ضحية الحقد (رواية ليبية)

حلقة 10

رواية: ضحية حقـ🔥ـد💔
كتابة:"ســوسـو الـشـريــف💎"

*الحــلـ10ـقــة*

ريحانه عيطت له:معععتتتززز..
....
وفجأ صوت يصدمهم كلهم.....

وكأني مش حاسة بالألم الي في كرعيا بعد ما حقيتهم وقعدت نسرع بكل ما نقدر من قوى وكان راسي ينزف وكراعي مكسور وبعد ما شفتهم انسيت  الألم ...
 

في لحظة سمعت صوت رصاص وانقطع نفسي وانا كنت انحاول اناديهم   وما كنتش عارفة شن صارلي

ريماس&معتز:ريحااااننننههه💔...
وعدو يجارولها

نسمع في صوتهم بس ما كانش واضح وبعدها نسمع صوت إسعاف وصوت ريماس تبكي💔...
ما كنتش فاهمه شن صارلي وكأني في حلم مش حاسه بروحي بكل💔...
كانت دقات قلبي تتزايد وحاسه روحي تبي
تطلع ونفسي خلاص يبي ينقطع بس سمعت صوته وهو يبكي💔...
مش عارفة كيف صار هظا كله وشنو صار💔 .

(كان سالم هو الي طلق علي ريحانه وكان جاي هو وجماعته وبعد ما شافها خلاص قاعدة في امان لأنه لو جاء خذاها ح يلحقوه الشرطه )

جاء الإسعاف وخذا ريحانه وللاسف كانت حالتها خطيرة من اثار التعذيب والمصاعب الي مرت بيهن في رحلتها وفوق هظا كله كانت.....تو تعرفو بعدين..

معتز وريماس وكريم قاعدين في المستشفى ايراجو في اي خبر علي ريحانه والدكاترة كانو يجارو لأنه الحالة صعبة....
كانت الممرضه تجري وقفها معتز
معتز:الله ايربحك  قوليلي شن وضعها توة طمنيني بالله عليك...
الممرضة:توة الحالة غير مستقرة انتم ادعولها بس انه تتخطى الخطر انشألله تطلع بخير...
معتز:انشألله 😥💔....
وعدت الممرضه...
جاته ريماس:هاا شن قالتلك الممرضه🥺💔...
معتز تنهد بحزن:قالت انه حالتها صعبة توة وانشألله اتخطى الخطر😓💔...
قعمزت ع الكرسي ريماس بدت تبكي:ياربي ساعدها يا ربي😭😭💔...
جاء كريم قعد ايهدي فيها:خلاص انشألله ربي ايطلعها بالسلامة...
ريماس :انشألله يا ربي هذي اختي ربي ما عطانش خوات بس رزقني بي ريحانه انشألله تطلع كويسة يا ربي😭💔💔....
كريم:انشألله...

بعد ساعة من الانتظار والتوتر طلع الدكتور...

جاه معتز:هاا طمني يا دكتور عليها هيا اكويسة توة..
الدكتور:هيا توة تخطت مرحلة الخطأ و وضعها مستقر بسس...
معتز:بس شنو تكلم ...
الدكتور:بس ما اقدرناش ننقذ الجنين....
معتز انصدم:كيفف 😳💔...
الدكتور:للأسف ولأنه توة هيا في الشهر الثاني تعبت واجد خاصة انه الشي الي صارلها مش اشوية عليها...
معتز وهو مصدوم ومكسور:توة نقدر انشوفها😓...
الدكتور:توة مش ح تقدر اتشوفها توة...
معتز:اوكي...وعدا وهو مهدود حيله...
كريم:هاا شن قالك الدكتور..
معتز:مش وقته توة نا راسي يوجع فيا نبي انعدي انتريح بعدين انقولك...رد بالك علي ريماس نا ماشي...
كريم:تمام علي راحتك...
وعدا معتز وخلا كريم مع ريماس لأنه يعتبره كيف خوه و واثق فيه...