ماهر البيك

*part 2*

اسفة اني تاخرت عليكن كتير 🥺
رح نزل القصة كلها ❤

معلم : ياستي عمك اكبر نصاب بالبلد وعامللل كتير وكتير بالناس المعترة وأبسط شغلة عاملها انو داير ع عشرين ضيعة ومسجل اسماء البيوت الفقيرة المحتاجة للمعونات عأساس يساعدهم و يروح بقا يستلم المعونات ع اسمائهن ويخبيون بالمعمل تبعو ويبعو بالسوق بأضعاف الاسعار ..
لين : لعمى .. عمي لا مستحيل مابيعملا، انت واحد مجرم وكذاب
معلم : طيب ياستي متل مابدك بس كل يوم رح احكيلك عن فعل من افعال عمك الخبيث
لين: لل ليش كم يوم رح ضل هيك وبهالخرابة ؟
معلم : والله بدك تسألي عمك حسب محبتو الك ..... شباب روحو جيبولا اكل من السيارة ومي بسرعة
لين :..... (عم تبكي) ياربي شو عاملة انا حتى يصير فيني هيك شووو (شربوني مي وجابولي اكل بس رفضت آكل ، يمكن صار لازم الحق ابي وامي اريح شي)
قعد المعلم ع حجرة بعيد عني وطلع موبايلو ودق لحدا..
المعلم : كلمتين ومافي غيرون ..طعمي الفقرا من حقوقن احسن ماتضل بنت اخوك بلا حقوق ...سلام (ضليت بالخرابة للمسا قاعدة ع حجرة كبيرة وايديّ مربوطين وماحدا عمل شي ولا حكا بشي ولا حدا ساعدني بشي)
......: معلم معلم
المعلم: شبك عم تلهت شوفي ......: في سيارة من بعيد عم تقرب من هون وباين من طرف ابو منصور لأنن عم يوقفو كل شوي
معلم : بسرعة تخبو يلا.
(اجو تنين مسكوني من ايدي وسكرولي تمي وتخبينا بالخرابة بين الوسخ والحجار ،قعدوني عالارض و قرب مني المعلم وانا اللي ماعم شوف وجهو غير عيونو وشفافو وقال..
معلم : هسسسس اوع تطالعي صوت وبوعدك كلشي بيكون منيح...
/هزيت براسي انو اي وعيوني فيون خوف مو طبيعي/
فاتو رجال عالخرابة ويدورو علينا ......: سيدي مابظن في حدا هون دورنا منيح ....: طيب وين رح يروحو إلما نلقطو وحسابو عند ابو منصور كبير ... يلا مشو معي /كنت عم طلع ع عيون المعلم وعم حاول فسر انو كيف خطفني وهو باين عليه مارح يأذيني ولا كأنو هو مجرم/ /بعد ماراحو الرجال ومالاقونا ، طلب المعلم انو نتحرك لغير مكان رجعو ربطولي عيوني/
لين:....( عم تمتم ) مممم اممم اممم
معلم : فتحولا تما شو بدا
لين : اوف اخ كنت رح موت مشان الله يا سكرولي عيوني او سكرولي تمي . التنين سوا مابقدر بختنق وبيديق نفسي
معلم : ههههههه طيب سكرولا عيونا بس، مع انو مابعرف شو علاقة العين بالتم بالتنفس .
لين: ( حكيت بين حالي) ...غبي !
/اخدوني ع منطقة جديدة مشينا شي ربع ساعة لوصلنا ع سيارة ركبت وطولنا بالطريق مابعرف يمكن ساعة او اقل ووصلناونزلوني ودخلوني ع بيت وأول مادخلت فتحولي عيوني / بيت ريفي خشبي غرفة وصالون وحمام و فيه فرش منيح /
معلم: دخلوا ع الغرفة يلي جنب الحمام ونحن بنضل بالصالون ....: معلم نحن اربعة رح نضل بالصالون وهي بغرفة لحالا مع تخت
معلم : معليش تسكت انت ، يلا خدوا
/دخلوني ع غرفة فيا خزانة وتخت وقفلو عليي الباب/
(ياالله عتمت الدنيي وماحدا اجا ليساعدني حتى عمي مااتصل ولا عمل شي مع المعلم تبعون ....دق الباب علي..
المعلم : يابنت لحلال ارتاحي هلا صار نص الليل وباين عمك رح ياخد وقتو ، وهلا شوي وبيجي الاكل كلي ونامي .
لين:(تبكي)... كرمال الله خليني روح ، تعبت من الضياع بدي حدا يلاقيني وماعد الي هوية بهالدنيي بعد ماتركوني امي وابي .
معلم : امك وابوكي كيف توفو ..
لين:(تبكي)... بحادث سيارة وماضللي حدا بالدنيي غير عمي يلي وقف معي وحسبني متل بنتو وعشت معون، وهلا انا مخطوبة وعرسي بعد شهر
معلم :.... الله يرحمهم، والله بدك تعرفي قديش بيحبك عمك!
لين:..
/راح من عندي المعلم وبعد شوي اجا شب وجبلي سندويشة وعصير ، وبس راح هجمت عالسندويشة من كتر ماكنت جوعانة ، من التعب حطيت راسي عالفرشة وماقدرت إلا إني اناااام وفقت ع صوت فتح الباب/
المعلم : اسف كنتي نايمة . صباح الخير
لين : صباح النور ولايهمك...( وجلست حالي وقعدت عالتخت ) هلأ سؤال معليش
المعلم: تفضلي ..
لين : ليش حاطين هالطواقي ع وجوهكم يعني خايفين اني اعرفكم ..مابتشوبو ، مابيضيق نفسكم يعني
معلم : ههههههه شو مفكرتينا متلك بيضيق نفسنا بسرعة . اي مابدنا تعرفينا لأنو مو قاصدين نأذي حدا بس فركة أدن لعمك ليرجع الحق لأصحابو
لين : .. بس انا لهلأ ماصدقتكم والحكي يلي قلتوه عن عمي
معلم : انتي بكيفك ، بس صار لازم قلك القصة التانية لأنو صرنا بيوم تاني ...
لين : عن عمي!!!
معلم : ياستي عمك صرلو 3 شهور مو دافع لبعض من العمال يلي بيشتغلو عندو رواتبهم وبالأخص الفقرا يلي مابيقدرو يدافعو عن لقمة عيشهم
معلم: وكمان مهددون اذا بيتركو الشغل او بيطلبو رواتبهم . مسجل فيون تقارير سياسية هيييك تبلي لحتى مايدفعلن اجورهن
لين: هيييك وبلا سبب وكيف بيعمل هيك مستحيل عمي كتير طيب ومابياكل لقمة حدا
معلم : ياستي هيك واكتر وكل فترة بيبدل هالعمال وبيجيب غيرون وبيهددون بنفس الطريقة وللعلم صار عندي اسماء 50 عامل بالضبط هيك عامل فيون
لين : اوف خمسين ... لا لا مستحيل
معلم : متل مابدك بكرا برجع بحكيلك قصة تالتة من قصص ابو منصور
لين : ...(تحكي مع حالها) ياربي معقول عمي يعمل هيك ، وبعدين شو مصلحة هالرجال يكذبو ، وماعملولي شي يدايقني ... لا طبعا كذابين ...
/راح المعلم وكنت مزنوقة وخجلانة كتير قلو بدي فوت عالحمام وبعد خمس دقايق رجع انفتح الباب وفات شب من الشباب اللي برا وقرب مني ونظرات عيونو المبينة تحت الطاقية مو مريحتني بنوب بنوب بلش يقرب اكتر/
لين ... خخ خ خير شو شو بدك مني .
الشب: ياسلااام معقول عنا هيك حمامة ظريفة وممنوع نتسلى فيا
لين: ليك اوعى تقرب مني والله بتشوف شي ماشفتو مني. (وانا عم ارجع لورا لزقت عالحيط وشلت صحن محطوط عالطاولة ) وصرت هددو بالصحن وكأني شايلة شي مدفع مثلاً
الشب: رووق ياحلو والله هالعيون الخضر بيتحولو زرق لما تعصبي بيدوبوني اكتر روقي. /ضربتو بالصحن ع راسو متل النملة يلي بتضرب فيل وفجأة فتح الباب ودخل المعلم وشافو وعصب/
معلم : ولك عمااااد شو عم تعمل هون ولك انقبر اطلع لبرا بسرعة /طلع الشب يلي اسمو عماد من الغرفة ولما وصل لعند معلمو ، وقفو وقلو : شوف ولاك هاي الصبية أمانة ومو من اخلاقنا نعتدي ع امانة او نأذيا فاهم عليي
عماد: مفهموم معلم واسف ...( وطلع لبرا)
معلم : انا اسف لين
لين :(تبكي) ... الله يريحني منكم ومن هالدنيي
معلم : خلص بوعدك ماعد يتكرر هالتصرف ماتبكي
لين : ان شاء الله .... ( وطلع المعلم لبرا وقبل مايطلع ناديتو )
لين: اذا سمحت ، انت شو اسمك ؟
معلم :(برم علييّ)... ماهر ، اسمي ماهر
لين: طيب ماهر معليش انو انا يعني ، اغسل وشي
ماهر : اه طبعا تعي معي ليكو الحمام جنبك (دخلت الحمام وكان في براسي الف تفكير وهو كيف اقدر اهرب وفعلا كان في شباك جوات الحمام ، غسلت وشي وتركت المي مفتوحة وفتحت الشباك لقيت برا كلو شجر اخضر ، ياالله انا بغابة طلعت من الشباك شوي شوي حتى مايحسو عليي مع انو ماهر واقف ورا باب الحمام عم يستناني لأنو مافي قفل للحمام ، وركضت بهالغابة ومابعرف وين رح اوصل ، مرة امشي ومرة اركض مابعرف قديش بس ماكنت اقدر اوصل لشارع رئيسي للسيارات قبل ماتعتم الدنييّ ، كنت اقعد ارتاح شوي وارجع قوم كمل مشي وأخيرا" شفت شارع رئيسي للسيارات ورح يمر شي حدا وياخدني الحمدلله)
(مشيت عالشارع واجت سيارة من بعيد لوحتلا بإيدي وبلشت تهدي
السيارة وتقرب مني وياريت ماقربت ، سيارة وفيا اربع شباب وباين انن زعران..
مجهول: لك ياالله شو هالغزالة الشاردة بهالغابة
مجهول2: لك يسعد رب الغزلان ، نطي ياغزال لعنا نط
لين :.(قلبي بلش يدق بسرعة ) وركضت عكس الاتجاه وبسرعة ونزلو هني و3 منن لحقوني وفتت لجوات الغابة لأضيعون بس ماقدرت
مجهول: مسكتك وين رح تهربي
مجهول 2: لك من زمان جاي عبالي دوق لحم الغزال
مجهول3: يلا لنسمي بالله ( صرخت قد مافيني وهني مسكوني من ايديّ و رجليّ وثبتوني عالارض وواحد بيحاول يسكرلي تمي وانا عض ايدو وانا اصرخ قد مافيني وفجأة مالقيت غير ماهر و رجالو وقفو فوق راسنا ومسكو بهالزعران وضربون ضرب وانا ملحوشة عالارض وعم ببكي وخجلانة ، دغري شلح ماهر جاكيتو ولفني فيا وحملني بين ايديه واخدني عالسيارة وقال لرجالو : ماترحموون بس خلوون يقدرو يرجعو عالبيت مفهوم /شالني ماهر وانا عم ارجف من الخوف والبكي وماحسيت ع شي الا وانا بالغرفة وعالتخت ، يمكن نمت او اغمي عليي مابتذكر ، فتحت عيوني لقيت عيون ماهر عم تحرسني/
ماهر : الحمدلله ع سلامتك ، ليش هيك عملتي
لين:.مااتصل عمي
ماهر : اتصل بس معند مابدو يعمل يلي بدنا ياه
لين: عادي ، البني آدم فينا بيصير بلا قيمة اذا خسر أمو أو ابوه ، ف كيف اذا خسر التنين سوا... ماهر : أنا اسف بس انا وعدتك مارح آذيكي بشي بس تحملينا كم يوم وانا هلا بعتت شب من عندي يروح ع حارة عمك ويستفسر هيك او هيك من الجيران اذا حاسين ع غيابك
لين:الطير اذا وقع بتنكسر جناحاتو ، وفينو يمشي بس مافينو يطير وانا كنت مكسورة وبقدر امشي ، بس بعد هلأ راحوو رجلي ّ كمان
ماهر: ماتفكري الناس كلا مبسوطة وماحدا مهموم غيرك ، صح يلي عندك حمل تقيل بس في بكل بيت همْ مدفون ورسمة مصطنعة ع وجوه صحابها ليقدرو يكملو الطريق ، في ناس دراويش ومعترة يلي متل عمك حرمون من ابسط حقوقن ومو قادرين يشترو خبز ليطعمو ولادن او يبعتوون ع مدارس يتعلمو او ياخدوون ع دكاترة او يشترولون تياب للعيد ..حطي عينك بعين الله وقولي يا الله ياكريم
لين: الله كريم
راح ماهر من عندي وانا ضليت بالفرشة ولابسة جاكيتو لغطي حالي وكل شوي ريحة عطرو تفوح من الجاكيت وتخليني ارتاح مدري ليش،
/وبعد ساعة رجع ومعو كيس/
ماهر: تفضلي هدول خليتن يجيبولك هالقطعتين تلبسيون وهالجاكيت لتدفي حالك فيه اذا بردتي لأنو نحن هلا ربيع ومابتعرفي كيف بيكون الجو (خجلت كتير من تعاملو المحترم معي وشكرتو وطلع لبرا) لبست البلوزة اللي جبلي ياها ورجعت