في حوار ما ..مع شخص ما
فبيسالني
....اوصفي نفسك بكل تأني
- قعدت افكر ف حياتي
طب اوصف اي
قديمي وجديدي ولا عثراتي
طب احكي واقول عن حالاتي
تؤ تؤ
هديله مثال
حبة اشكال وكمان امثال
اكيد عندك نيش ف البيت
جبت الغالي فيه وخبيت
في طقم صيني هناك
ايواااا فاكر جبته معاك
اكتر حاجه كانت عجباك
عارف
انا الصيني اللي فالنيش
صرفت عليا كل التحويش
بتتفرج عليا ومبتستخدمنيش
بفضل سنين مكاني مبتحركنيش
كان ممكن تستخدمني ومتكسرنيش
لو حد قرب مني
بتصرخ عليه ميلمسنيش
بتخاف يوقعني وفثانيه ابقي مفيش
مع ان مش هيحصلي حاجه
ولا حتي حبه خرابيش
سنين بيصنعوني ويلمعوني
وعندك فايده ليا مفيش
مجرد اني منظر جميل
عايش جوا النيش
لا عايش ايه انا معرفشش اعيش
