الموده و الرحمه أهم ركن من أركان الحب و الزواج ي بخت من لديه ذلك الشخص 🤍✨
وقف مراد اما زوجته غاضباً على حال ابنته : انا سكت عشانك كتير، بس كل اللي بيحصل من الاول غلط، أنا فضلت اتابع من بعيد لبعيد كتير اوي، بس من النهارده انا اللي هحط النهايه للمهزله اللي بتحصل دي.
جومانا بهدوء : بلاش ي مراد خليها هي اللي تعمل كده، انت عارف بنتك عنيده جدا ازاي.
تنهد مراد بحزن وارهاق : عايزاني أفضل ساكت وانا شايفها بتقع كده؟
جومانا بخبث : ومين قالك ان انت هتفضل ساكت؟
مراد بعدم فهم : قصدك اي!
جومانا بضحكه خبيثه : هقولك نعمل اي...
قصت جومانا فكرتها على مراد الذي يجلس أمامها منبهر منها و مصدوم في وقت واحد.
مراد بمواقفه : موافق، يلا بينا نبدأ.
فما هو مخططهم ياترى؟!
____في جمله أتقالت في فيلم "The Fault in our Stars "
بتقول :"من يُحبنا ونحن في اسوا حالاتنا ، هم من يستحقون أن يبقوا في قلوبنا إلي الأبد. " !🌍♥️____
وقفت إيمي أمام ذلك الكافيه الذي تجد راحتها بهِ.
وقف حازم وهو صاحب ذلك المكان، و يكون ابن عمها أيضاً.
حازم بقلق : إيمي مالك فيكي اي؟
إيمي وهي تمسح دموعها : كالمعتاد ياحازم، اتخانقت انا و ماما.
حازم بهدوء : طيب اهدي كده واقعدي اشربي حاجة ولما تهدي عرفيني حصل اي.
ليشير بيديه لأحد العمال ليأتي لها ملبيان طلبه، مر بعض الوقت لتأخذ إيمي نفسها وتبدأ بسرد كل شيء ل ابن عمها كالمعتاد.
حازم بتفكير : طيب يعني اللي حصل بسبب الكتابه، ومعنى كده انها عايزاكي تبطلي، وانتي رافضه و بطلتي تروحي الكليه عشان هي توافق وانتي تبطلي عناد.
إيمي بعند : بالظبط انا مش هكمل زي ما هي رافضه اني اكتب، ما هي كان عاجبها الكتابه قبل ما تعرف ان انا اللي بكتب.
حازم بعقل : بصي ي إيمي بالعقل كده هي لما كانت مش عارفة، كانت شايفه انك بتذاكر و انك بتحضري ودايما درجاتك كويسه، ف مكانش فارق، لكن دلوقتي لما عرفت ان انتي خافت عليكي لياثر عليكي وعلى دراستك، أنا عارف انها غلط وان لو كان هياثر كان إثر من زمان، ف انتي بالعقل كده اقعدي معاها وفهميها اللي حصل و طنط طيبه وهتفهم.
إيمي بيأس : هحاول يا حازم حاضر رغم اني عارفه ماما كويس وعارفه انها عنديه زي ازاي ويمكن اكتر.
حازم بمرح : حصل على رأي عمي دايما يقول البت ل امها، و بعدين ده طنط عليها صنيه بطاطس جامده في حد يزعل حد بيعمل بطاطس حلوه زي امك كده.
أنت تقرأ
ما بينَ الحُب و المال (أحببت ابي الجزء الثاني) 🕊️
Randomماذا يحدث اذا كان المال هو العاق الوحيد للحب والكبرياء و الحب تضاد فمن منهم الذي يكسب؟! الحزن على الماضي عذاب لمستقبل قادم فهل الحب يستطيع الفوز على هذا ام سيخسر امام العواق؟! كل هذا وأكثر في نوفيلا مابينَ الحُب و المال ( أحببت ابي الجزء الثاني) بدأ...
