" كيف ما احبك وانتي كل ما تشوفه عيوني "

28

شهد كانت جالسه على الكنب هاديه تشوف كل شي بهدوء ولأول مره يجيها تأنيب ضمير للي يصير لرغد
وقامت بعصبيه قدام مشاعل ورفستها : ما اصدق ان بنت مسند تشتم بنت عمتي ، الكل كان يطالع مستغرب مصدومين معقول تكون هاذي شهد؟ شهد الي كارهه رغد اكثر من موضي تدافع عنها؟ ، مشاعل بأبتسامه جانبيه : واو حبيت المصلحه اعرفتس في الاخير بتسوين نفس سواتي يا عهو.. ، رفست شهد مشاعل من جديد على بطنها ومسكت شعرها : تكلمي من جديد واقطع الشعر ذا لتس ، مشاعل بضحكه : تحسبين بخاف منتس؟ ولا اقول وش سبب الفزعه ذي؟ اكيد مصلحه ، شهد رفعت نظرها للكل ونطقت بصوت عالي : لو انكم تعرفون وين كنت اروح في الاجازات كان عرفتم ، جاسم : وش مسويه يا شهد؟؟؟ ، شهد ناظرت ليان ونطقت : رحت إندونيسيا مع رغد يوم كانت مريضه مهق ومثلت اني اكرهها كل ذي المده على اساس ما تشكون فينا والحرق الي في يدها كان لازم اسويه لأن بعد ما سوت رغد عمليتها الدكتور قالي لازم اكوي او احرق يدها على الاقل ويوم قلت لرغد رفضت وهي تحت تأثير البنج فبعد ما رجعت للديره و حرقت انا يدها بالزيت حسيتها كرهتني فبديت اتراجع وابعد عنها لحد ما تجي وتكلمني بنفسها ، طلعت شهد جوالها وحطت صوره رغد بالشعر الابيض مسويه قلب وشهد معها بالصوره مسويه حبتين : شفتو بنفسكم؟ ، ناظرت مشاعل في الصوره بغيره من رغد كانت في قمه الجمال بشعرها الابيض حرفيا كانت " ملااكك " بالمعنى وابتسامتها كل شي فيها حلو للحين ملامحها كما هي اللهم الفرق لون الشعر قبل ابيض والحين بني مايل للأسود ، شهد : والي ما صدق هاذا هو الدليل بنفسه ، شافت شهد الكل مو مهتم وتنهدت وهي تشوف ليان داخله تبكي ونطقت ليان بصراخ : شفيكم انتم ما عندكم احساس ولا ضمير رغد جالسه تتعذب بسببكم وانتم ساكتين..انتم كذا تأذونها اكثرر!!، رفعت يدها تعد اصابعها : معيض موضي سالم جاسم مشاعل ديم نايف رويدا ريفال وغيث؟؟ اذيتوها كلكم!!! ، الهنوف : من غيث؟؟ ، ليان ارتخت على الارض تبكي وتشاهق بصوت عالي : ماتدرون ماتدرون انها انخطفت 6 شهور تتعذب بسببكم او بالاخص بسبب سالم، الانظار كلها على سالم الي كان ساكت ومصدوم ، ليان بصراخ وبحه : تكلم اعترف وش سويت برغد اعترف اعترففف!!!! ، زادت شهقاتها وهي حاطه يدها على قلبها بألم وهمست بصوت مبحوح : كله بسببك كله بسببكم انتم تأذونها وهي تسامحكم رغد قلبها طيب وحنون مستحيل تأذي احد بس شفتو وجهها الثاني؟ انا بنفسي ما شفته لكن صدقوني راح ترجع لكم بعد ما تسوي الي تبيه وتعذبكم نفس ما عذبتوها بتقتل ضميرها لأجل تعيشكم شعورها وانتم تسودون عيشتها..كم مره سامحتكم كم مره قالت اسفه لكم وانتم الغلطانين؟؟
ردو ردو علي كلكم ليه ليه ما تتكلمون لهدرجه رغد ما تهمكم؟؟ ، ام عبد القادر حطت رجل على رجل وناظرت لليان بشفقه وغرور : تدرين اصلا محد منا يحب رغد الا كم واحد مصلحه بس مدري كيف انتي متحملتها فيها غثه مو طبيعيه وبعدين هي طول ما جابتها عنود بس مسترجله مدري وش تحس فيه تتدرب زي العيال تتهاوش زي العيال تركب خيل زي العيال تلع..... ، دخلت رغد المجلسه وعيونها حمر وبيدها مسدس وصوبته على ام عبد القادر : نسيتي تعرف تمسك مسدس زي العيال يا الذكوريه ، فزو الكل لرغد ويصارخون عليها ويترجونها تترك السلاح ، ابتسمت رغد ابتسامه واسعه : الحين ترجيتوني الحين فكرتو اني اقدر اقتل اي احد فيكم بدم بارد؟ ، دخل سعد المجلس وهو يضحك وبلمح البصر انصدم على المنظر الي شافه وركض لرغد ماسك يدها : مجنونه انتي مجنونه؟؟؟ تذبحين خالتتس!! ، رغد : هاذي مو خالتي لو ذبحتها على الاقل بلطخ نفسي بدم شيطانه ، موضي ركضت لرغد : تكفين رغد والله ماراح نعيدها اتركيها ، رغد ناظرت سالم الي كان متخبي ورا الطاوله ويناظر بخوف : وش يسوي الفار هناك خايف من القطوه تصيدك؟ ، بلع ريقه ونزل راسه ، رغد عقدت حواجبها : توك تخاف؟ ليه ما خفت ربي فيني وما خطفتني وعذبتني وحاولت تعتدي علي اكثر من مره انت وغيث؟ سكتت تلقط نفسها : وروح البنتين المساكين الي قتلتهم وش صار عليهم ما خفت من ربي وش يسوي فيك والحين تخاف مني عشاني ماسكه مسدس وما خفت من ربي الي يقدر يخليك تعيش بنار جهنم اضعاف واضعاف النار هاذي الي تعتبر دخان جهنم؟ رولا ميلا الي قتلتهم و سيلان الي اعتديت عليها وقتلت جنينها وحاولت تسوي فيني زيها ؟ لا تحسب اني جاهله كل شي ترا يوم كنت تشكي لغيث مني وتقول انك تبي تعتدي علي عشان ما اصير شريفه و اهلي يتبرون مني ويعطوني لك؟ ، ضحكت بقوه وهي تحط يدها على قلبها بألم : وش باقي ما تحملته تعذيب جسدي ونفسي قتلتوني وانا باقي حيه قتلتو كل شي فيني وباقي تقول ما سويت شي؟ ، سالم ناظر للكل الي طالعوه بقهر وخيبه امل وماكان عنده حل يا انه يبرر او ان تخرب سمعته طول حياته ، وقف بكل شجاعه قدام رغد ومسك شعرها وضربها على الارض : تحسبين الكل خبل نفستس بيصدق كلامتس؟ لا تنسين انتس انتي الي جيتي لي بكل وقاحه وحاولتي تغريني وانا الي كنت اغض بصري عنتس احتراما لعمي حسين ولا كان قتلتس لأنك عارر علينا فاهمه عارر ، صارخت رغد بكل ما فيها : ماني عار يا كذاب انت الي تفكيرك عار على المجتمع ، وبلمح البصر ضغظت على الزناد وطاح سالم والدم مالي المكان ، لحظه صمت محد نطق او تنفس حتى ورغد ارتمت بحضن سعد اغمى عليها ، وسعد شاد عليها يطالع لجثه سالم بقهر مو عشانه يحبه لا عشان حب حياته بتنعدم وهو ما يقدر يسوي شي لها الا انه يشد عليها بقوه لحضنه ، الكل كان جالس عند جثمان سالم يبكون ، وعبدلله فتح جواله ودق على الشرطه ويده ترجف بشكل ملحوظ ، اما رغد حست براحه لأول مره تحس فيها حست انها انتهت من الهم و الغم انتهت من كل شي والي ريحها اكثر حضن الي ارتمت عليه وكل شوي يشد عليها اكثر واكثر ، شوي ودخلت الشرطه على المجلس مسلحين وتقدمت وحده من الضباط وركضت لجثه سالم تطالع فيها ولفت راسها لرغد وشهقت وهي تمسكها ونطقت بصوت عالي للضباط الي معها : رغد رغد ، انفلتو الضباط لها وتقدمو يشيلونها ، حضنها سعد وطالعهم بحده وشالها لوحده : محد يلمسها ، قام سعد معهم وكل شوي يطالع برغد يتأكد صحت ولا لا ،

في المركز مع سعد

سعد للضابطه : من انتي وكيف تعرفين رغد ووش دخل رغد فذي القضيه وكيف تعرفونها ، نرجس : اول شي انا اسمي نرجس ورغد لها دخل بالقضيه لأني انا وهي كنا مخطوفين من قبل غيث وسالم وهي انقذتني منهم وجلسو يعذبونها عشان تعترف وين حطتني الين جبت المركز معي وانقذوها معي وتطوعت انا ورغد لهاذي القضيه وجالسين نشتغل عليها واليوم جتنا رغد بأمر من الرئيس بأنها تقتل سالم بما انها من اقاربه وقريبه منه وتقدر تحل القضيه بسهوله والرئيس اختارها تحديدا لأنها اكثر وحده تعذبت منهم وشهدت موت رولا وميلا ، سعد سكت وفرك عينه : بتنعدم؟ ، ابتسمت نرجس : لا ماراح تنعدم لأنها نفذت اعدام سالم بأمر من الرئيس فلو انها قتلته بدون اذنه كان بتنعدم بس ربي ستر الحمدلله ، كملت : وش قرابتك برغد؟ ، سعد : ولد خالتها ليه؟ ، نرجس بغمزه : احسك تحبها لأنك ما خليت احد من الضباط يلمسها ، ابتسم سعد : اي احبها بس لا تعلمينها بالله خلها ترتاح شوي ما صدقت على الله تفتك من العيال ، ضحكت نرجس وقامت من الكرسي تطالع جوالها ، حبيبتك صحت روح واعترف لها ترا بتروح من يدك الكل يحبها ، فز سعد من كلامها وركض للغرفه الي فيها رغد وطق الباب ودخل من سمع رد الدكتوره بتفضل ، ناظر لرغد الي شبه صاحيه تناظر للأكل بإنعدام شهيه ، طالعت الدكتوره وببرائه : مابي مو حلو ، ضحكت الدكتوره وقامت لسعد : حاول تخليها تاكل تكفى ، مارد سعد وجلس بالكرسي الي جنب سرير رغد : يله اكلي ، هزت رغد راسها بلا ولفت راسها للجهه الثانيه : قلت مابي ، سعد ابتسم من حركاتها : ترا بزعل ، رغد بدون ما تلف راسها : ازعل عادي ، لف سعد للجهه الثانيه : خلاص زعلت منتس ، طالعت رغد فيه ونزلت نظرها للأكل : نفسيه باكل خلاص