الجزء السادس والاربعون
.
زينب علي
.
......
وعذرتهُ لمّا تساقط دمعهُ
ونسيتُ أيامًا بها أبكاني
وأخذتهُ في الحضن أهمسُ راجيًا
جمرات دمعك أيقظت نيراني
أتريدُ قتلي مرتين ألا كفى!
فامنع دموعك واحترم أحزاني
لا صبر لي وأنا أراكَ محطّمًا
يا من يُجرّح دمعهُ أجفاني ..
......
اشجان: ابتسمت على كلامه وطفيت لتلفون شوية واجت ام أسر وبيده ماعرف شنو احجار ماعرف قواقع الي تصير بالبحر هيج شي اسمه طشة
كعدت طش باوعتلي وحجت
ام أسر: تردين اطشلج
اشجان: ما أمن بهيج سوالف هاي كوله خرافات بس يلا طشي... جمعتهن بيده وماعرف شنو حجت ونوب نثرتهن صفنت عليها ومركزه بكل حرف تحجي
ام أسر: انتي حامل؟
اشجان: لاا
ام أسر: لا حامل هنا ديطلع الي حامل... واكو حاليا خلاف بينج وبين رجلج... ديري بالج من لايام الجايه جاينكم مصيبة بس الله اليستر منها
وراح تخليكم تبتعدون عن بعض خصوصا هوا راح يبتعد عنج.... شوفي هاي اكو وحده عينها عليه ويصير وبينهم نصيب.... وهوا شوفي جايته شده مرض اعوذ بالله
منها وراح يبتعد عنكم.... ديري بالج من الايام الجايه كله سوده ومراح تشوفين الراحه لا انتي ولا هوا وطبعا هو كلش يحبج بس اكو بينكم شغلات مو
انسيه يعني مو من لانس وهو سبب المشاكل رجلج حييل متعوب والعين عليه اكو أثم محاوطه ومقيده.... ابنج مو صاحي وبي خلل بس مو هسة
يطلع بي خلل بعقله وجسمه..... وهذا الي بطنج مايعيش تولدينه بس يموت وسبب موته هو سبب الصلح بينج وبين رجلج..... اكو ولد شاب رجلج دوم يفكر بي وماخذ من
تفكيره حيز جبير بس الولد مايعودله..... ديري بالج من اقرب الناس الج لان همة سبب خراب بيتج...... انتي ويا تنفصلون يصير بينكم مشكله وانتي الي طلبين الطلاك
اشجان: لعبت نفسي من كلامه خليت ايدي على الطشه ونثرته خربطته... مايعلم الغيب غيره سبحانه هذا كوله جذب وماله صله بالواقع
ام أسر: والي بطنج هم جذب؟؟ مو يمهم لايام تثبتلج نصيحه لوجه لله رجلج خلي يتعالج يم رجل دين
اشجان: صكيت على اسناني وحجيت.. مابي شي كلامكم الفارغ ماله داعي... هزت ايده عليه
نرجس: لعد طشي الي خلي اشوف شيطلع لي
ام أسر: شوفي يمة انتي بداخلج روح يعني حامل وعين لله عليج.... دووم تفكرين بالماضي ترا جاي يأثر بيج وطبعا انتي منفوسه من واحد متوفي
جاان رايدج وبينكم قسمه هاي وياهة شوفيه بس ماتزوجتو وضليتي بنفسه وهو الحد هسة نافسج ودوم محاوطج ويمج روحه يمج وانتي تحسين بي
أنت تقرأ
سـلاح الجـريـ۾ـه
Romanceتتحدث عن شخصية غامضه ومجرمه اثر اب فاسد دمر عائله بأكملها وخلق مجرم لايهتم الاحد ولايبالي همه الوحيد هو القصاص والقتل مجرم كبير ضمن احد المئسسات للعصاب ولتهريب للممنوعات لديه الكثير من الاعداء،، لم يرحم احد لاحبيباً ولا اباً ولاحت اخً.....
