حبل الاكاذيب

الحبل الخامس

صباح الورد لعيون اغلى متابعات

تصويت + تعليق بين الفقرات

احبكم يااغلى ناسي

( من قال ان الغرق يحتاج الى ماء )
بقلمي _ روان احمد التميمي _

🥀🥀🥀🥀🥀🥀🥀🥀

_________________________

نجوى :- چانت الايام تتوالى علية بهذا

البيت الغريب العجيب واني يوم بعد يوم

اذبل واتعب اكثر واغرگ بهذا العالم اكثر

مروان چان لغز الية صح هو مبين مو طبيعي

بس مااعرف شنو سبب الي هو بيه قررت

اسأل عسى ولعل اجد اجابة لكل اسألتي

چانت العلوية گاعدة تسبح رحت گعدت

يمهة وهي ابتسمت بوجهي مااعرف شنو

طبيعة هاي الانسانة ساعة تحسسني اني

بنتهة وساعة تطلعني من المغضوب عليهم

بس چنت دائماً احترمهة لو مهما تحچي

لأن هي مرا چبيرة والهة احترامهة بلاخص

هي حچيهة ماشي علكل بالبيت هي وفايز

چانوا مسيطرين على كلشي والكل يهابهم

العلوية :- اكو شي تردين تحچي

نجوى :- عمة فدوة بس گليلي مروان شبي

ليش هيچ يتصرف وياية ليش يختلف عن

فايز وهمام هم ميعاملون زوجاتهم هيچ

العلوية :- شسوالچ ضربچ انوب

نجوى :- چانت امددة گامت گعدت على

حيلهة وهي خايفة جاوبتهة ب لا بس

بداخلي اسألة وامور چنت خايفة انصدم

من اجابتهة

العلوية :- مابي شي ابني مثل الورد بس انتي

الي متعرفين تتعاملين وياه وكل يوم مسويتلچ

مشكلة داري نفس الهام وبيداء شوفيهن

شلون مداريات رجالهن وتعلمي وهو راح

يتغير وياچ شوية شوية

نجوى :- مثل متوقعت مراح احصل جواب

وراح يخلون الصوچ بية بلاخص العلوية

مترضى احد يطلع ولدهة غلطانين بلاخص

مروان عدهة اغلى شي مااعرف ليش لأن

اصغر واحد لو لأن هذا وضعة رحت فتحت

الثلاجة طلعت تفاحة وگعدت اكل اني متعلمة

من بيت اهلي اطلع واكل مااعرف هنا عدهم

نظام ثاني وكلشي عدهم بحساب