاد وش تبي فيها ذي وجه الناقه
راكان/اقول ابعدي عني بس انا اقلها بيصير مشاكل وهي تقلي اقعد استغفرالله
لميا بتمايع/ركاني شفيك علي ماسويت شي
راكان طلع وخلاها
لميا انقهرت انه سحب عليها كان ودها تخليه يتأخر على نجد اكثر
عند نجد:
نجد:اف هذا كله ياراكان والله لا اور........
راكان/هلا بحياتي هلا بنجودتي
نجد عطته ضهرها وقالت/لا تكلمني
راكان/شفيها حلوتي زعلانه
نجد/راكان مزعلها
راكان/افا ليه؟
نجد/هذا كله تتأخر علي المفروض تقول تونا متزوجين خليني اقعد مع زوجتي اسولف نتمشى
راكان ضمها وقال/خلاص ياروحي ولا تزعلين بكرا من عيوني امشيك ونقضي شهر العسل كله مع بعض وبدلعك واي صح مو بس شهر العسل الايام كلها ان شاءالله
نجد/................
راكان/خلاص عاد نجودتي قلت لك اسف
نجد/اي صح
راكان/وش؟
نجد/وين كنت هذا كله ها؟؟
راكان ارتبك/اااا هااا كنت كنت مع اخوياي
نجد بشك/طيب شفيك متوتر كأنك مسوي جريمه
راكان/لا شدعوه لذي الدرجه مابينا ثقه
نجد/لسا مااعرفك زين عشان اقلك بينا ثقه ولا مابينا
راكان/افا عليك
نجد/اي هاذا هو الصدق عاد لا نكذب على بعض
راكان بمحاولة تصريف الموضوع/جوعاااان وتعباااان في اكل؟
نجد/اي في اجيبلك؟
راكان/اي ياقلبي جيبي
نجد/من عيوني
راكان/احبهم
ابتسمت نجد ولا ارادي قالت/وانا احبك انت
انصدم راكان وقعد وقال/هااا وش قلتي عيدي؟!!
نجد استحت وضحكت وقالت/ولا شي ولا شي
راكان سحبها لحضنه وقال/عيدي وش قلتي ولا مابتركك ها
نجد/احبك
راكانن باسها بفمها/وقال فديت الي يحبوني انا
نجد صار وجهها احمر وجسمها حارر من الخجل
راكان/قلها وش فيك وجهك طماطم هههههههه
نجد/استحيت ههههههههههه
راكان/فديت الي يستحون انا
نجد/راكااان خلاص
راكان بضحك/خلاص ياعيوني تمام الان روحي جيبلي اكل
نجد/تمام
راكان/وين من عيوني؟؟
نجد/انحاشت هههههههههههههههه
راكان/ههههههههههه فديت ضحكتك وغمازاتك انا يلا قومي جيبي لي ها
نجد قامت تجيب
راكان ضحك وقال/الان خلاص مافي لا من عيوني ولا تمام ولا هم يحزنون
جت نجد وقالت له/بالعافية
راكان/انتي عافيتي
نجد ابتسمت/حبيبي والله ههههههههههه
راكان وهو ياكل/ها وين تبينا نسافر هالشهر؟
نجد/صدق بنسافر!!!!!!؟؟؟؟
راكان بأستغراب/اهجدي ماقد سافرتي انتي؟
نجد بحزن/اي ماقد سافرت انا حتى خرجات مااخرج من تعامل اهلي لي وتشددهم
راكان/ماعليك ياروحي احطك بعيوني وبدلعك ولا تزعلين
ضحكت نجد وذي المره هي الي بادرت وقامت حضنته
راكان ضحك وقال/يابعد روحي انتي فديتك
خلص اكل وقال يلا مشينا ننام
نجد/تمام يلا
طلعوا غرفة النوم وتروشوا
جت بتنام نجد ولا تحس احد يضمها ويبوس رقبتها ويستنشق عطرها عرفت انه راكان
نجد/راكان ابعد شوي ابي انام
راكان/نامي بحضني
نجد/تستهبل انت؟
راكان/اي شرايك؟
نجد ضحكت وقالت/اقول ابعد رح نام
راكان/مابنام الا وانا حاضنك
نجد استسلمت ونامت بحضنه وهو مبسوط
في الصباح:
راكان صحى الصباح وشاف نجد بحضنه
باسها بشفايفها وعيونها وخشمها بهدوء عشان ماتصحى
وقام وتجهز عشان بيخرجوا وصحاها
راكان/نجودتي ياعمري يلا قومي
نجد/امممم
راكان/يلا يابعدي قومي عشان ادلعك واخرجك يلا
نجد/ابي اناام
راكان/بخليك شوي وبصحيك تمام؟
نجد/ام ام
بعد ساعه:
راكان/يلا ياحياتي قومي
نجد قامت على طول وقالت/اخخ احلى نومه
راكان غمز وقال/احلى نومه قلتيلي ها؟؟ اكيد لأني نومتك بحضني
نجد ضحكت وقالت بدلع/ وش دخللل
راكان يقلدها بدلع/طيب يا وش دخللل تجهزي
نجد فطست ضحك
راكان مسك وجها وباس شفايفها وقال/هذا عقابك يلا قومي
نجد قامت بزعل
راكان/شفيك انتي ماده بوزك مترين
نجد/لانك تسوي اشياء ماتعجبني وعيب
راكان/صلي على النبي وش الي عيب تراك زوجتي حلالي
نجد/لا حتى ولو لازم تستأ......
راكان مسك وجها وباسها مره ثاني وقال
ها كذا شرياك يلا قومي تجهزي مب فاضي لكلام كثير
نجد انصدمت من حركته وقامت لبست لان ماتبي تتناقش معه وركبت السياره وهي زعلانه
راكان/هيلا يارمانه الحلوه زعلانه الحلوه زعلانه منهو يراضيها انا منهو يراضيها
نجد/خلاااااااصصصص
راكان/شفيك اليوم شكلك مانمتي زين
نجد بصراخ/اي مانمت زين عندك شي؟
راكان عصب من اسلوبها ولانها عصبت على شيئ تافه
وقال بحده/قسم بالله لو ماتحترمين الفاظك بقوم اصفقك كف يخليك ماتعرفين يمينك من يسارك تفهمين؟
نجد بغصة/لا ماافهم
راكان عطاها كف
نجد صرخت وقعدت تشاهق وهي تمسك خدها من الالم
وقالت بنرفزة/تسلم على هدية شهر العسل مره تجنن ونزلت من السيارة وهي تبكي
راكان حس بندم وتأنيب ضمير مب طبيعي وقال/ياغبائي وش سويت انا حمار قمت اضرب البنت كف وانا قايلها بدلعك وبعوضك خليني الحق عليها ووقف السيارة ونزل
عند نجد:طلعت الغرفة تبكي وتشاهق على السرير فجأه سمعت صوت الباب يفتح حاولت تكتم شهقاتها بس ماقدرت وشهقت
راكان/لما سمعت شهقتها حسيت قلبي يتقطع شلت اللحاف من عليها وهي تحاول تسحبه ووجها احمررر من البكى رحت قعدتها بحضني ومسحت دموعها وهي تحاول تدفني بس ماقدرت علي وفجأة حسيت بهدوء اناظرها ولا تطلع نايمه ادركت وقتها اني مصدر خوفها وبنفس الوقت مصدر امانها نمت وهي بحضني
الساعه 10 الصباح
نجد صحت من النوم ولقت نفسها بحضن راكان
نجد/صرخت وقالت خير تحضني
صحى راكان مفجوع من صراخها وقال.............
يتبع.......
أنت تقرأ
صوبتني سهامك ياراكان وينك عني من زمان
Random"الكاتبة:نور العتيبي" رواية خيالية رومانسية تتكلم عن بنت تكره ولد عمها بالديرة وهو يكرها وبعدها يفصبوه اهله يتزوجها بسبب عاداتهم وتقاليدهم وهو يحب غيرها وبعدها تكتشف خيانته وهذا الي يصير.......
