بسم الله 🤍 ..
- حــــواء 🙎🏻♀️ :
- حواء🙎🏻♀️ : مشكلتك هاي أدم انت تحلها
- أدم 🧑🏼🦱 : تمام
_ بعد مرور يومين
- أدم 🧑🏼🦱 : حواء حضري اغراضج وكلشي باجر نمر عليج
- حواء 🙎🏻♀️ : شنو تمرون عليه ما فهمت
- أدم 🧑🏼🦱 : أخذج يمي ♥️ ،
_ الفرحه ما وسعتني واخيراً راح اكون يم أدم والزم ايده واهون عليه ونحارب كلشي سوا حتى يصير زين ، الحمدلله يارب ما عفتني وسهلت كلشي علينا ، محد جان قابل من اهلي بس والدي واجا أدم بسيارته واخذني ليش اجذب عليكم ما بجيت على اهلي جنت فرحانه ههههههه مو كافي ١٩ سنة يمهم ،
_ بعد مرور ١٥ يوم
- كل يوم جنت اوصيهم يجيبولي اختبارات حمل ما اعرف منو ضاحك عليه من اول يوم يبين هههههه ، جنت احب اكون أم وجان بنفسي اجرب هل شعور واكيد أدم هم يفرح لان كلش يحب الاطفال حتى مختار اسم لابنه من هو وصغير وكلها تصيحله ابو مهاب ههههه ، اخر مره جابولي بـ ٥ اختبارات حتى يخلصون مني بالبسكوت جربتهم كلهم وماكو نتيجة ، فـ بعد فترة كلش قصيرة جان اكو لحم على النار ينسلك ومعدتي كلش تأذت فـ أدم كام يدور على الاختبارات ..
- أدم 🧑🏼🦱 : حواء هواي مشتري اختبارات ولا واحد وينهم ؟
- حواء 🙎🏻♀️ : ماعرف يمكن ضاعو
- أدم 🧑🏼🦱 : همه شنو ويضيعون
- حواء 🙎🏻♀️ : ترا رخاص عادي اشتري غيرهم
_ راح أدم جابلي واحد واتصلت على اختي تعلمني شلون اسوي لان جنت استخدمه بطريقه غلط وتضحك ، ونصدمت الاختبار أيجابي گللبي بقى يدك شعور يجنن معقوله اكو طفل بداخلي ورحت اركض لأدم ..
- حواء 🙎🏻♀️ : أدددددم راح تصير أب
- أدم 🧑🏼🦱 : بلا شقه
- حواء 🙎🏻♀️ : هاك شوف
- حواء 🙎🏻♀️ : مفروض اني ابجي بس أدم الي بجى
- حواء 🙎🏻♀️ : مو بيده مشاعره شياجه ههههه
- حواء 🙎🏻♀️ : ها بديت اغار شو اني ما بجيت عليه
- أدم 🧑🏼🦱 : گللبي بجى من الفرح من اجتمعنا
- أدم 🧑🏼🦱 : بس هذا يختلف راح انولد مرة ثانيه
- حواء 🙎🏻♀️ : الحمدلله حبيبي
_ بعد مرور ٤ اشهر
_ جنت فرحانه كلش واخيراً راح اعرف جنس الطفل ، أدم جان حاس يجي ولد واختار أسم أبا الفضل لان كلش جان يحب العباس عليه السلام ودائماً جان يذكر بطولته وشجاعته بمعركة الطف ، وبما انو احساس الام هو الصحيح جنت احس بنوته وفعلاً طلعت بنوته وأدم حيل فرح واحسها اخذت مكاني من هسا 24 ساعة مخلي ايده علىها ويسولف وياها ،
_ ورا فترة قصيره
- تعاركنا اني وأدم بس عركة حبايب حتى ما اذكرها شنو المهم زعلت وطلعت من الغرفة ورحت لغرفه الخطار وكعدت اتخيل اختي تموت وابجي هههههه عذروني الهرمونات طفرت وجنت مخليه ايدي على بطني وحسيت بنبضه طفيفه كمزت من الفرحه ، بعد قلبي بنوتي من هسا حنينه ومتقبل ابجي وكالعاده رحت اركض لأدم ،
- حواء 🙎🏻♀️ : أدم أدم
- أدم 🧑🏼🦱 : اتوقع متعاركين
- حواء 🙎🏻♀️ : مو وقتها مو وقتها جيب ايدك
- أدم 🧑🏼🦱 : شكو
- حواء 🙎🏻♀️ : بتنا تحركت
- أدم 🧑🏼🦱 : هي تتحرك يعني واذا طبيعي
- حواء 🙎🏻♀️ : اقصد دفرتني
- أدم 🧑🏼🦱 : جذابه
- حواء 🙎🏻♀️ : جرب
- أدم 🧑🏼🦱 : ماكو
- حواء 🙎🏻♀️ : شلون اني احس وانت لا
- أدم 🧑🏼🦱 : ماعرف
- كل ما تتحرك اخلي أدم يلمسها بس يكول ماكو خبلني ، بعد مرور شهرين بتنا بقت تتحرك اقوى بحيث تبين وأدم يفرح حيل ويبقى يجيب الضوا مال موبايل ويتحارش بيها ويخليها تطفر خطيه لو يجيب اغنيه ساجدة عبيد ويخليها على بطني والطفله تتخبل ههههههه ،
- حواء 🙎🏻♀️ : أدم صدك جنت متحس بحركتها
- أدم 🧑🏼🦱 : جنت اجذب عليج
- حواء 🙎🏻♀️ : ادددددمم !!!!!
