اللهم صل على محمد وآل محمدبسم الله الرحمن الرحيم...
قصه جديده ومغامره مشوقه...
..الرمي ملا المنطقة كلبي يريد يوكف من الخوف اعاين على اختي تون وجهه احمر من الصخونه محد رأف كلبه عليه واخذه للمستشفى اجت أمي تركض وكوه تحجي
_اخذي اختتتج واطفري راح يكتلوه
_يمه صدك تحجين شنوو ذنبه
_اكلله اطفري تكلي شذنبه وللج محمد ابن وليد يكول راح يكتلونه ويدفنونه روحي اخذي اختتتج واطفري على السطوح
شافتني واكفه مامني فايده عافتني وراحت تبوس بأختي حيل حطت علاكه بيدي ماعرف شبيه كومته لأن هيه جانت ممدده بالكاع رحت على السريع لبست نعالي وحجابي لزمته وصعدت على السطح....
مكدر اطلع من الباب لان مملي زلم وناس صرت اركض بس علمود اطلع من منطقتنا بسررعه دنيا ليل والناس نايمه وكفت أول سياره صارت كدامي بس مقبل وراح حقه بنيه شابه وطفله وين يردون بهل اليل المعتم...
ضليت أمشي واني اتذكر وجوهم المليانه حقد
معرف ليش جاي يعاقبونه على ذنب هو مو ذنبه شنوو نسوي إذا احنه تربينه على صوت المرأة ميعلى على صوت الرجل..من جنت زغيرونه جنت اتمنى اعيش بغابه كبرت وشفت الحيوانات ماليه حياتي بس بدون غابه كدرت أمشي مسافه كلش جبيرة مبتعده عن بيتنه صار كدامي بستان ....
بدون ايي تردد دخلت للبستان صرت ابجي وارجف من الخوف اختي وجه صار أصفر ضليت أمشي واني ماعرف وين نهاية هذآ البستان
رفعت راسي للسماء واحس الأرض والسماء ما ماواسعتني_الهي وسيدي ملي غيرك لاتتركني
وكعت اختي متكدر تمشي
_كوومي فدوه
ماكو رد منه خليت وشلت وهيه الله يسلمه سمينه
مشيت شويه وشفت غرفه بنص البستان يشع منه النور بدون تردد رحت دكيت الباب من اجاني صوته عبالي سكران او هيج شي ردت اطفر بس ملحكت نفتح الباب وطلع ولد جبير من شافنه استغرب وأول سوال ساله.._شنوو تردون منو انتو
_جاين نحتمي بالعدهم غيره
_شاردات من اهلجن
رديت عليه
_لااا والله لاا_جاا؟؟
_انطيني الامان
هز راسه موافق
ملكيت غيرر هذا الشخص احجيله الطركاعه الطحت بيه سأل_هذآ الرمي منكم
_اييي خواني كتلو ابن جيرانه
_ادخلو هسه
دخلنه لان ماكو غيرة نحتمي بيه ماعرفه ولاشايفته بحياتي شخص غريب بسرعه وثقت بيه لان حسيت ماكو غيرة يخلصني طلع موبايله وخابر..
_الوو هلأ شيخ الله يساعدك .......لاا ماكوو شي بس
وديلي سياره بيد واحد من الولد عندي أمانه الك......
حبايبي نزلوهه يمكم بالمكتبه إذا تحبون ...
أنت تقرأ
لأنها أختي
Science Fictionفتاه ذاقت وتحلمت المر من أهله نعم اهله اللي لازم يكونون سند اله صارو كسره ضهر اله وعندما تعلق الأمر باخته الصغيره... ثارت النيران البداخله