بارة الاول:
.
# سلاح_ الجريمه
//
ضلام والدنيا تخنك.... جثه تعبانه بلا روح وبلا معين يكلهة كومي.... اي نعم جثه تعبانه مابيه حيل دكول اخخ... ياهو الاجه دفره برجله مشمأز من وجودهة.
اصعب شي بدنيا من تكون غريب بين اهلك وناسك، عايش يتيم منبوذ واحد يذبك ع لثاني،
وانت مثل السعفه اليابسه المسحوكه ومتفتته،
تفيد للحرك حت تصير رماد ويطيره لهوة وتنسي،
ومايقباله بس اثر لسواد الخلفه لحرك
هذا انا
انا لمنبوذ ولمخذول ولمحروم
انا لي اصيح يمه ويجيني صدى لصوت ويكلي ماعندك ام،
انا لمكتوله روحي
وانا الشوف نفسي ثكيل بيت ابوي
انا لي انتجي ع لحايط ولحايط ينهدم من ثكل همي!
انا لي تعودت اكتل وماخاف
انا لي يغدر بيه امحي
انا لمجرم لي اهلي ماسلمو مني
انا قصة عذااب
انا واحد مايعرف لرحمه
انا لي ميثق حت بروحه
انا لي كله بعدت عني
انا لكله تشوفني مجرم وخطير بس محد يشوف شنو بدااخلي!!!
انا لشفت مووت امه وخوانه!!
انا لشاف كلشي بعينه بس محد يصدكني
//
كبرت بحضن الحجيه
وجنت دوم اساله امي واخوية وين ودكلي
ـ يمه اهلك مسافرين
ـ اريدن اروح يمه عبن لدنيا تكتل يمه وعلي تكتل
ـ لايمه لاتحتاج احد بس ربك هاي دنيانه لو دكت رجله ع بني ادم المضلوم والماله والي تطحن ضلوعه طحن بس ربك يوكفلك ويكسر ضهر لدنيا
ـ زين يمه انه ليش كله تكرهني؟؟!
ـ مامسوي شي يمه يغارون منك عبنك حليو واسمراني ولعالم تحبك يمه
ـ يمه بردان غطيني
ـ تعال يمه بحضن امك يوليدي
ـ رحت وانه طفل شارد من لبرد لكسر ضلوعي بسبب عمتي ايمان مرات اجذب
اچذب واكول بردان حت تنومني بحضنه واشتم عطره
كبرت وكبر همي وياي وصار عمري 15وانا شايل هم اكبر من عمري اخخ ييمة
جنت طالع وصادف لجو مطر ولكاع رطبه وطين ورجعت للبيت وجانت ايمان منضفته وماخلتني افوت وخلصت يومي بره
جنت حيل مشتهد بدراستي وشكد جنت افرح من لمعلم تبوسني ومن لمعلم يكلي عفية ابني، عفية ببني لبطل جنت ادرس واشتغل بنفس لوكت
جانت فلوس شغلي اخليهن يم لحجيه "حنه"
وماصرف منهن شي
جنت بيوم طالع مختنك من لبيت بسبب ايمان ورحت للمسجد وجان لحجي خضر يصلي كتله
ـ عمي هاي شنو تسوي
ـ هلا بعلاوي وليدي جاي اصلي
ـ عمي علمني ع لصلاة
ـ صار وليدي تدلل
ـ وبده يعلمني وكتبلي كلشي بورقه حت ماانساهن وصلاة ليل صرت يومية اصلية اخلص من تعب لدنيا للسجاده ولسبحه
أنت تقرأ
سـلاح الجـريـ۾ـه
Romanceتتحدث عن شخصية غامضه ومجرمه اثر اب فاسد دمر عائله بأكملها وخلق مجرم لايهتم الاحد ولايبالي همه الوحيد هو القصاص والقتل مجرم كبير ضمن احد المئسسات للعصاب ولتهريب للممنوعات لديه الكثير من الاعداء،، لم يرحم احد لاحبيباً ولا اباً ولاحت اخً.....
