كذبة خلتنا فورطة 😂(روايات ليبية)

الاولى

رواية كذبة خلتنا فورطة🌚
الكاتبة سوسو الشريف 💗
الحلقة الأولى
.
.
.

انجو انشوفو في حارة هادية في بيت هادي انشوفو بطلة روايتنا الطيبة وكانت اتكلم في حبيبها وعايشه قصة حب🙂...

لحظة لحظة هذي كانت بنت جيرانهم 😂اعذروني غلطت في العنوان🙂
بيت بطلتنا هو البيت الي لاصق في البيت الهادي وكان عكسه تماما😐..

ملاك اتعيط: منن خذااا بلوزتي الوردية😡..
اختها(منار) امقعمزة ع الزيانه واتحط في الميك اب :محد خذاها دوري كويس بس انتي وفكيني من العياط😒
ملاك : انتي الي اسكتي والهي في اللبز الي اتحطي فيه ع وجك🙄💦
اتخش عليهن اختهن وفاء..
مروة متنرفزة: اسكتن وانتن ديما متعاركات ويا ملاك معش اتعيطي فضحتي بينا😤..
ملاك: باهي نبي نعرف بس من الي ياخذفي دبشي ليش السرقة🤌🏻..
اتخش اختهن مرام: قالتلكن ماما سقدن رواحكن الناس قريب اتروح ونحن مزلنا ما طلعنا.
ملاك بحتت فيها وفنصت: من سمحلك تلبسيها كنت بنلبسها😡
مرام :لبستها قبلك وسألت ماما قالتلي عادي 🌚..
ملاك:حسستيني امتاعت ماما هيا لبستي نا اسلحيها..
مرام:منش سالحتها دوري غيرها
ملاك عيطت وقعدت تجري وراها نظام توم وجيري قلبن الحوش🙂💔ومرام طمرت ورا امها وامها دافعت عليها وهزبت ملاك وكلمتلها خوها وائل وهزبها خشت متنرفزة ولبسن وطلعن..

للكاتبة سوسو الشريف
استوبب خلني انعرفكن ع العيلة الكريمة عائلة ملاك..
امها عائشة وباتها فرج
خوها اكبر واحد فراس مواليد 94 متجوز ومراته سناء مواليد 2000
عنده ولد اسمه فهد عمره سنتين وبنت مولدة جديد سمتها الين ...
وثاني وحدة ميس 99 متجوزة ناصر 88 وعندها بنت دنيا عمرها سنة..
و وائل مواليد 98مهندس وحبيبته اسمها وفاء ويبي يخطبها بس باته قاله لازم اتخرج واتكمل شقته قبل...
منار مواليد 2003 مخطوبة لي أحمد شافها في ايام امتحانات الشهادة الثانوية لما كان بيجيب اخته وعجباته وخطبها وتوأمها
ملاك2003 بطلة قصتنا طبعا هي واختها وفاء توأم غير متشابه منار تحب تتأنق وديما قدام المراية اما ملاك اتحب تقعد ع طبيعتها...
مروة 2005 نفس طبع منار..
مرام 2006 اتحب تاخذ دبش ملاك عشان نفس ذوقها😂🤝🏻..
واصغر واحد اخر العنقود سمير 2010 بس يدير في روحه كبير 🙂..
المهم قولو ماشاءالله را تعطوهم بعين💋...
للكاتبة سوسو الشريف
اما عندي نا ملاك...
خشينا عليهم وقعدو قولولنا كنكم طولتو والناس قريب اتروح اكثر شي منقبله يحمدو ربهم ان جينا اصلا😒
ونا امقعمزة ومتنكدة مع بنات خالي الي ملهن دوة فيت ع تصفية البشرة والماركات والميك اب خبر منحبش🙄
نا صبيت: المهم يا حناتي انسيبكن اتكملن هدرزتكن برواحكن الحمدلله بشرتي من ربي صافية و وجهي اتقول غزال انهبل بدون لبز 😌🔥...وانصبي ويخشو عيت خالتي الي مش من المدينة ونشوفو فيهم بس في المناسبات..
اتجيني رزان بنت خالتي وتوأمي وشريكتي في الجرائم😂💗