ملكت قلب الصكر 💖

بارت٦

جمان/كعدت الصبح ساعة ٨ على دفرات ريم كتلها عوفيني شتردين مني ولج اريييد اناااام 😫😭
ريم /ولج كومي اجو بيت اخو جدي وبناتهم
جمان/اي خوش روحي واني اجي وراج
ريم/نزلت سلمت على نسوانهم وبناتهم كلهن حبابات جاي احجي وي البنات وعمتي ام جمان كالت شنو جمان ماكعدت،،كلت يافلك بس لارجعت نامت خل اصعد اسحلها واجي حجت مرت اخو جدي يصحولها ام حسين ..
ام حسين /منين هاي البنية التحجن بيها
بيبيتي/هاي جمان بت ابني احمد هي ماجاية لهنا ابد بس من خلصت امتحانات اجت
ام حسين/يا جا هي تدرس
بيبيتي/اي خية تدرس بس تخلص العطلة يرجعون للشمال
ام حسين /يا جا صيحولها خن اشوفها
ريم/رحت لكيتها نايمة ذبيت عليها ماي طفرت موش طفرة طلعت تركض وراي بالصالة الفوك وصكر طلع من غرفتة وكال...
صكر /شبيجن حسبالك حصن وانتي جمان ليش منكعة
جمان/صكر تقبل اني نايمة وهي نكعتني 😔😔🥺ها كُلي تقبلها
صكر /اباوع عليها وبقلبي اضحك كتلها ولج ليش مو خطية
ريم/يابة اسفة بس بيت اخو جدي كلهم كاعدين بالصالة والحجية ام حسين سألت عليها
صكر/جمان عيب ماتنزلين
جمان/تمام
صكر/عفية بالوردة وكرصت خدودها عفتها ونزلت سلمت على النسوان وطلعت للولد
جمان /سبحت ولبست تراك رياضي نيلي غامق ورشيت عطري الكارثي وشعري ظفيرة راخية وطلعت خصل صرت توب 👌👌شفت نسوان هواي بيبي كالتلهم ..
الجدة (راح اكتب الجدة لحبوبة جمان )/هاي جمان بت ابني احمد اشوف النسوان صفنت علية
ام حسين/اللهم صل على محمد وال محمد شهل الحِسن هذا تعاي احبنج (ابوسج)
جمان/كتلها شلونج بيبي شخبارج انشاء الله بخير
ام حسين/فدوة لهل الصوت انة زينة نحمد الله ونشكره
الجدة/جمان هاي المرة تصير ام الشيخ عالي
جمان /شلونج خالتو حبيبتي شخبارج 😚
ام عالي/فدوة شنو هل جمال انة الحمد الله
جمان /جمال عيونج  خالة ☺️
الجدة /المرة البصف ام عالي هاي ام جلال والي بصفها ام باقر
جمان /رحت لام جلال سلمت وكذلك ام باقر
ورحت للبنات سلمت عليهن ماشاء الله يخبلن صدك حنطيات بس عيونهن حيل حلوة شي صفر وشي عسلي كتلهن تجن ويانه بالمطبخ اجن هنة ٥ ،،،منتهى ٢٠،،بدور ٢٠،،سمرة١٦،،صفاء١٨،،مزن١٦..
اكلت واني اسولف وياهن كتلهن تدرسن
البنات ،،لا مايقبلون
جمان/اكلج فدوة تباتون
البنات /اي جدي كال ٣ايام
جمان/يسسس راح تصير جمعت بنات
ريم /ولج راح الوكت راح ابدل
جمان /خذيني معك يااختاه فأنا لا اتحمل فراقكِ،هئ هئ🥺😭
البنات،، شنهي انكلبتي فصحى 😂😂
جمان/يلا بنات جيبو غراضكم وخل نبدل ونخلي ميكاب ولاتخافون وياكم ميكاب اردس
سمرة ومزن/عود شني ميكاب اردس
جمان/ام صالون
سمرة ومزن /هاا جاا خوش انتظري نجيب غراضنة
جمان/تمام لعد انتظركم بغرفتي اخليلكم ميك اب
رحت بدلت لبست فستاني النيلي وكعب بيج ومكياج وشعري برمتة برمة خفيفة دخلن البنات تعجبن
ريم/شو كلما اعوفج شوية وارجع الكاج احلى من قبل
البنات،،يمة تكتلين كتل ماشاء الله
جمان/حياتي عيونكم الحلوة يلا خل امكيجكم
خلصتهن طلعن حلوات وركزت على العين ،،اخذت غترة صكر وياي نزلت وعماتي كامن يهلهلن كتلهن يابة غلط مو اني العروس
ام حسين/تعاي جدة عين الحارة باردة عليج ربي يحفظج لأهلج
جمان /ويحفظج ربي اشكرج 😊
نزلن البنات طالعات يخبلن حتى امهاتهن كالن ذني مو بناتنة😵😵‍💫 كمت اضحك 😂😂شوي وصاحو راح تطلع الزفة كلت لريم راح اروح وي صكر وانتي كالت..
ريم/لا اروح وي أسر لأن يموتني اذا ماصعد وياه
جمان/هاا صايرة تطورات وماادري موو
ريم/من نرجع اسولفلج
جمان/طلعت بالطارمة ادور على صكر شفتة وهو اجاني ..جنت لابسة بشت بس ماسادتة لأن الفستان طويل.
............
صكر/يوم العرس التهيت بالتحظيرات وي الولد منا لمن خلصنا وكل واحد راح يبدل بس قبلها لبسنا جاسر القاط واني لبست دشداشة نيلي وغترة أوف وايت بيهة نقش ذهبي لفيتها لفة عمانية...صحنا النسوان بقيت ادور جمان لأن واعدها انو بالزفة تجي وياي لهناك وشفتها بس غير طالعة تموت شفتها كاضة غترتي كالت..