ملكت قلب الصكر 💖

بارت٨

السلام اخوتي في الإسلام شلونكم
نبدأ على بركة الله
___________________________________
صكر/وصلنا لبيت ابو حسين ونزلنا انة وجمان اباوعلها خدودها صايرة حمر والشماغ مطلعها حيل حلوة اشوف الولد كلها صافنة عليها نار وجرت بكلبي كتلها طبي جوة
..
جمان/دخلت جوة واشوف النسوان والبنات لاتعد ولاتحصى واستلمني مباوس شفطن خدودي شفط واني اكره البوس، رحت سلمت على البنات بدور ومنتهى ومزنة وسمرة
البنات/شو عفناج اسبوعين وصايرة تخبلين
جمان/تسلمن حبيباتي عيونكم الحلوة بس اريد غرفة ابدل
مزنة/تعاي ياروحي
جمان/صعدنا فوك ودخلتني لغرفة كالت هاي الج ولريم كتلها شكرا بدلت لبست فستان تسعين لأن عيب البس تراك لون الفستان سمائي وكلوش نزلت لكيتهم كاعدين سلمت عليهم وابو حسين حضني كمت اضحك مالكيت مكان اكعد عاد صاحلي صكر كال تعاي هنا
..
صكر /شفتها من نزلت لابسة سمائي طالعة تموت حارت وين تكعد صحتها واجت يمي عطرها ترس ريتي افييش ياريحة العافية
..
جمان/جدو لعد وين العريس
باقر /انة  ،،،،جمان/ألف ألف مبروك أخوية منك المال ومنها العيال ☺️🙂
باقر/يبارك بيج بعد اخوج 🙂😀
جمان/ندست صكر صوصايتي شوكت الحنة (احجي بصوت ناصي)
صكر /جنت اباوع الها من باركت الباقر شلون تحجي برزانة عاد ندستني همستلها كم مرة كتلج بطلي هذا لقب والحنة بعد باجر
جمان /ترة حلو اللقب
صكر/وهيبتي غير طير من وراج (احجي بابتسامة خفيفة)
جمان/صكورة شبيج ضايجة شنو حبيبج عافج 😉😜🤪
صكر/ههههه ولج ياحبيب طاح حضج 😄
(طبعا يحجون ويضحكون بصوت ناصي مامنتبهين للي يباعلهم ومحترك كلبة )
...
الشيخ عالي/جنا واكفين ننتظرهم اجو كلهم وعيني دور على جمان شوية طبكت سيارة صكر نزلو يضحكون وهية لابسة الشماغ طالعة فلكة كمر اشوف صكر همسلها وطبت جوة ،،سلمنا عليهم وجدي كال تعالو جوة محد غريب طبينا وسلمت على النسوان من بعيد كعدنا شوية ونزلت تخبل وسلمت وجدي حضنها بكلبي كلت هنيالك جدي ،،،،رادت تكعد ماكو مكان صكر صاحها وسألت على العريس وباركتلة كامت تهمس الصكر وهذاك يبتسم وهية تضحك بصوت ناصي احترك كلبي متت ،،،،
..........
جمان/ترخصت ورحت للمطبخ يم البنات صحت انيي جييت
البنات /هلا بيج نورتي
جمان/شدا تسوون
البنات/الغدة ،،،،،،،جمان/بعد وكت ساعة ٩ صبح
منتهى/لا خية هم يلة يستوي
جمان/اي بنات شلونكم مكانكم فارغ من رحتو
البنات/اي والله حتة احنة ضجنا وتعودنا عليج انتي وريم
جمان/صدوك وين ريم ،،ريم/هاي انة همزين اذكرتيني
جمان/شبيج اني انساج غير انتي شرياني
ريم/اروحلج فدوة
جمان /المهم بنات نطلع ماطول دنيا صبح
مزنة/اي نروح البستان جدي بس ياهو اليكلهم
جمان /اني اكوللهم رحت للصالة وكلت لبو حسين ،جدو اريد اطلب من عندك طلب
ابو حسين /انتي تأمرين موبس طلبين
جمان/ميأمر عليك ظالم بس تقبل انروح اني والبنات للمزرعة
ابو حسين/روحن بوية بس خل يلبسن عبي
جمان/شكرا جدو وبست راسة ورحت الجدي كتلة تقبل نروح اني وريم
الجد/روحن بوية وديربالجن على رواحجن
جمان/بستة ورحت طيارة للبنات ولجن قبلو بس يكولون لبسن عبي
البنات /يلة نروح نبدل ،،،،،،مزنة/جمان اريد تلبسين هذا لخاطري اريد اشوف لبسنا يلوكلج
جمان/طلعت كلابية كلها مطرزة  كتلها خاف البسها ويضحكون علية اطلع جني خبلة
مزنة /لخاطري كتلج والله ازعل عليج
جمان/يلة جيبيها بس مو تضحكن اخذتها للحمام لبستها
هاي هية