ماهر البيك

*part 4*

لين: لا خالتي بدي اتحمم مو ناقص غير حط زعتر ع شعري ويصير جاهز زيت وزعتر
المرا:ههههه متل مابدك لكان تحممي وانا مابطول
لين: الله معك خالتي
/فتت عالحمام عبيت البانيو مي سخنة وضليت نص ساعة فيا و ع شوي كنت رح نام وتعبى الحمام بخار وخلصت حمام وقبل ماألف المنشفة عليي وقفت قدام المراية لأطلع بوشي لأنو طالعة حبة وفجأة انفتح باب الحمام عليي
لين :/صرخت/ وانسكر الباب بسرعة ماقدرت المح مين وانا صرخ واسب واعيط وبسرعة لبست البورنص ورحت عالباب وخايفة افتحو بس صوت زلمة برا عم يبربر مافهمت شي وطلعت برا الحمام وانا لابسة البورنص كان شب واقف بالصالون وعاطيني ضهرو وعم يقلي اسف اسف مابعرف انو في حدا بالبيت
لين: لك مين انت وكيف طاحش هيك ع بيوت الناس انت مابتف/دار الشب ع جهتي وصار مقابيلي/
لين: /خرست والشب خرس وعيوننا عم يحكو مع بعض/اي عرفتو هاد هو هو ماهر نفسو انا بعرفو من عيونو والله هو
ماهر: لين
لين:ماااهر.شو ش شو بدك مني جاي تقتلني هون
ماهر: اقتلك !
لين : ماكنت بعرف انو ملامحك عنجد باين بريء ومن جواتك مجرم
ماهر: انا!
لين: تفضل بشو حابب تقتلني بالمسدس متل ماقتلت هديك المسكينة ولا بالسكين حتى ماحدا يحس عليك
ماهر: لك يامجنونة شو عم تخرفي انا هلا جيت من السفر وجاي لعند امي ع بيتي يعني
لين: بيتك.! الست زينة هي امك
ماهر: اي امي وامي خبرتني عنك وعرفتك بس والله ماشفت شي بالحمام من البخار
لين:
لين: ثواني لألبس تيابي
/ركضت ع غرفتي لبست وشلت موبايلي ولازم اهرب معقول متفقين هو وامو علي بس استسلمت وطلعت لعندو عالصالون/ ماكنت قادرة حط عيني بعيونو مدري شو يصرلي وخاصة بعد ماشفت وجهو، لا هو مشوه ولا شي بالعكس كتير حلو
ماهر: امي حكتلي عنك بالتلفون بس خبرتا انو ماتخبرك انو انا إبنها لأنك خايفة مني ومفكرتيني رح اقتلك بس بدي اسمع القصة منك
لين: رح احكيلك شو خايفة منك يعني /حكيتلو كل القصة اللي صارت/
ماهر:هههه ههههه اخ ياأمي هلأ انا انا رح اقتلك وانا هيك عامل ومالي خبر لك مجنونة انا كنت مسافر ع لندن من اخر مرة شفتك فيا وهاي رجعتي قبل كم ساعة ف كيف مرقت عليكي هالقصة
لين: شو يعني في حدا عم يتبلاك؟ والمسكينة يلي انقتلت !
ماهر: ها هاا وهون القصة ياستي كلللها فبركة من عمك المصون بس انتي ع قد مانك ذكية مرقت عليكي
لين: لا مابتوصل معو للقتل مو لهالدرجة وبعدين يااستاذ كل الادلة ضدك لهيك صدقت
ماهر :ياستي انا متأكد من انو هاد عمك ورح اثبتلك بس مارح يقتلك،كان رح يخوفك وبس بأسمي حتى ماتلجأيلي او ساعدك لتنتقمي منو
لين: ومين قال انو بدي مساعدتك
انا رح ضب اغراضي وامشي
مارديت عليه ورحت لضب غراضي ونزلت الشنطة وبلشت اضب، لحقني هو، انا اضب وهو يشيل من الشنطة)
ماهر:بلا صغر عقل
لين:مادخلك بعد ايدك
ماهر:مارح خليكي تروحي وقفي
(مارديت عليه بس هو كان اقوى مني وبالاخير زتني عالتخت وثبتلي ايديّ وقرب مني وقللي:
ماهر: ماالك طلعة من هون لآخدلك حقك
(انا كنت جامدة بين ايديه وعم اطلع بعيونو وانفاسو قريبة مني وقلتلو :طيب معليش تبعد عني
(انتبه ع حالو واعتذر وطلع لبرا)
رجعت الست زينة من برا وشافت ابنها وحضنو بعض وبوسو بعض ذكروني بأمي الله يرحمها وانا فتت لجوا وتصرفت طبيعي وعملتلون قهوة ودخلت ع غرفتي لياخدو راحتن اندق الباب
لين: تفضلي خالتي فوتي
ماهر: والله واخدتي غرفتي
لين: اه ماهر اسفة بس امك طلبت مني خلص هلا بفضيلك ياها
ماهر:ههه عم بمزح شبك انتي كل شي بتاخديه جدي بس عم اشتاق لغرفتي كل فترة والتانية بجي بنام فيا هاد بيت العيلة ولو في الف بيت غيرو مابرتاح الا هون
لين: معك حق وانا مشتاقة لغرفتي وبيتي كتير
ماهر: بوعدك رح يرجعولك بس اوثقي فيي
لين: ياريت يوم المنى بس انا لازم رجعون بإيدي ّ واخد حقي
ماهر: معناتو حطي ايدك بإيدي ونبلش
لين: بشو ليش قامت الحرب!
ماهر: لك هبلة لناخد حقك من عمك وانا باخد حقي منو
لين: صحيح انت اول ماشفتك قلتلي انك موظف عادي عند عمي بس يلي شايفتو هلا انو عمي موظف عندك
ماهر: عم تحسبي بقديش الكنبة والمطبخ والفرش وغرف النوم هههه
لين: لك لا ماتفهمني غلط بس هيك امك حكتلي عنك شوي وعن شغلك
ماهر: ولا همني كل هالمصاري المهم حقوق الناس الدراويش قد ماساعدتي الفقير من جيبتك انتي بيضلو فقير مازال حقوقو عم تتاخد منو بغير مطرح لهيك لازم نرجعلو حقوقو لحتى يعيش حياة كريمة متلو متل غيرو
لين: ياريت والله وانا معك شو ماتعمل
ماهر:معناتو صار بدا ملوخية
لين:ههه وجنبا رز
ماهر : ياعيني عليكي ولنشوف شطارتك بالطبخ (ارتحت كتير لما عرفت وتأكدت انو ماهر يلي شفت عيونو لأول مرة طلع صادق عنجد لأنو عيونو مابتكذب واحساسي كان صادق)
ماهر: ياسلاااام عنجد الملوخية طالعة غييير شكل يسلم ايديكي ياأمي
زينة: هههه صحة وعوافي امي بس مو انا اللي طبخت الملوخية هاي لين حبيبتي
ماهر: بالله جد والله يلي بيشوفا مابيفكر بيطلع منها هيك ملوخية طيبة
/زورتو ل ماهر وتشردق يي علي ولحقتو بكاسة مي/
ماهر:بس الرز لسا غير اطيب اي هاد انتي اللي طابختيه امي مافيكي تقولي لا فيو نفسك
زينة:ههههه لا والله كمان لين
ماهر: عنجد
عملتلو حركة بتمي متل هاد😏انو لسا مابتعرفني
ماهر: امي انتي شو عاملة معناتو لا ملوخية ولا رز وكنتي بالمطبخ معناها غسلتي الفجلات
زينة : هههه تقبرني لين مابتخليني اعمل شي بس بقعد وبسليا بالحكي لتخلص
لين: شووو استاذ ماهر شايفتك غيران ولا شو
ماهر: اعوذ بالله بس بيقولو اعوذ بالله اذا اجتمعو 2 نسوان سوا وخاصة بالمطبخ
لين: كول كول احسن ماتتشردق مرة تانية / كنت كتير مبسوطة بحياتي الجديدة ماهر كل يوم يجي لعنا ساعتين او 3 ويرجع ع بيتو وطول الوقت نمزح ونضحك ونلعب شطرنج وهو وامو لما يلعبو بوقف بصف امو وهو ينزعج ،في شي حلو عم يصير بحياتي بس يارب تكمل واقدر ارجع ع بيتي
بيوم كنت واقفة ع شبك غرفتي وعم غني
وقالو سعيدة في حياتها..واصلة لكل احلامها
​باينة عليها فرحتها ف ضحكتها وفي كلامها​ ​وعايشة كأنها في جنة وكل الدنيا مالكاها​
​وقالو عنيدة وقوية مابيأثرش شيء فيا​
​محدش في الحياة يقدر يمشي كلمتو عليا​
​حتحلم ليه وتتمنى مافيش حاجة ناقصها​
​ومن جواي انا عكس اللي شايفينها وعالجرح اللي فيها ربنا يعينها​
/حسيت في حدا واقف وراي شفت ماهر
ماهر: ماشاء الله معقول عندك هيك صوت كتير حلو
لين:(خجلانة) تسلم يارب
ماهر: بس ماحبيت الغنية بنوب حبيت صوتك لهلأ متفاجىء فيه
لين: بس كلمات هالغنية كأنها انكتبت عني
ماهر: رح ترتاحي عن قريب ماتفكري كتير ولا تاكلي هم انا معك
لين: مابتقصر عنجد خجلانة من وقفتك انت والست زينة معي يلي من لحمي ودمي زتوني بالشوارع وانتو الغربا حميتوني
ماهر: بزعل منك بلا هالحكي بس قليلي لمين صوتك طالع حلو هيك
لين: لأمي الله يرحما كنا كل ليلة نغني سوا لأبي وهو مبسوط فينا ويقلنا ​عندي جوهرتين ماببدلون بكنوز الدنيي ماانحرم منكن​
ماهر: الله يرحمون ويغفرلون يارب بس صوتك يغزى العين
لين:(خجلني وماعد عرفت ارد عليه)
ماهر: يلا تعي الحقيني، امي باين عليا كتير مستعدة هي وجيوشها قال رح تخسرني بالشطرنج اليوم لك مابتمل من الخسارة
لين: ههههه يلا لبدل تيابي وجاي
(بعد ربع ساعة لأطلع لعندون عالصالون وبدون ماحس سمعت صوت أمو عم تحكي فرجعت وتسمعت لا أرادياً
زينة: الف الف مبرووك لك هيك ها من زمان لو انك عم تسمع الكلمة مني بس الف الحمدلله ربي يباركلك ويارب يارب شوف ولادك عن قريب عم ينطو حواليي (انا مابعرف ليش غصني قلبي رجعت عالغرفة عالساكت وعم فكر انو ليش انا مزعوجة اذا هو رح يتزوج وشو بدي فيه غير يساعدني لآخد حقي من عمي وبس ، انا جدبة وهبلة شو عم يصرلي)حاولت اتصرف طبيعي وطلعت لعندون
وبعد ساعة كالعادة خسرت الست زينة وراحت ع غرفتا تنام وضليت انا وماهر بالصالون لحالنا
لين:معليش اسألك سؤال
ماهر:طبعا تفضلي
لين: انو ليش انت ماتزوجت لهلأ عالاقل كرمال امك تجبلا حدا يونسها وتفرحا ب ولادك وهيك
ماهر: حسيت امي عم تحكي معي هههه اي ان شاء الله عن قريب
لين:/غصني قلبي/ شو يعني نقول مبروك
ماهر:اي فيكي تقولي وعن قريب بترقصي انتي وامي بعرسي لتشبعو
/عملت حالي عن اضحك مو من قلبي بس من حرقة قلبي حتى مايحس عليي/
لين:اي الف الف الف مبروك انبسطتلك من جوات قلبي والله
ماهر:اه والله اي وانتي ماحبيتي شي مرة بحياتك او قلتيلي كنتي مخطوبة ما
لين: ها اي لا خطيبي وائل ماكنت موافقة عليه اصلا بس وقتا عمي اقنعوني وحسيت انو اذا تزوجت رح خف حمل عليون ولهيك وافقت مع انو كان يجوني عرسان احسن بكتير من وائل
ماهر: اه عنجد ، اي انتو البنات دايما بتقولو هيك وبالاخير بتتزوجو يا سكافي يا معلم الفراريج هههه
لين: ها ها ها ضحكتني ها لا أصلا بتعرف مين تقدملي قبل مايتوفو اهلي
ماهر: هاتي لنشوف مين يعني ! تيم حسن ههه
لين: اي مرحبا تيم حسن تقدملي رجل الاعمال الملياردير ​ماهر البيك​
ماهر:/وهو عم يشرب عصير تشردء/ اح اح اسف
لين:شبك تفاجأت اي طبعاً مين مابيعرفو اصلا
ماهر: ها اي طبعا مين مابيعرفو بس معليش تقليلي كيف تقدملك لأنو الحكي معك عنجد مشوق
لين: ياسيدي بيوم كنت راجعة من الجامعة وطلعت عالسوق عم اتمشى وماشفت غير حدا انضرب فيني خلاني دور بمكاني ووقعت عالارض ورفعت راسي وانا معصبة كتير وصرت بهدلو انو لعمى مابيطس ويشوف قدامو وماشفتلك غير التمو شي عشر رجال حواليي انا وهالشب ، اعتذرلي الشب وعرف عن حالو وبعد رجالو عننا وطلب يوصلني عالبيت بسيارتو بس رفضت
ماهر:بالسوق! و انضرب فيكي! رفضتي!
لين: اي شبك طبعا وبعدين مدري مين سأل والكل بيعرفني وماشفتو غير ب ليلة جاي لعنا عالبيت وحاكي مع ابي ليخطبني
/ماهر مفتح عيونو ومندمج مع الحوار يلي ألفتو من راسي وانا بالاصل مابعرف مين هاد ماهر البيك غير من بنت عمي رنا /
ماهر: اي وشو عملتي قبلتي صح
لين: طبعاً لا رفضت دغري بس هو مايأس ضل ايام يبعتلي ورود وهدايا لحتى اقبل فيه بس ياعمي كتير مللني وزهقت منو وقلتلو:اذا بترجع تعمل هيك حركات معي مابسأل عن اصلك وفصلك وبعد من طريقي
ماهر: اييييي وبعدين
لين: وخلص من وقتا ماشفتو وصار معي يلي صار يلي بتعرفو
ماهر: طب طيب انا سمعان عنو ها بس بصراحة ماني شايفتو ولا مرة كيف شكلو
لين: اه شكلو ! اي اي طبعا بتذكر(صرت حاول اتذكر كيف وصفتلي ياه رنا بوقتا )
اي هو هيك طويل ، لسا اطول منك وعريض وشعراتو متل شعرات شاروخان وعيونو متل عيون يحيى وشفافو متل شفاف مهند وغير هيك انو هو رجال بس مع هيك ماعجبني يوه
ماهر: كل هاد هو ماهر البيك ولا جزء من اجزاء باب الحارة يعني هههه
لين: اي تمسخر لقلك الحق عليي يلي خبرتك انا فايتة نام تصبح ع خير
ماهر : هههه فرطت ياأمي ههههه تلاقي الخير ههه ههه
(فتت ع غرفتي مبسوطة لأني قدرت خليه يغار عليّ لأنو الضحكة بهيك مواقف بتطلع من الغيرة
تاني يوم اجا لعنا ماهر واجا لغرفتي يحكي معي،
ماهر: لين جهزي حالك بدي اخدك مشوار
لين: لوين بدك تاخدني شوفي
ماهر: عرفنا شغلات عن عمك وصار لازم نتحرك
لين: يلا تكة لألبس وجاي
(طلعت مع ماهر بسيارتو ومابعرف لوين رايحين واخدني ع مكتب جوات شركة قال انو مكتبو ودخلو 3 رجال معنا عالغرفة عرفتون هني نفسن يلي خطفوني وقتا )
ماهر: اسمعو ابو منصور لأنو مابيوثق بحدا بيحب يحتفظ بأوراقو المهمة قريب منو لهيك انا شاكك او بالاحرى متوقع انو يكون الوراق اللي بدنا ياهن بمكتبو يلي بالمعمل لأنو عرفت من ناس بتشتغل عندو انو هو حتى مابيستقبل حدا بمكتبو الخاص بالمعمل غير اهلو يعني مرتو وبنتو والناس المهمة كتيير عندو وانا متوقع انو نلاقي وراق املاك ابوها ل لين بالخرنة عندو واوراق كل الموظفين والتقارير يلي مجهزون
لين: طيب وكيف رح نفوت ع مكتبو وانت عم تقول ممنوع حدا يفوت لهنيك غير مرتو وبنتو
شب1: معلم انا برأيي انو مافي غير لين تقدر تفوت لجوا وتشوف وين حاطط الخزنة
ماهر: اي بس صعب لأنو بين لين وعمها مشاكل يافهيم
لين: لا لا انا بقدر فوت
ماهر: مستحيل مارح خليكي
شب2: طيب معلم شو رأيك نعملها ل لين زلمة مع شوارب وشوية تزبيط بأنو هي رجل اعمال كبير جاي من برات البلد وبدو يعمل صفقة كبيرة مع ابو منصور
ماهر: يااجدب طلع ع هالوش(وأشر عليّ) لو تزبطها لبعد بكرا مارح تتحول لزلمة
لين:... حطيت راسي بالارض من الخجل وابتسمت
لين : طيب ليك انا بقدر روح لعندو متل ماانا واعمل حالي اني جاي لأعتذر منو وابكي قدامو وهو قلبو طيب بعرف رح يعمل حالو انو مسامحني واكيد بياخدني ع مكتبو لنحكي شو رأيك
ماهر:ممم فكرة معقولة بس رح تقدري ؟
لين: بقدر اعمل كل شي كرمال ساعد الناس ورجعلون حقوقن وحقوقي انا كمان
ماهر: اذً منيح شو رأيك من بكرا الصبح تروحي ونحن بنراقبك من بعيد
لين: لشو بكرا ليكا الساعة 12 الضهر وهو مابيرجع عالبيت قبل ال 4هلأ رايحة
ماهر: مستعجلة كتير يابنت (وغمزلي)
/طيب شباب جهزو حالكم لنوصلا ونراقب
طلعت انا وماهر و3 رجال بسيارة تانية واخدوني عالمعمل وهني صفو بعيد عن المعمل بحيث بس انو يشوفوني وانا داخلة لجوا وقبل ماانزل من السيارة قلي ماهر
ماهر: ليكي اذا مابتقدري بلاها في غير طرق
لين: بقدر ونص..