Unicode 🤗
" မြတ်နိုးနဲ့သဲစုရေ..ငါ့ကိုကူညီပါဦး "
" ဘာကိုကူညီရမှာလဲ..သန်းခေါင်ကျော်နေပြီ ဘာတွေအရေးကြီးလို့ Vd callခေါ်ရတာလဲဟာ။ သွားအိပ်တော့..သွား..သွား.. "
အခုက ပန်းရဲ့အချစ်ဆုံးသူငယ်ချင်းနှစ်ယောက်နဲ့ ဖွဲ့ထားတဲ့ Messenger gpလေးထဲဝင်ပြီး Vd callလေးခေါ်လိုက်တဲ့ဟာကို သဲစုက ပန်းကိုစိတ်မရှည်သလိုပြောလာ၏။ စကားနည်းသည့်မြတ်နိုးကတော့ cameraပိတ်ထားပြီး ဘာလုပ်နေမှန်းမသိ။ ထုံးစံအတိုင်း ဒီအချိန်ထိ အဆင်ငမ်းလို့ မဝသေးဘူးလားမသိ။
" အိပ်မပျော်လို့ "
" ဘာဖြစ်လဲပြောပါဦး..နင့်ရဲ့ဆေးကျောင်းသားအကိုကြီးကြောင့်ပဲလား "
" ဟင့်..ဟုတ်တယ်..သူ့နာမည်ကိုသိချင်တဲ့စိတ်တွေပြင်းပြလွန်းလို့..နေမထိထိုင်မသာ စားမဝင်အိပ်မပျော်ဖြစ်နေပြီ "
" အော်..ဒါများ နင့်ရဲ့ယောက်ခမလောင်းကြီးကို တိုက်ရိုက်သွားမေးပေါ့။ မာမီရေ..မာမီ့သားတော်လေးရဲ့ နာမည်လေးကို မာမီ့ချွေးမလေးကို ပြောပြပါဆိုပြီး "
" ဟာ "
" ဟာမနေနဲ့..သိချင်ရင် ငါပြောသလိုတိုက်ရိုက်သွားမေး..လာလောင်မနေနဲ့..ငါတို့ပါ ပူတယ် "
" ဆေးကျောင်းသားအကြောင်းကိုသိချင်ရင် ဘယ်ကိုသွားပြီး စုံစမ်းရင်ရမယ်လို့ထင်လဲ "
အခုမှ Cameraဖွင့်ပြီး ပြောလာသူက အချစ်ဆရာမကြီးမြတ်နိုးပိုင်။
" သူ့အိမ်ကိုလား "
" ပန်းရယ်..ဝေးလိုက်တာ..ဆေးကျောင်းသားအကြောင်းသိချင်မှတော့..အဟိ..ငါပြောသလို ယောက်ခမကြီးကို တိုက်ရိုက်သွားမေးရမှာပေါ့ "
" နှစ်ယောက်လုံးတော်တန်တိတ်..ငါပြောမယ်..ဆေးကျောင်းသားအကြောင်းသိချင်ရင် ဆေးကျောင်းမှာသွားစုံစမ်းရတယ်တဲ့..မသိရင်မှတ်ထားကြ "
" အော်... "
......................................................
ပန်းရဲ့ ဆရာမကြီးနှစ်ယောက်ဖြစ်ကြတဲ့ သဲစုစုလှိုင်နှင့်မြတ်နိုးပိုင်တို့ကြောင့် အခုဆိုUM1ရဲ့လမ်းမတော်Campusထဲကို ဒုတိယအကြိမ်ပြန်လည်ရောက်ရှိလာခဲ့ပြီပေါ့။ ကျောင်းအပေါက်ဝမှာကျောင်းသားကဒ်စစ်နေသည့်ပုံစံကြောင့် အလစ်ချောင်းကာအမြန်ဝင်ခဲ့ရသေးသည်။ အမှန်တော့ ကျောင်းကို ကိစ္စရှိလို့်လာတာပါဆိုပြီး ပွင့်ပွင့်လင်းလင်းပြောပြလည်းရတဲ့ဟာကို လူမသိအောင်ခိုးလုပ်ချင်တဲ့ စိတ်ကလေးက ပိစိကလေးရှိနေတော့လည်း မတတ်နိုင်။
YOU ARE READING
💘ဆေးကျောင်းသားနဲ့တွေ့ဆုံခိုက်💘
Krótkie Opowiadaniaတစ်ပိုင်းဖတ်ပြီးလို့ ဖတ်ရတာကိုယ့်အတွက် အဆင်ပြေတယ်ဆို နောက်အပိုင်းတွေလည်း ထပ်ဖတ်ပေါ့နော်။ ဒီFicလေးထဲမှာ Uတို့လေးတွေအတွက် ဆေးကျောင်းသားလိုက်ကြိုက်နည်းရော၊ ပြန်ကြိုက်နည်းရော အကုန်ပြောပြသွားမှာဆိုတော့ ဘာလိုသေးလဲ။ ( ပေါက်ကရတွေပြောတာပါ🙈) #Photo crd. #အ...
