ضحية الحقد (رواية ليبية)

ضحية الحقد 1

#رواية:ضحية حقـ🔥ـد💔
#للكاتبة:سوسو الشريف🔥

"المقـــدمــة"
.
.
.
____🔥...

ديما لازم ايكون في كل بيت مشاكل بين الإخوان. ومرات ايكون في الي يكره اخوه من غير سبب. يعني ايغار منه
ومرات ايكون في مشاكل بين الخوات وزوجة الأخ
يعني يكره زوجة خوهم من غير سبب.

وفي الرواية تو نعرفو من الي يقعد الضحية في هذي المشاكل..
.
.
__🔥_*الحلقة الأولى*_🔥__

وكأني مش حاسة بالألم الي في كرعيا بعد ما حقيتهم وقعدت نسرع بكل ما نقدر من قوى وكان راسي ينزف وكراعي مكسور وبعد ما شفتهم انسيت الألم ...

في لحظة سمعت صوت رصاص وانقطع نفسي وانا كنت انحاول اناديهم وما كنتش عارفة شن صارلي ونسمع في صوت الإسعاف وصوت ريماس تبكي💔...

*_"💎ســهـى الـشـريــف"____*

في حوش منا كان الكل بايتين عندهم خالاتها وعماتها ايوتو للفرح ..

حلا: ح نرايفولك يا منا واجد 🥺💔
منا: ينعلي حتى نا بس تو نقعد انجيكم🥺
هناء: ايوه راك تنسينا بعد ما تزوجي😉
منا:استحالة ننساكن انتن حبيبات قلبي 😘
حلا&هناء:نجك لي والله ح نرايفولك🥺🥺

بعدها جت رهف ..
رهف:شخبار عروستنا😍.
منا: كويسة الحمدلله يا قلبي وانتي شخبارك🥰.
رهف: طايرة من الفرحة واخيرا حنشوف بنت خالتي عروس🥺👰🏻.
منا: نجك لي يا قلبي 😘

بعدها نادتهن سميه...
سميه :يا بنات وين رحتن تعالن ساعدن وخلن منا ترتاح
هناء&حلا&رهف:هيا هي جينا
وعدن البنات ايساعدن..

منا خذت البطانية ورقدت ..

*_"💎ســهـى الـشـريــف"____*

التعريف عن الشخصيات

منا:عمرها 25 شعرها طويل وبيضة وطويلة ورموشها طوال وشفايفها صغيرة ومنفوخة وعيونها سود.
سميه ام منا وعندها خوها الكبير متزوج رهف بنت خالتها وعندهم وليد اسمه معتز وباتها محمد.

هناء (بنت عم منا):عمرها26 شعرها قصير طولها عادي سمرة شفايها كبار عيونها قهويات.

حلا (بنت خال منا):عمرها 23 شعرها قصير وقصيرة شفايفها صغار بيضة بشرتها صافيه وناعمه عيونها عسليات.

رهف (بنت خالة منا وصديقتها المقربة):عمرها 25 شعرها طويل وبيضة وطولها عادي عيونها كبار وسود وشفايفها صغيرة ومنفوخة .

كان الكل ايقول انه رهف ومنا كانن يشبهن لبعضهن لدرجة انه الي ايحقهن يحسبوهن خوات
(ورهف متزوجة لها فترة من اخ منا وعندها وليد وتوة حامل ).

*_"💎ســهـى الـشـريــف"____*

يوم فرح منا .....

كان الكل فرحان وكانت مراسم الأفراح بادية وكان الكل قاعدين ايوتو في ارواحهم.

منا في المزين
حاطه مكياج خفيف و لابسة فستان منفوخ مشبك من الكتف ومطرق من الخصر ولبسة التاج.

جت رهف تبي تاخذها من المزين..
رهف: مشألله تبارك الرحمن عليك اتهبلي😍
منا:نجك لي ياعمري🥺❤️

وطلعن منا ورهف من المزين..

*_"💎ســهـى الـشـريــف"____*

في الفرح عند البنات خدمن وتن كل حاجة وعدن لبسن وسرحن شعرهن 💇🏻‍♀️

ومر العرس كيف اي عرس ليبي من بيان وحنة واسبوع وكان الكل فرحان لي منا وكانت الأجواء حلوة
والزغاريت ماليات الحوش والبنات طايرات من الفرحة وفي نفس الوقت فرحانات لي منا وحتى منا كانت زعلانه لأنه خلاص تبي تطلع من حوش هلها وحتخش في حياة جديدة ومسئوليات وفرحانه لأنه تبي تشوف حياتها كيف اي بنت.

*Suha👑*
منا اتجوزت راجل اسمه خالد صاحب شركات وعنده فلوس اتغطي عين الشمس وكانت سعيدة في حياتها وكل حاجة تبيها ايدير فيها الها لدرجة انه خواته ما يقبلنش منا بكل ولا ايطيقنها😒.

بعد مرور سنة منا جابت بنت سمتها ريحانه وكانت نسخة من امها وكان الكل ايقول عليها منا النسخة المصغرة 👩‍👧❤️

بعدها كبرت ريحانه وقعد عمرها خمس سنوات

*_"💎ســهـى الـشـريــف"____*

داخت منا وشالها خالد للمستشفى عشان يطمن عليها

.في المستشفى
طلع الدكتور
الدكتور:وين اهل المريضة
خالد:نعم يا دكتور انا زوجها
الدكتور:للاسف المريضة طلع عندها السرطان
خالد في حالة صدمة:باهي يا دكتور في فرصة انشيلها وانعالجها
الدكتور:للاسف سيطرت الخلايا السرطانية عليها ومفيش فرصة
وعدا الدكتور
خالد كان يذكر في كل شي كانت حياتهم سعيدة بس في لحظة ادمر كل شي وكان خالد وكأنه قاعد في دوامه ومش عارف كيف يطلع منها
احمد:شن صار شن قالولك
خالد:م م ناا عندها السرطان💔
احمد حط يده على راسه:باهي نقدرو انساعدوها في امل 😨
خالد:قال الدكتور مفيش املللل
رهف انهارت من البكاء :كيف ما نقدروش انساعدوها😭💔
خالد: الخلايا السرطانية سيطرت عليها😰💔

ايجي الدكتور:وين اهل المريضة
خالد:نعم
الدكتور:تقدرو اتخشو توة
خالد:اوكي وخشولها

منا:خالد شن صارلي
خالد بابتسامة مصطنعة:حبيبتي منا
منا:نعم

خالد:كل انسان رح ايجنه مصاعب ومصايب في حياته ولازم ايتخطاهن 
رهف:دمعو عيونها
منا (قريب طاح قلبها من الخوف واتبهت في احمد ورهف):عليش شن صارلي
خالد:عندك السرطان وباذن الله رح تبري منه
منا حست بكل شي ادمر في لحظة: اها (وعيونها دموع)
جت رهف اضبطتها جابت ريحانه:ما اتخافيش حبيبتي انشألله الي كاتبه ربي ح يصير
منا اضبطت ريحانه
احمد:ما اتخافيش انشألله يارب تكوني بخير  
منا :انشألله😔 باهي عادي اتسيبونا انا ورهف
احمد&خالد:تمام ع راحتكن
وطلعو وسكرو الباب
منا:رهف نبي.......
رهف:ما تخافيش اصلن.....
منا:الله ايربحك ردي باللك......😭💔
رهف:انشألله مايصيرلك شي تو...😭💔
عند احمد وخالد
جاء الكتور: مزال .......
كان الخبر كيف الصاعقة عليهم

شنو هو الخبر و شنو قالت منا لي رهف ومن هو بطل الرواية
ح تعرفو كل شي في الحلقات الجاية 
ومزال في شخصيات جديدة وبطلة الرواية ح تظهر ومش حتكونو متوقعين من هيا  
في روايات
من كتابة: سوسو الشريف🤍.
Inst:"💎ســهـى الـشـريــف"
sahawi_66