عوض ربي
البارت الثامن عشر
الكاتبه ايلاف
AELIF_123
ـــــــــــــــــــــــــــــــــــــــــــــــــــــــــــــــ
ليا: رجعنه للبيت اني وامي وجانو يسون بالفاتحه كرايبهم
ام مهيمن: روحي يمه طلعيلج هديمات سود حتى باجر ونحدر الهم
ليا: صار
اتجهت لغرفتي فتحت الكنتور ادور على ملابس سود لان بمحرم اشتري اني دائما وجبتهم وياي
من اجيت لهذا البيت عرفت مهيمن وامي من طائفه سنيه لكن اني تربيت على انو اني شيعيه وحبي للائمه مو ممكن يختلف ولا طائفتي
لكن مهيمن وامي كذلك متعلقين بالائمه ويزوروهم وامي اسوي مجالس وتوزع حسب ماكالتلي بس يبقون على معتقداتهم وهذا كلش كافي
طردت الافكار من راسي وسحبت كم قطعه سوده طلعت الاوتي وبديت اكوي بيهن لحد ما خلصت طلعت لامي شفته كاعده ويمها مهيمن يسولفله عن اسد والبنيه فنار
رفع عينه باوعلي ابتسم وفتحلي ايد رجعتله الابتسامه وتقدمت كعدت يمه لف ايده على جتفي ورجع يسولف
ام مهيمن: خابرتهم هسه
مهيمن: ايي باجر اضهر يمنه
ام مهيمن: ما تستاهل ايي والله
ليا: انصلي صلاة الوحشه؟
مهيمن: لا حبيبتي باجر هسه مادافنينه اله يطلع الضوء
ليا: يي احسن، اني اذا متت هم اريد واحد يدفني،،
حسيت بضربه على حلكي قوي رفعت عيوني مصدومه ومتوجعه
مهيمن: عيديه حتى اكسر سنونج ماتموتين فاااااااااهمه
كمت منه مهضومه من ضربته عفته ودخلت للغرفه طفيت الاضويه غطيت راسي وبجيت
صح مو اول مره احد يصيح بوجهي ولا اول مره انضرب بس لان من مهيمن واني متعوده على الدلال وبس منه
مر وقت كلش طويل سمعت الباب ينفتح وخرت البطانيه من راسي
ام مهيمن: بعدج كاعده
ليا: يي ماما
ام مهيمن: حبيبتي لا اضوجين من مهمين بس هوه يقلق عليج وانت كلتي كلمه ثجيله على گليبه
ليا: لا ماما ماضايجه
ام مهيمن: يي حبيبتي واني هم حاجيته ورزلته بعد ما يمد ايده عليج هيج
ليا: تمام
طلعت وسدت الباب وراه لفلفت نفسي وغمضت عيني حتى انام سمعت صوت خطواته جاي يصعد بس الصوت قرب للباب مالتي عرفته جاي علي
غمضت عيوني حيل احاول اهدي نفسي
انفتح باب الغرفه جانت ضلمه بس من انفتح الباب دخل ضوء من برا على شكل خط للغرفه صار على وجهي
