ماهر البيك

*the end *

ماهر: ليكي اذا مابتقدري بلاها في غير طرق
لين: بقدر ونص واذا ماشفت الخزنة بالمكتب بحاول اصور بموبايلي اذا معي فرصة
ماهر: ياعيني عليكي، بتعجبيني
/ابتسمتلو ونزلت وبوشي عالمعمل وعم ادعي ووقفوني ع مدخل المعمل وقلتلون اني بنت اخوه وبدي شوفو وعطيتن اسمي ، حكو تلفون وقبل عمي يشوفني ووصلوني ع مكتبو واول ماشفتو حاولت اتماسك بس ركضت عليه وحضنتو وبكيت حالي وانا قلو سامحني ياعمي بترجاك تسامحني
ابو منصور: الله يهديكي يابنتي كنت عارف رح ترجعيلي نحن ماالنا غير بعض
لين: اسفة عمي ظلمتك وماصدقتك كلو من هداك اللي اسمو ماهر لعبلي بعقلي ومدري شو صار ..
ابو منصور: خلص يابنتي روقي هلا واقعدي ومابدي نحكي بشي /قعدت عندو بالمكتب وانا عيوني عم تفحص كل شي بالمكتب لأقدر دور عالخزنة بدون ماينتبه عليّ وكنا نحكي وبعد خمس دقايق دخل موظف عندو وقلو في حدا بدو يشوفو ، طبعا هو وافق واستأذن مني لحتى يشوف الشخص بعيد عن مكتبو وطلع من المكتب وانا ركضت شغلت الفيديو وعم دور وصور كل شي وشفت في كم خزنة مقفلين والباقي مافي شي بيدل انو في خزنة بالمكتب ووقفت بمكاني وسندت حالي عالحيط ولسا الموبايل بإيدي ، علق شعري ع لوحة معلقة عالحيط ، حاولت فك شعري ودرت لجهة اللوحة وتحركت اللوحة وبيّن في شي وراها جوات الحيط نفسو ماقدرت اعرف لانو سمعت صوت دعسات عمي ورجعت ع مكاني وطفيت الموبايل / استأذنت عمي انو رح امشي وخبرتو اني مستأجرة بيت صغير وعم اشتغل بصيدلية ومو حابة ارجع لعندن عالبيت وهو تركني ع راحتي وطلعت من عندو وانا متأكدة رح يبعت حدا يلحقني لهيك طلعت وكتبت رسالة لماهر انو رح غير مساري وادخل ع بقالة ومن هنيك بحكي معو / قدرت ادخل بقالة وبعرف في حدا لاحقني وحكيت مع ماهر اني رح اخد تكسي لانو يلي وراي مامعو سيارة واكيد مارح يقدر يلحقني ورجعت عالبيت بعد ماتأكدت انو ماقدر يلحقني الشب، بعد شوي دخل ماهر وراي عالبيت
ماهر: برافو عليكي والله ذكية ، هاتي لشوف شو شفتي
لين: الخزانة محطوطة جوات حيط وفوقا لوحة وانا ماقدرت اتأكد بس مافي غيرا لأنو دورت منيح بالمكتب وليك الفيديو
ماهر:/عم يتفرج عالفيديو/ معك حق ليكا الخزنة ورا اللوحة خلص الليلة رح يكونو الوراق معنا
راح ماهر والمسا خبرني رح يتصرف بس طلبت منو اجي لعندو طبعا رفض بالاول بس بالاخير قدرت خليه يوافق
ماهر: ليك عماد واحمد انتو بتفوتو من الباب الخلفي لأنو هنيك مافي حراس ومعكم المعدات لفتح كل البواب وانتبهو من الكاميرا هني مو كتار اصلا ونحن بالسيارة مقابيل المعمل وخلي معكن جهاز الارسال هاد لنتواصل مع بعض احسن من الموبايل مفهوم
وتحركو الكل حسب خطة ماهر ودخلو تنين من الباب الخلفي ونحن كنا قاعدين جوات سيارة كبيرةو قديمة
وكنا عم نشوف باب المعمل القدامي والمحرس يلي فيه 2 حراس أمن واحد منون عم يتمشى والتاني جوا المحرس عم يشرب شاي ويتفرج ع موبايلو وماهر طول الوقت يتواصل مع الشباب مع الجهاز اللاسلكي معو وقدرو يوصلو عالمكتب
عماد: معلم وصلنا عالمكتب ومزبوط ليكا الخزنة ورا اللوحة
(طلع عليّ ماهر وابتسملي وابتسمتلو )
ماهر: يلا بسرعة مابينخاف عليكم افتحوا للخزنة
بعد 5 دقايق واحد من الحرس مشي وكأنو رح يلف حوالين المعمل للباب الخلفي
عماد: معلم خلصنا وصرنا تحت ورح نطلع.
/وقف قلبنا ودغري ماهر قلو لعماد: وقفو اوعى تتحركو واحد من الحرس جاي عالباب الخلفي تخبو هلأ ليرجع عالمحرس تبعو
ضلو الشباب 10 دقايق والحارس مارجع لمحلو وخايفين كلنا شو رح يصير بس ماينمسكو يارب/
لين: لقيتا انا رح خلصون
ماهر: شو شلون وكيف؟
لين: شلت الشال يلي ع كتفي وحطيتو ع راسي وقلت لماهر انا رح خلصون بس تفرج
ماهر: يامجنونة وقفي في خطر ع حياتك وبعدين بس يعرف عمك بالسرقة بيشوف الكاميرات وبيشوفك انتي وتروحي فيا
لين: غمزتلو وقلتلو لكان ليش رح حط الشال ع راسي ، لأخبي وجهي بقا بشعراتي شوي وهلا بتشوف ونزلت من السيارة وماهر عم يبربر ويناديني بصوت همس بس مارديت عليه، رحت عالباب الخلفي شفت من بعيد حارس واقف هنيك والتاني عند الباب الامامي حطيت الشال وخبيت وشي وسميت بالله
لين: عم تمشي بصعوبة بترجاك ساعدني ياأخي اخ ياامي رح اوقع
حارس1: شوفي يااختي شو صرلك استندي عليّ تعي معي
لين:اخ اه بترجاك قعدني بدي اشرب مي
حارس: طيب تعي معي عالمحرس بشربك عطيني ايدك
/استندت عليه للحارس وعم امشي بصعوبة لنوصل عالمحرس وبهالوقت بعرف انو ماهر شافوني وهيك بكون بعدت الحارس من الباب الخلفي ليطلعو الشباب واخدني عالمحرس وقعدوني وشربوني مي وضليت شي 5 دقايق لأتاكد انو طلعو الشباب وحاولت من تحت لتحت شوف السيارة اللي فيه الشباب لأفهم اذا مشي الحال او لا بس كان عتمة بس شفت ضو احمر صغير عم يشغل ويطفي جوات الفوكس وفهمت دغري وشكرت الحراس بس ضلو متل اللزقة فيني انو اضل لارتاح منيح بس ماعد عجبني الوضع معون ف استأذنت وطلعت مشي بسرعة بدون مايحسو ع شي وفتت ع شارع فرعي واجت السيارة وقفت وركبت وطلعنا
عماد: لك الله محيي البطن اللي حملك
احمد:والله اخت رجال خلصتينا
ماهر: /عم يبتسملي وبس/
لين: الحمدلله بس طمنوني مشي الحال
عماد:كلو تمام وفعلا خزانتو ماكان فيا غير الاوراق وسلاح
لين: سلاح !
احمد : اي والله بس جبنا كل الاوراق
ماهر:قرب مني وهمسلي بأدني:عم تعجبيني كل يوم اكتر واكتر
ياالله قديش خجلني وقلبي حاسسو رح يوقف كتير كنت مبسوطة بهديك اللحظة
وفعلاً تاني يوم كل الاوراق كانو عند الشرطة ورحت انا وماهر ومن بين الوراق صفقات كلها مزورة وطلبيات شحن سلاح ومخدرات وتقارير سياسية بالموظفين عندو ووراق ملكية ممتلكات اهلي
جابوه لعمي عالمخفر واول ماشافني انا وماهر سوا دغري فهم القصة
/اثبتت كل التهم ع عمي مع وجود الادلة بوضوح ومو بس هيك اعترف تحت التحقيق انو هو يلي بعت المرا لعندي بعد ماحضرتو هددها انو تذكر اسم ماهر قدامي لحتى يخوفوني منو وبس وصلت رسالتون الي قتلها بدم بارد وهو كمان يلي بعتلي الورد وبعت حدا يراقبني ليخوفني مو اكتر من هيك بس ضعت منون وماعد عرف شي عني لوقت اللي رحت عالمعمل وعملت هديك التمثيلية/
/ورجعت عالحارة وخليت مرت عمي تنزل متل الحبابة بعد ماطمعتا انو فيني خلص عمي من السجن متل الشعرا من العجين ونزلت وقدام الناس وصارت تصيح وتخبرون بالحقيقة اللي هي كذبت عليون ع شرفي وكرامتي وخلت الناس كلها تبزق عليها ، هاد كان جزاتا
لين: وهلأ يعطيكي العافية يااا مرت عمي خلصت مهمتك واوعى ترجعي تلعبي معي لأنو المرا الجاي مارح توقف عالبزقة وبس
ام منصور: وقفي الله يخليكي و زوجي عمك كيف رح تخلصيه
لين: العدالة هي اللي بتخلصو والحق بياخد مجراه . سلام / انحكم عمي 30 سنة مع الاشغال الشاقة مع اني تنازلت عن حقي وسحبت دعوتي الشخصية بس مع هيك بلاويه يلي عملها ماقدر ينفد منها و رنا اللي تزوجت خطيبي السابق وائل وهلا هني بدبي ، المسكينة تطلقت بعد ماوائل عرف بالحقيقة عأساس انو هو شهم ومارضي بالوضع /
ماهر: بس بس ياحلو وين شارد
لين: اه لا ولاشي بس ..
ماهر: بس شو .. كملي
لين: وائل اتصل فيني وقال طلق مرتو وعم يعتذر بدو ارجعلو . شو رأيك؟
ماهر: شو شو ترجعيلو شو هي شوربة ماحذرتي لا انتي وياه ، تعي معي /مسكني من ايدي واخدني عالصالون لعند امو /
لين: لك يامجنون شو عم تعمل وجعتلي ايدي
زينة: شوفي لك ابني شو صايرلكن
ماهر: ماما انتي حضريلنا الملوخية والرز مامنطول
لين و زينة: لك لوووووين ؟
ماهر: عالمحكمة رح اتزوج هالأنسة قبل مايرجعو يخطفوا مني
زينة : ههههههه اي هيك ها لك واخيرا ليليليليييشش
لين:لا . ل لك .. شو شوعم تحكي
ماهر:عأساس مابتعرفي انو انا مجنون فيكي ومن اول يوم شافت عيوني هالملاك
ماهر: من وقتا كنت احرسك وين مارحتي وماعد فيني طول اكتر بدي ياكي اليوم وقبل ماتنطبخ الملوخية
لين:هههههه مجنون بس وقف ، شو مشان حبيبة القلب ورح تتزوج عن قريب وانا وامك نرقص بعرسك لنشبع؟
ماهر: اي كان قصدي عليكي ياشكليطة واكيد انتي وامي رح تدبحو حالكن بالرقص بعرسي ولا شو
لين: هههه
ماهر: بحبك
لين: بحبك
رحنا عالمحكمة وتزوجنا وبعد يومين كان عرسي يلي لهلأ ماعم صدق اللي عم يصير معي
(لبست الأبيض ياأمي وحطيت الطرحة يا بابا وتمنيت تكونو معي بهاليوم وانا مع الانسان اللي بحبو وبيحبني ويلي رجعلي ضحكتي بعد ماضاعت مني
عرسي ملوكي ماعم صدقو وفستان اميرات بصالة فخمة كتير كل الناس مبهورة فيه كنت متل الفراشة اللي بتطير من جديد ومستمتعة بكل لحظة وهي طايرة بهالدنيي وانا وماهر ولا كأنو مع المعازيم طول الوقت بس نطلع ع بعض ونضحك وكانت الناس تجي تسلم علينا ومعازيم كتيرة انا ماكنت بعرف عندون هالقد معارف وناس مبينة اكابر يعني شي فاخر من الآخر
كنت قاعدة عالكرسي الملكي وماهر جنبي عم يسلم مع واحد من المعازيم وشفت كأنو صحافة وجاي لعنا
صبية وحاملة ميكروفون:لو سمحت استاذ معلش نعمل معك مقابلة سريعة انت والعروس بهيك يوم مميز
ماهر:اي طبعاً بس ثواني اذا سمحتو وياريت ماتعملو ضجة او اي ازعاج للمعازيم
الصبية:اي طبعا استاذ
أشرت للصبية بأيدي انو تقرب مني
لين:اذا سمحتي لشو هالمقابلة الصحفية
الصبية:ولو يامدام كلنا مستنين هاليوم وهاد رح يكون اكبر سبق صحفي بعملو بحياتي اني قدرت ادخل ع عرس الاستاذ الكبير ماهر واعمل معكم مقابلة والدنيا مطروشة بخبر زواجكم
لين:منصدمة وحسيت حالي هبلة ماعم بفهم طيب شكرا الك وللشباب اللي معك
ماهر :اي طيب نحن جاهزين تفضلي ياأنسة وقفنا وماهر مسكلي ايدي ونحن جاهزين للمقابلة
الصبية:الدنيي مطروشة والاخبار والمجلات والصحف ماالها خبر غير زفاف رجل الاعمال الملياردير ماهر البيك
هون اجتني السكتة القلبية حسيت حالي رح اوقع بين ايدين ماهر بس هو شد ع ايدي ليوجعني لأنو الخبر نزل علي مي باردة
ياالله معقول ماهر حبيبي هو نفس رجل الاعمال الملياردير ماهر البيك يلي انا كذبت والفت قصة عنو انو لك ولي ولي ياسواد وشي من ماهر
التفت علي ماهر وهمسلي بأدني:اي ياحلو انا ماهر البيك لا تدبلي هلأ قدام الكاميرات لأنو حسابك معي بالبيت قلتلي انضربت فيكي ما واعتذرت واترجيتك وورود وهدايا وماقبلتي فيني ما
لين:بس عيونك مابيشبهو عيون يحيى بمسلسل يحيى ولميس
ماهر:التفت عالكاميرات وقال خلي الناس تشهد انو انا خلقت اليوم وتشهد عحبي اللي بعمري كلو مارح يخلص لهالملاك
لين:بهمس بآدان ماهر بس شعرك نفس شعرات شاروخان
تزوجنا انا وماهر وماقدرت انفد من لسانو وعشنا نحن وأمو بفيلا ماهر وجبتلو احلى ملائكتين صبي وبنت سميتون ع اسم ابي وأمي سامي و جوري
.
.

.
.

.
.
انتهت بتمنى تعجبكن ❤❤❤
برجع بقول القصة مو الي انا بقرأ قصص وبيعجبوني وبنزلهن
(اعادة نشر يعني )