ملكت قلب الصكر 💖

بارت ١٠

جمان/اجت المدرسة داومت خامس هم تعب اجت عطلة نصف السنة وخالو كال..
سردار/ديلان (ام جمان )اني اريد اخطب اخت صديقي
ام جمان/الف مبروك أخوية بس وين أهلها علمود نروح نخطبها..
سردار/بالرمادي
جمان/شوداك خالو بعيد بس هية عاد  حلوة
سردار/خالو همة شيوخ وبناتهم متطلع بس مرة شفتها خطف تشبه صديقي عرفتها اختة ورة شوية طلع ولد صغير سألتة منو هاي الذبت الزبل كال هاي عنود
جمان/اسمها يخبل بس انتة تكول شيوخ شلون يقبلون ينطون بنتهم لواحد بالشمال
سردار/اصلا همة يعرفوني وبعدين اني احبها لو الي لو ماتصير لغيري
جمان/الللله ياخالوو بعدين هم وين يلكون احسن منك اشو جمال ومال وضيفة
سردار/اي هذا الحجي الزين
اعرفكم على نفسي(اسمي سردار ع٣٣ اشتغل دكتور جراحة مواصفاتي حنطاوي وعيوني وسط لونهم ازرق وشعري جوزي طولي ١٨١ جسمي رياضي )
______________
جمان/خالو لويش مستعجل مو اول وتالي نخطبها ماحطير
سردار/شكد فاهية ولج علمود نوصل من وكت يلااا
جمان/اجييت جنت لابسة بنطلون اسود وقميص ابيض وستره طويلة سودة شعري ذيل حصان ولبست تراجي طوال كرستال وكلادة ناعمة مكياج مخليت كلت قبل لااوصل اخلي وكعب اسود ونظارات والله اليشوفني يكول رئيسة مافيا بس شنو غير طالعة أشك شك .
سردار/لك عيني شنو هالجمال والشخصية .
جمان/خالو اني امشي وياك طبعا خالو اخذ عمامة ويا
سردار /طبعا وياي.
جمان/صدك رحنا والطريق طويل وتعب اني نمت قبل لانوصل كعدني خالي عدلت وجهي اني مااخلي فونديشن بس رسمت عيوني وضلال خفيف جوزي ومسكرة وحلكي من دون حمرة هو احمر خليت بس مرطب خالو باوعلي وفها
سردار/عمي بس نوصل الخطابة توكف سرة بديوان الشيخ شنو هل جمااال ماشاء الله 😳🤩
جمان/شكرا خالو
سردار/يلا حبيبتي وصلنا
جمان/نزلنا ولبست نضارتي لأن الشمس ضربت بعيني شو اباوع كلها صافنة علية اووي لهالدرجة حلوة خالو لزم ايدي وصلنا يم بابهم وجانو منتظرينا لأن خالو مخبرهم تقرب شاب بكد خالو كال
فارس/ياهلا وجثير الهلا نورتو الديرة
سردار واعمامة /منورة بيكم
فارس /حدرو تفضلو زارتنا البركة
جمان/الزلم دخلو الديوان لأن الشيخ بي واحنا رحنا لصالة النسوان طبعا احنة ماجنا هواي بس امي وخالتي وعمات خالو وزوجات عمامة اني البنية الوحيدة الجاية وياهن تقريبا ٧ نسوان احنا دخلنا وتلكنا نسوانهم ملكا مال شيوخ ونعم منهم طبعا كلهن حلوات كعدن سولفن شوية وحجت امي
ام جمان/خية ام عمر جاين نطلب منكم ونتمنى ماتردونا
الشيخة ام عمر/ابشري خية
ام جمان/جايين نخطب بنتكم العنود لأخوي سردار هو وحيد ماعندي غيرة وشتردون احنا حاضرين
الشيخة ام عمر/والنعم منكم بس الشور شور ابوها وإنشاء الله مايكون خاطركم الاطيب
ام جمان/مشكوره حبيبتي متقصرين
ام عمر/هاي الحليوة المن
ام جمان/هاي وحيدتي جمان
ام عمر/تكلطي صوبي خل احبج
جمان/افتهمت قصدها ورحت يمها باستني شكرا عمة
ام عمر /ماتحدرين يم البنوات
جمان/لا استحي
ام عمر/يمة عنووود وينج
العنود /أمري يمة السلام عليكم
النسوان/وعليكم السلام
ام عمر/اخذي البنية وياج
عنود/تكلطي حبيبتي
جمان/دخلت بنية حنطاوية وعيونها أخضر حشيشي حلوة حيل رحت وياها عرفتني عالبنات كتلها اكولج عنود اشو بس انتي عيونج ملونة
عنود/اي بس انة واخوي الشيخ عمر اخذنة لون عيون امي
جمان/هسة انتي عيونج أخضر وخالو ازرق أطفالكم يالون .
عنود/خالج شدخلو
جمان/لعد احنة المن جايين غير نخطبج لخالو بس والله سردار يعرف يصيد الحلوة اكولج انتي تدرسين
عنود/لا خلصت سادس علمي وكعدت ماخلوني اكمل
جمان/والله خالو يخليج تكملين .
عنود/اكلج يعني  انتي ابوج وامج من الشمال
جمان/لا امي من الشمال وبابا من الجنوب بس لأن الشركة مالتة بالشمال استقر هنا
عنود/وانتي ترحين لأهلج بالجنوب
جمان/اي اصلا قبل المدرسة اجينا اكولج يلا حرجع يم ماما
عنود/روحي حبيبتي
جمان/واني طالعة من المطبخ نزل شاب من الدرج نضربت بي اووي شنو حايط متكولي
الشيخ عمر/ول يابة تحجي عدل لا اورج ور
جمان/شبيك عمو بدال متعتذرلي لأن ضربتني احجي ويا ساكت رفعت راسي آلة شفت عيونة خضر عرفتة الشيخ عمر بس شنو نكسرت ركبتي كد ماطويل
الشيخ عمر/يول سبحان الابدع بخلقج
جمان/شداتحجي عمو
عمر/كلشي ماكو شو كحزي عن طريجي
جمان/شنوو
عمر/يعني بعدي يابة
جمان/اي عمو وخرت وهو راح بس شنو غير يخبل رحت يم ماما شوي وصاحو نروح هم ماقبلو وجلبو بينا بس خالو كال منكدر نتأخر اعذرونا رجعنا للبيت ونمت نومة اهل الكهف ثاني يوم كلت لأمي تنطيني الموبايل لأن هية من تجي المدرسة تاخذة من عندي
ام جمان/باعي ماما من تخلص العطلة آخذة تمام
جمان /تمام ماما رحت للحديقة العب بي وكلت بليل اخابر قسور لو علي لأن ريم ماعندها موبايل اجة الليل تعشيت وكبل رحت الغرفتي دكيت على قسور .
قسور /هلا ١٠٠ هلا بهالصوت وين ماوين
جمان/اروحلك فدوة والله جان التليفون عند امي لأن مدرسة اكولك وين انتة .
قسور/بيت جدي بالحديقة يمي ريم وعلوش عبالهم جاي اخابر حبيبتي.
جمان/ههه اكولك اريد افتح كامرة واشوفكم يلا بسرعة
قسور/لك عمي صايرة مصكصكة وتخبلين
جمان/وانت همات صاير صاك ومتغير
علي/خايب ثبرتنا ياهي التحجي وياك بس مبين من صوتها صاكة
جمان وقسور/ههههه
جمان/قسور روح اكعد يمهم خل اشوفهم
قسور/اي هاج شوفي لك عليوي رويمة باعو اكو وحدة تريد تسلم عليكم
جمان/لك هلاا بالكاطعين شنو نسيتوني.
علي/لج هلا يبعد كلبي شلونج وحك علي من رحتي البيت صار فاهي .
جمان/اروحلك فدوة ياروحي وانتي ريم ليش هيج مو كلتي انتي اختي ع الاقل سألو
ريم/كامت تبجي لج والله اشتاقيتلج وعلي وقسور شبعوني ضيم يمت تجين هاا
جمان/والله اني اكثر ولك قسير وعليوي طاح حضكم ليش هيج وياها بس اني مااجي منا لمن اخلص سادس لأن بعطلة الخامس ادخل دورات .
ريم/حرامات يعني ماشوفج للسنة الجاية .
جمان/هسة عندي أخبار بشدة .
قسور وعلي وريم/هيا تكلمي نحن نسمع .
جمان/غير خطبنا لخالو والبنية أهلها بالرمادي .
قسور/شودا خالج شو بعيد
جمان/غير شايفها وعاشقها
ريم/وانتي شنو لبستي
جمان/راح ادزلج الصور شوفوهن وكولولي رأيكم راح اسدة وادزهن وارجع اخابر
قسور وعلي وريم/خووش بس بسرعة
جمان/دزيت الصور من نزلت من الدرج وصور اني وخالو بالرمادي واني مرة لابسة النظارة ومرة خالتها على شعري وشوية وخابرتهم ،،هاااا حلوة لو لا
قسور/ولج تجلطين
علي/خايبة تشكين شك وحليانة بالزايد
ريم/تخبلين
جمان/شكرا أعزائي اووي شكد احبكم
الولد وريم/احنة اكثر
ريم/خالج شكد حلو بس كون مرتة حلو
جمان/لج تخبل بشرتها قمحية وعيونها أخضر حشيشي
كتلها شعجب بس انتي عيونج ملونة كالت اي بس اني واخوي الشيخ عمر طالعين على امي
ريم/يااا
جمان/ولج اسمعي كوتلها راح اروح لماما استوني طلعت من المطبخ وانضرب بواحد
ريم/يافلك وشصار
جمان/كام يحجي علي واني مدنكة ماشفتة بس شنو صوتة تحسة اسد المهم كتلة شبيك عمو بدال متعتذرلي شفتة ساكت رفعت راسي علمود اشوفة وهنا الصدمة
الولد وريم/شصاار
جمان/رفعت عيني اجت ركبتي تنكسر كد ماطويل يمكن طولة ١٩٠ ودور الطامة الكبرى يجنن صاااك حنطاوي على سمار وعيونة خضر عاد هنا عرفتة الشيخ عمر تدرين شكالي من باوعتلة
ريم/شكاال احجي بسرعة (طبعا محد يسمع لان اخذت الموبايل بعيد عنهم واحاجيها).
جمان/كال يول  سبحان الابدع بخلقج عفتة ومشيت
ريم/دهر مايستحي
جمان/شسويلة المهم الاهل شلونهم
ريم/كلهم زينين
جمان/هاا وصكر شلونة سلميلي عليه وعلى الولد 
ريم/زين الحمدلله يوصل حبيبتي
جمان/يلا باي لأن أمي راح تأخذ الموبايل
قسور وعلي وريم/بايات
جمان/وتمر الايام طلعت إعفاء عام بابا كبل دخلني دورات للسادس بهاي الفترة صار عرس خالو واجو بس جدي واعمامي باركو ورجعو ثاني يوم لأن عدهم شغل المهم اجة السادس وبدأ شلعان الكلب بس بهاي الفترة اهلي ابد معافوني شريد يوصل الغرفتي

ابو جمان/بنيتي لو نجحتي اسفرج لتركيا
جمان/اللله شكرا بابا رحت حضنتة
ام جمان/واني شنو خراعة حضرة لو الحضنات بس الابوج
جمان/هههه حبيبتي ونضر عيني حضنتها يلا راح اروح اقرأ طبعا بهاي الفترة ريم نخطبت لأسر وماكدرت اروح لأن عندي امتحانات وهي هم عذرتني وكالت ركزي بدراستج ولخاطرج اجل العرس للعطلة المهم اجت البكالوريا واني الحمدلله مسيطرة واجت الأسئلة تخبل بس شنو مشايفة النوم انام بس ٤ساعات اخر امتحان اجيت ركض سبحت ونمت يوم ونص حتة اهلي عبالهم ميتة كلساع يكعدوني وارجع المهم بابا كال لازم نروح الاهلي باجر الفجر نطلع اني طرت من الفرح رحت حضرت غراضي وهم طلعنة للمول اني وامي اشتريت ملابس للحنة والعرس مال ريم واحذية واكسسوارات واشتريت هدية لريم طبعا كلت اذا مااشتري لعلي وقسور يفضحوني شتريت الهم عطور ماركة وشتريت ساعة ونضارة يصيرن بعلبة مغلفة لأسر وصكر ورحنة مركز تجميل سويت بلازما وميزو وحفافة وسنفرة طبعا اني مسويه ليزر ميطلع شعر وسويت وشم فراشات بخصري وركبتي نازل جوة اذني فراشة ناعمة بس تبين باوعت لروحي ماعرفت نفسي متغيرة ١٨٠ درجة صرت اموت واني هم طولانة
المهم رجعنا للبيت ورتبت غراضي بجنط صارن ٤ جنط

ابو جمان/شسوين بيهن جهاز عروس
جمان/لا بابا بيهن ملابسي وهداية لريم اني لابسة بينصل ماروني ٩٠ وفوكا بشت اسود
وطلعنا والطريق كلة نايمة وصلنا ولكيناهم منتضرينا ........

إلى اللقاء في بارت جديد 🥰

عليكم الله تفاعلوا وياي 😔😔