ضحية الحقد (رواية ليبية)

حلقة 5

رواية: ضحية حقـ🔥ـد💔
كتابة:"ســوسـو الـشـريــف💎"

*الحــلـ5ـقــة*

وعدت وتت روحها وقالتها لي خالها ومرت خالها وجاء سالم وصلها للحوش سالم جاب شيخ وريحانه  وقعت على الاوراق من دون ما تقراهن وطلعو عشان ايعدو لي خالد....

عند معتز جاء للحوش دور ريحانه معش القاها
معتز:امي وين ريحانه
رهف:معرفتش طلعت مع ولد عمها سالم عشان تلم دبشها ويشيلها لي باتها لانه امطول غادي
معتز تعصب:تي كيف تطلع من دون ما اتقولي حياتها في خطر توة واتخلوها تطلع عادي
رهف انصدمت:كيف كنها شن فيها😳
معتز:في وحدين ايهددو فيها واشخاص ايراقبو فيها امس هظ جتني تجري من الخوف لانه شافت شخص من الروشن ايشيرلها على الورقة هذي ومدلها الورقة
على جية ريماسكانت تصنت فيهم :كنها ريحانه وليش صار فيها هكي ومن هما هذول😳
معتز:والله علمي علمك انشألله ما يقعد صاير فيها حاجة

عند ريحانه وسالم
ريحانه نعسانه:نا نبي نرقد لما نوصلو وعيني🥱
سالم:اوكي ارقدي نوم العوافي
ريحانه:تسلم😊
ورقدت ريحانه
وكان تليفونها كامل شحنه

عند خالد
خالد حس انه مش مطمن وقلبه انغزه قعد ايرن على ريحانه تليفونها مقفل وبعدها رن على معتز
خالد:ايوه معتز شن داير
معتز:الحمدلله شن داير انتى يا عمي وجو الشغل امعاك
خالد:الحمدلله قتلك عطيني ريحانه انرن عليها تليفونها مقفل
معتز:توة ريحانه قاعدة في الطريق قالت انه انته كلمتها وقلتلها اتجيك لانك امطول في الشغل وقلتلها اتجي مع سالم
خالد من اول ما سمع اسم سالم اضايق بدا يحكي بصوت عالي:كيف اتخلوه ياخذها الكلب هظا مستحيل نطمنله وتوة خذا بنتي منش عارف وين شالها توة كيف نبي اندير نا ما قلتلهاش تطلع امعاه ولا اتجيني نا قبل بكرى نبي انروح
معتز:كيف مش انتى الي كلمتها معناها من وشن يبي ايديرلها 😡
خالد:تو انجي نا بسرعة وانتم حاولو اتلحقو عليها
معتز:تم وعدا وهو مستعجل طلع من الحوش وعدأ لي مركز الشرطة وبلغ وكلم اصحابه وكل حد واقعدو ايدورو في ريحانه كلهم والشرطة قاعدة على كل البوابات

*_"💎ســهـى الـشـريــف"____*
عند ريحانه وسالم
سالم:ريحانه نوضي نوضي
ريحانه:ها وصلنا باهي هي
ونزل سالم الشناطي وخشو لي الشقة وسكر الباب بالمفتاح
سالم :نورتي حوشك حبيبتي ومرتي وكل حياتي
ريحانه انصدمت:شنو سالم كنك مرتك شنو وحبيبتك شنو البصارة هذي ما انحبهاش
سالم يضحك:نا ما انبصرش حتى انتي مش امصدقة كيفي صدقي صدقي حبيبتي
ريحانه:سالم الله ايربحك خليني في حالي
سالم:خلاص انتي تميتي حلالي وملكي انا وبس مش ملك معتز الحقير
ريحانه بدت تبكي:انتى الحقير ياحيوان يا وسخ خطاني يا نذل كيف تزوجتني انتى اصلن
سالم:تبي تعرفي هههه تضكري المكالمة هظا ما كانش باتك وكان مغير الاصوات والاوراق الي وقعتيهم اوراق الزواج وتذكري لما رقيتي اتجهزي في روحك فوزية كانت قاعدة وهيا الي قالت للشيخ انها موافقة بدالك غار رققت صوتها بس
ريحانه:قصدك الخطة الي تحكي عليها فوزية هيا زواجك مني والحقيرة الي اسمها فوزية مشتركة امعاك😭
سالم:ايوه شاطرة حبيبتي
ريحانه:وليش ما تزوجتني بطريقة التقليدية ليش الجو هظا
سالم:عرفتك رح تسأليني هكي انا كنت انحبك من زمان وهظا سر الحنان الي امعاطيه ليك وكلما نطلبك من باتك يرفضني واهلي ما يبونيش ناخذك ف اضطريت اني نستخدم الطريقة الصعبة
ريحانه تبكي :باهي انا شن ذنبي😭
سالم يهمسلها:تبي تعرفي شن ذنبك ذنبك اني حبيتك
ريحانه بدت اتعيط:ياناس ياهووو ساعدونييي
سالم:اسسسس اتعيطي اتقول خش عليك حد غريب انا توة زوجك وكل حياتك
ريحانه:سكر فمك انتى ياحيوان منكش زوجي ومستحيل اتكون
سالم ضربها كف👋🏻💥قوي نين قعد ايصب دم فمها وخشمها
ريحانه قعدت تبكي:خزي يا حقير يا كلب 😭
سالم مسكها من فلينتها عارفة لو قللتي ادبك امعايا مرة ثانية اتشوفي شي مش حيعجبك وامشي امعاي كويس خيرلك وعدي توة ديريلي فطور
ريحانه ناضت وهيا خايفة عدت للمطبخ دارتله سفرة فطور وجت تبي اتعدي
سالم:قعمزي
ريحانه: لا ما نبيش نبي انغير ونرقد
سالم عيط في وجها:قتلك قعمزي انقولك حاجة نفذيها من دون كلام
ريحانه قعمزت من الخوف