Boy Planet One Shot Collection {Multi OTP}

My Little Genger ( ZiRuto )

လိုက်ကာကြားက နေရောင်တစ်ချို့တစ်စကြောင့် ZiHao နိုးလာခဲ့သည်။ ဒီနေ့က သူ ကိုရီးယားကိုရောက်တာ (၃)ရက်မြောက်‌နေ့ဖြစ်သည်။ အိမ်နှင့် ပြဿနာတက်ကာ စိတ်ပြေလက်ပျောက် ခရီးသွားဖို့ကြံနေရင်း International Street Dance Battle တစ်ခု ကိုရီးယားမှာ ကျင်းပဖို့ရှိတာကြောင့် ကိုရီးယားကိုဘဲ လာဖို့ဆုံးဖြတ်ခဲ့သည်။ လည်ပတ်ဖို့ရည်ရွယ်ချက်နဲ့ ပြိုင်ပွဲမစခင် နှစ်လလောက်အလိုကတည်းက ကြိုလာခဲ့လိုက်တာလည်း ဖြစ်သည်။

ဒီနေ့လည်း ရေမိုးချိုးပြီးတာနဲ့ တည်းခိုခန်းအပြင်ကို ထွက်လာလိုက်သည်။ မနက်စာအဖြစ် ပေါင်မုန့်နဲ့နွားနို့ကို နီးစပ်ရာ စတိုးဆိုင်လေးကနေဘဲ ဝယ်စားလိုက်ပြီး နေ့လည်ပိုင်းကိုတော့ အစားလျှောက်စားဖို့ စဉ်းစားလိုက်ရင်း အစားအသောက်နဲ့ပါတ်သတ်ပြီး နာမည်ကြီးသည့်နေရာဘက်ကို ထွက်လာလိုက်သည်။ ဘတ်စ်ကားပေါ်ကဆင်းပြီး လမ်းလျှောက်နေတုန်း လမ်းဘေးတစ်ဖက်တစ်ချက်စီက ဆော့ကစားနေတဲ့ကျောင်းသားလေးတွေ၊ အလုပ်ရှုပ်နေတဲ့ လူကြီးတွေကို ငေးကြည့်ရင်း ခေါင်းထဲမှာ အတွေးပေါင်းစုံ ဝင်နေခဲ့သည်။

အိမ်က ZiHao အကကတာနဲ့ပါတ်သတ်ပြီး သဘောမကျတာကြောင့် ခနခန စကားများတတ်သည်။ ကျောင်းစာသင်တဲ့အရွယ်ကတည်းက အကကို စိတ်ပါဝင်စားလို့ ကြိုးစားသင်ယူခဲ့ပေမယ့် မိဘတွေရဲ့ အားပေးထောက်ခံမှုတော့ မရှိခဲ့ပေ။ မိဘများက ကျောင်းစာကိုသာ ကောင်းကောင်းသင်စေချင်ပြီး အလုပ်ကောင်းကောင်းတစ်ခုနဲ့အခြေတကျရှိစေချင်တာ Zihao သိပေမယ့် သူ့ဝါသနာပါရာကိုလည်း မစွန့်လွှတ်ချင်ပေ။ နှစ်ရှည်လများ အကကတာနဲ့ပါတ်သတ်ပြီး အမျိုးမျိုး စကားများခဲ့ကြသည်။ သူ့အသက် (၁၉)ပြည့်တဲ့နှစ်ကစပြီး Street Dance Battle တွေကို underground တွေရော တရားဝင်ပြိုင်ပွဲတွေပါမကျန် အမျိုးစုံ ယှဉ်ပြိုင်ခဲ့သည်။ အရည်အချင်းမှာစိတ်ချရတဲ့ Zihao က တစ်ဝက်‌‌ကျော်လောက်ကို Champion ဖြစ်ခဲ့တာဖြစ်သည်။ ဘယ်လိုဘဲ သူ့အရည်အချင်းတွေကို ထုတ်ပြပါစေ မိဘတွေ သဘောထားက မပြောင်းလဲတာကြောင့် စိတ်ညစ်ညစ်နဲ့ ခရီးထွက်ဖို့ သူငယ်ချင်းတွေနဲ့ တိုင်ပင်ခဲ့ပေမယ့် နောက်ဆုံး တစ်ယောက်တည်းသာ ထွက်လာဖြစ်ခဲ့သည်။