بسـم الله 🤍 ..
- حــــواء 🧕🏻 .
أليوم اني كلش فرحانه رجعت لدراسة مسائي بعد ما تركت الدراسه
وجنت حيل ندمانه فـ اول نصيحة الكم مني ..
{ لتستهينون بالدراسة ابد خصوصاً البنات كملو دراستكم وشتردون
تعيشون بعدها براحتكم فـ اهم شي بحياتج خلي الدراسة } ،
جنت متحضره ومتحمسة لان اني تركت بثاني متوسط فـ رجعت مسائي ثاني ومثل الاطفال متحضره 😂🫣 ،
أمي : الله يوفقج بنتي واشوفج احسن البنات
حواء : ان شاء الله وبوستها وطلعت 🤍 ،
تخيلو جنت ابد ما اطلع من البيت اذا ما ابوس امي احس يومي
كله ناقص ، الله يحفظ جميع الأمهات ..
اجا ابو الخط وصعدت بسيارة وصلت لمدرسة وجنت بين شعور قلق وتوتر
بس جانت سنة كلش حلوه بين قصص البنات لان كلهم بنات بعمري وكل وحده بينا قصة ، وعدت هل سنة والحمدلله طلعت من الثاني ونجحت 🤍🙏🏻 ..
وصارت العطلة والضوجه والملل وماعندي بس الانستغرام اضيع عليه وقت
جان حسابي تفاعلي واكثر شي احبه الستوريات اسويهم قطاار 😂
فـ مره شفت ستوري ولد ناشر بزونه صغيرونه كيييوت 🥹♥️ وكاتب -🙎🏻منو يريدها :
-حواء🙎🏻♀️:اني اريدها بس وين امها ؟ بعدها صغيره
-🙎🏻:امها عايفتها بنهاية البيت
-حواء🙎🏻♀️:تمام هذا العنوان والرقم اريدها
بعد مرور يومين اجا اليوم جابها وشلون بزونه تاخذ العقل فـ التهيت بيها واكيد خبصت الدنيا كل شويه فيديو وصوره الها بستوريات الانستغرام 😂🤍، عمره خساره الي ميربي قطط بيته ..
وجانت ميمي اكثر شي محبوب بيتنا نسيت اكول الكم
سميتها ميمي لأسم قصه بس متسوا نذكرها 🤍 ،
_ أدم 🧑🏼🦱 :
هل سنة اول سنة جامعيه الي من بعد تعب السادس وطلعت منه بدفرات لان ملتهي بسيارة وتصوير وستوريات انستا 😂 بس الحمدلله طلعت من سادس وحالياً اول سنة جامعية
{ طبعاً اني مموجود جان حجيت الكم كل التفاصيل بس حوا تحجي بدالي الي تعرفه بس او الي تذكره }
طبعاً اني جنت متفاعل على الانستغرام واضافات وكذا فـ اكو بنية مميزه كلش اشوفها دائماً تنشر ستوريات بزونتها وعدها شي الي مخليها مميز بعيني لدغتها اكثر لدغه احبها بالكلام لدغة السين ،
فـ احب ارد عليها بس بيوم من الايام .. واني رديت على ستوري الها ما اذكر شنو بالضبط جان تكولي ،
-حواء🙎🏻♀️:انت ليش ترد على ستورياتي ؟
-حواء🙎🏻♀️:ماعندك شغل عمل ؟!
-أدم 🧑🏼🦱: تمام اسف اعتذر بعد ما ارد
واني هم بعد ما رديت عليها على شنو شايفة نفسها ماعرف .
- حــــــواء 🧕🏻 :
لكيت صورة الي اني وصغيره حيل حلوة فـ نشرتها على الانستغرام
ورا ساعتين لزمت جهازي لكيت مسج :
شخص محول صورة الي وكاتب
-أدم 🧑🏼🦱 : شنو هل خدود
-🙎🏻♀️: شكراً
دخلت على صفحتة وكلت بداخلي شنو هل شكول
لو اموت ما ازوجه 😂 ماعرف شلون وديتها لزواج واني لا اعرفه ولا يعرفني عقل المراهقة فـ حبيت انصحكم بهاي النصيحة
{ مو كل شخص يدخل بحياتكم ان جان زميل عمل او زميل دراسة او على الانترنيت يستحق يكون زوج الج او اب لاطفالج بالمستقبل لان بعدج متعرفي لا تبنين احلام وزواج قبل لا تعرفي حتى لتستمرين ويا وانتي تعرفين كل مساوئه }
بعد مرور شهر تقريباً انعرفت لعبة بوبجي بالعراق واني واختي ما قصرنا نمنا بيها 😂💔 وماكو احد نعرفه ما خلينا ينزلها
وهم كلعادة اخذ سكرينات للعبة من احصل اول وانشر ستوري 🌚 لازم نوثق اللحضة شلون عاده ما احبها صراحة بس صارت ادمان 🥲 .
