اسعد الله اوقاتكم يلغلا
تصويت + تعليق بين الفقرات
احبكم يااغلى ناسي
( حاولت تشويه نفسي لكي تكرهني )
حبل الاكاذيب
بقلمي روان احمد التميمي🌿
🥀🥀🥀🥀🥀🥀🥀🥀🥀
____________________________
نجوى :- من بعد الي صار مروان صار
ميمد ايدة علية بس نوبات احسة يباوعلي
بغضب وكره كأني حارمتة بمزاجي او اني
السبب بكل الي صار الة بديت اتجنبة واحاول
التهي وية جوري وبيداء امي من السبعة
مشفتهة بعد وچان تعاملي وياهة بارد
كرهتهم اكثر بعد الي صار كل الي جاي يصير
وياية هسة هو بسبب تصرفاتهم وعدم
احتوائهم الية والتفريط بية حتى رغم
وضعي مااگدر اروح واشكيلهم لأن راح
يصدگون بيهم وميصدگون بية اكيد
بلاخص ابوية اتوقع الكل يصدگ الة هو
لأن چان مصر على هاي الزواجة وميريد
يتفاشل وية عمامة من رحت الهم قبل
ليتزوجني مروان چنت اشوفهم عائلة متفاهمة
كلش وبينهم محبة واهتمام بلاخص فايز
هواية يحب بناتة وحتى ايات چنت عبالي
بنتة من اهتمامة بيهة بس عرفت من جوري
انو هي بنت همام من مرتة الاولى الي طلگهة
والي عرفتة ايضاً انو هي تطلگت بسبب
العلوية چانت شادة وياهة فعلاً انخدعت
بيهم هواية وطلع الموضوع مو مثل مفكرت
هذا الوجه الي شفتة منهم قبل لاادخل
اسرتهم تغير وطلع وجهم الحقيقي بالعشرة
بس اخوهم ايسر چان طالب كلية
هواية يتشاقى ويانة واريحي ومتفهم يختلف
عن الكل مو صارم نفس فايز ولا عصبي نفس
مروان چان كلش مختلف ويحاول يغير من
مزاجي ونوبة چان مروان نايم طلعت لگيتة
هو وجوري گاعدين ياكلون اندومي واجباس
هو فوراً گلي تعاي اگعدي ويانة گعدت وياهم
وصار يحچيلنة عن الجامعة وعن حبيبتة
الي متعرف عليهة چانت عيونة بيهن لمعة
أنت تقرأ
حبل الاكاذيب
Fiksi Umumانها تلك الكذبات الصغيرة التي تقودنا الى مصير مجهول وتلك اللحظات الحالمة التي تأخذنا الى واقع مرير فأهلا بكم في حبل الاكاذيب
