رواية: ضحية حقـ🔥ـد💔
كتابة:"ســوسـو الـشـريــف💎"
*الحــلـ7ـقــة*
.
.
.
سالم:شن تبي انتي خطيني خليني نرقد
ريحانه:الباب ايدق
سالم لا رد...
ريحانه:افف يا ربي كيف نبي انتحمل العيشة هذي نا...
والبست املاية الصلاة وفتحت الباب...
ريحانه مستغربة:اهلين تفضلو تبو شي
مرام :لا حبيبتي جايين انرحبو بيك نحن جاراتك..... انا مرام نسكن امقابلتك😊
سوزان:وانا سوزان... نسكن فوق منك تبي اي شي ما اتحشميش☺️
ريحانه:انا ريحانه...صحيتو حبيباتي انشألله معرفة خير خشو كنكن امصبيات قدام الباب تفضلن
مرام :لا والله نحن جيناك ع غفله جايبيلك طبق كيك
سوزان:تو مرة اخرى انشألله خلاص توة مع السلامه
ريحانه :مع السلامة وصكرت الباب....
واتحس في حد شد شعرها
سالم كر شعرها:شن تبي فاتحة الباب بدون استأذان ومن دون اذني😡
ريحانه:ايي راسي سيب شعري وتو نحكيلك
سيبها سالم:ها تكلمي
ريحانه:الباب قعد ايدق وتميت انوعي فيك معش وعيت لبست املايتي وفتحت الباب القيتهن الجارات جايات ايرحبن فينا
سالم:مانبيكش اديريلهن سريب معش اتكلميهن
ريحانه:ليش باين عليهن اكويسات وحتى نا مالة بروحي خاطفني وحابسني
سالم عاود كر شعرها :نا ماخذيتش رايك قتلك ما اديريلهنش اسمعي الكلام😡
ريحانه:ايي باهي باهي غار حود 😭
سالم وجها:عدي خشي لي الدار تو قدامي
عدت ريحانه خشت
سالم خذا المفتاح: تو اتشوفي الوجه الثاني ليا
ريحانه مسكاته من يده:علييش ما اتسكرش عليا الباب😳🥺💔
سالم وجها:اقعدي هن ما نبيش نسمع صوتك😡....
وقفل الباب...قعدت ريحانه تبكي بحرقتها واتفكر ليش كل هظا ليش لي هالدرجة حاقدين عليها ليش هيا بالذات وليش وليش وليش اسئلة واجد ايدورن في راسها ومش لاقيتلهن جواب....
*_"💎ســهـى الـشـريــف"____*
...
..
.
كانت فرحانه لأنه كل شي ماشي تمام ....
كانت مريم بنتها هيا وعزو مرايفين على ريحانه واجد وكل يوم يسألو في امهم وامهم اتهزب فيهم كلما يسئلو عليها....
معتز الي نفسيته صفر ومعش قادر وايلوم في روحه ع كل شي صار لي ريحانه....
رهف كيف الأم الي ضاعت منها بنتها ولأنه منا ام ريحانه وصتها على ريحانه قبل ما تموت وريحانه امانة في رقبتها والامانة صعبة....
وريماس وكريم كانت علاقتهم كل يوم تكبر وحبهم لبعض يكبر وكان كريم يدور على ريحانه مع معتز وباذل كل جهدة امعاه وماسيباش حتى في يوم واحد....
ريحانه كل يوم تطور معاملة اسلام الها ويطلع شي جديد عشان ايزيد من عذابها....
وسالم الي فرحان لأنه يقدر ايدير اي شيء لي ريحانه من دون ماحد يمنعه والشيطان الي في عقله وقلبه يبي ياخذ كل طاقتها ويخليها كيف الخادمة تحت كرعيه ومخططاته مزالن ما كملن من تعذيب وقهر لي ريحانه وتعذيب بكل الطرق البشعة...
خالد و احمد نفس معتز وكريم ايدورو على ريحانه طول الوقت وكان خالد السكر والضغط يرقى عنده وكل يوم يبكي علي بنته....
والناس الي مش امهنيه روحها من الاشاعات على ريحانه والي يقول انها هربت مع ولد عمها ولا هيا متزوجه بالسر و...و..و...و....
*...................*
أنت تقرأ
ضحية الحقد (رواية ليبية)
Actionمليئة بالاكشن والاحداث المشوقة الي تجمع بين ابطال روايتنا في قصة حب ❤️ اول رواية ليا سوسو الشريف 🫀
