بسم الله 🤍 ..
- حـــواء 🧕🏻 :
جانت الايام تمر بصعوبة كل يوم بألف سنة من الألم والغصه ، بين تعب الحمل واخر شهور وبين مرض أدم وبين قلق أدم على أيهم الي تغير ١٨٠ درجه ورجع لماضي وذكرياته ، جنت دائماً انزوي بزواية البيت واكعد أبجي واحجي وي رب العالمين ، دائماً اكول يارب تعبت الاختبار حيل صعب ، اكوم من مكاني وامسح دموعي وارجع حواء القوية لخاطر أدم ميضعف ، جان اكو شخص مقرب يودي تقارير لهند لمرضى دائماً واتصل على أدم حتى يساعدنا وطلب من أدم يدز تقاريره ، اتصل على أدم بعد مرور أسبوع ..
- الشخص المجهول 👤 : انت تعرف عضو القلب ؟ دارس عنه
- أدم 🧑🏼🦱 : بلي اكيد
- الشخص المجهول 👤 : أدم قلبك يتكون من ٤ غرف
- الشخص المجهول 👤 : و٣ غرف ميتات وباقي قلبك
- الشخص المجهول 👤 : على غرفة وحده بس يشتغل
- الشخص المجهول 👤 : الله يساعدك شلون عايش ؟
- الشخص المجهول 👤 : الاورده اغلبها ميته ، لازم بأسرع وقت
- الشخص المجهول 👤 : تطلع لهند واني مستعد اساعدك بالسفر
- أدم 🧑🏼🦱 : الله كريم
_ حجالي أدم الي صار هلكت بجي وبقيت افكر منين نجيب فلوس العملية ، ومنين اطلب والمن احجي نهاريت حتى القوه الي جنت امثلها كدام أدم اختفت وبقيت أشهك مثل الطفله وهو حاضني وجان يكلي
- أدم 🧑🏼🦱 : حواء اذا تردين تطلبين فلوس
- أدم 🧑🏼🦱 : لا تطلبين من احد
- أدم 🧑🏼🦱 : البشر طماع حيل
- أدم 🧑🏼🦱 : طلبي من الله هو ينطينه
_ فرشت سجادتي وبقيت ابجي واطلب من رب العالمين اليسر الي يجي ورا العسر وبقيت ادعي وغفيت على السجاده ،
_ ورا فترة قصيرة ب٢ بالليل حسيت بألم فضيع واخيراً راح تجي بنوتتنا وتفرحنا ولو شويه ، يكولون ألم الولادة ثاني اقوى الم من بعد الم الحرق ، او هو الاول ما اذكر ، بس جان ألم گللبي اقوى وحسيت ألم الولادة لا شيء مقابله .. جان أدم منتضرنا وخايف ورا ما ولدت بتنا سماها أدم
{ مريم 🤍 } خابرني أدم واني بالمشفى ،
- أدم 🧑🏼🦱 : حبيبتي شلونج زينه ؟
- حواء 🙎🏻♀️ : الحمدلله
- أدم 🧑🏼🦱 : شوكت تطلعون ؟
- حواء 🙎🏻♀️ : ما بقى شي
_ ب١٠ الصبح اجا أدم وطلعنا رحنا لبيت جد أدم حتى يأذن بأذن مريم
نزل الكل وبقينه اني وأدم بسياره ،
- أدم 🧑🏼🦱 : حبيبتي اذا ما عجبج الاسم نغيره انتي تختاري
- حواء 🙎🏻♀️ : لا حبيبي كلش حلو
_ طبعاً اني وأدم طول فترة الحمل نتعارك على الاسم وجان اتفاقنا من بدايه اذا ولد هو يسمي واذا بنيه اني اسميها وخلف بالاتفاق بس يلا كلشي يهون اهم شي هو فرحان ويبقى اسمها ذكرى منه ، رجعنا للبيت اهلي رادو اجي يمهم بس اني ما قبلت لان ما اكدر اترك أدم وقررت اضغط على نفسي وما اتركه بس أدم بالليل يختنك ويفتح شباك الغرفه ولان شتا وشهر الـ ١٢ وبارده اني وبتنا مريم نمنا بغير غرفه ، بس صحة أدم صارت لاسوء ويوم عن يوم يدمر اكثر واني بقيت ساعه يم الطفله وساعه اجي يمه ومحتاره بزماني واحاجي رب العالمين واكله شوكت تفرج ؟ .
- أدم 🧑🏼🦱 :
حسيت خلص انتهت حياتي من اجت فرحتي الثانيه مريم ، وضعي تدهور الافكار كامت تخنكني ، اذا متت بنتي شيصير بيها شلون ارتاح بكبري وبنتي ماعرف عنها شي ابتعدت عن حواء وصرت احجي وياها قليل وبنتي اخاف اباوع بوجهه واتعلق بيها ، خليت كلشي على رب العالمين ونمت كعدت لكيت مسج من حواء على الواتساب ..
- حواء 🙎🏻♀️ : اميري والله كد ما متألم متألمه اضعافك فوك ألمي بس لازم نصیر اقوياء على مود بنوتتنا ادري بيك مو بأيدك بس لازم نتحمل بتنا تحتاجنا الي صبرنا عليها ٩ اشهر وتعذبنا بوحدنا متستاهل نصبر عليها كم يوم والله محتاجه وجودك وكلشي واريد اجي يمك وراحتي كلها يمك ونوم مجاي اشوفه لان مو يمك بس ع مودك مبتعده وجاي اشتري راحتك بس انت في تحمل وشوف تعبي وصير قوي مثل ما اني جاي احارب هل دنيا والألم انت هم حارب وياي وداعتك تهون وتفرج ويجي يوم واذكرك مثل ما الله فرجها وجاب بنوتتنا تفرج وترجع صحتك احسن من اول بس کول يا الله واذكرني والله أحبك تحمل يروحي ١:٢٥
- حواء 🙎🏻♀️ : وادري ألمي يم ألمك لا شيء بس تحمل لخاطر حوائتك
وبنوتك الحلوة
- حواء 🙎🏻♀️ : الي بعدها مشافت من دنيا شي ١:٢٥ ص
- حواء 🙎🏻♀️ : نحبك بابي
- حواء 🙎🏻♀️ : اني وبنوتي هسا اجينه يم اننام
- حواء 🙎🏻♀️ : ان شاء الله منزعجك بابي
- حواء 🙎🏻♀️ : ومنتضريك تكعد حتى نبوسك
- حواء 🙎🏻♀️ : وتشوفنا يمك
- أدم 🧑🏼🦱 : ولا ولا اكدر ارد
- أدم 🧑🏼🦱 : انتي الملاك الي نزل من السما .
- حــــواء🧕🏻:
يوم عن يوم يزيد عندي شعور اليأس والعجز تشوف الشخص الي تحبه يموت ويذبل كدام عيونك وانت ما بيدك شي تسوي نايمه واتأمل شكل مريم سبحان الله كلش تشبهني الشعر اسود وثخين وبياضها مثل ما تمنى أدم وصلني مسج من أدم على الانستا ..
- أدم 🧑🏼🦱 : حوائتي يا احلى وارق شي صار بحياتي
- أدم 🧑🏼🦱 : وحق ربج هسا اني بقناعة انو خذت كفايتي
- أدم 🧑🏼🦱 : حلاوة هالدنيا وانتي جنتي الحصه الاكبر
- أدم 🧑🏼🦱 : ومسك الختام يمج ♥️
- حواء 🙎🏻♀️ : اميري ليش هيج تحجي
- حواء 🙎🏻♀️ : بعد عدنا ايام حلوه
- أدم 🧑🏼🦱 : يحبيبي شكلت ما كلت شي
- أدم 🧑🏼🦱 : انتي فهمتي غلط
- أدم 🧑🏼🦱 : أحبج حوائتي
- حواء 🙎🏻♀️ : اني أحبك
- حواء 🙎🏻♀️ : وبعد لازم ننتضر بتنا
- حواء 🙎🏻♀️ : تكول ماما وبابا
- حواء 🙎🏻♀️ : ونشوفها تمشي وتضحك
- أدم 🧑🏼🦱 : ان شاء الله ♥️ ،
_ تدمرت حرفياً برسائل أدم كلت هاي هيه خلص بقيت حايره المن احجي محد يعرف من اهلي شي وكلت اذا صار شي على أدم اني هم تنتهي حياتي وبقيت افكر بمريم شيصير عليها ، ورا فترة قصيره اجا شخص اقاربه بدوله وكال انو الدوله تكدر تعالج هيج حالات بس يروح لبغداد ويسوله فحوصات ويقررون اذا الحاله لازم تطلع خارج العراق راح تكون كل المصاريف على الدوله واخيراً حسيت اجا الفرج واخيراً الدنيا ضحكت بوجهي ما صدكت وأدم طار من الفرحه وراح لبغداد مرتين علمود الفحوصات ورئيس المشفى كتب بتقرير سفر مستعجل ورجع الأمل عاش بينا وأدم بقى كل يوم يمشط شعر مريم ويحضنها وتعلق بيها حيل والفرحه ما وسعتنا ، مريم صار عمرها شهر وأحلا شهر بحياتنا بس بغبوغ تمرض وأدم حيل نقهر خابرت اهلي يجون ياخذو لطبيب
- أدم 🧑🏼🦱 : اذا مات اموت ورا حواء
- حواء 🙎🏻♀️ : اسم الله لتحجي هيج
بغبوغ مات رأساً يم اهلي وما كالو النا اهلي حتى منتأذه
ورا يوم أدم كعد مفزوع ..
- أدم 🧑🏼🦱 : حواء اجت بيبتي بالحلم وبغبوغ واكف على متنها
- أدم 🧑🏼🦱 : وكلتلي تعال ويانه بغبوغ اجا يمي وصار زين
- أدم 🧑🏼🦱 : حواء بغبوغ مات
- حواء 🙎🏻♀️ : لو مات جان كالو اهلي ،
_ خابرت اختي وكلتلي بغبوغ مات اول ما اخذو من عدنا بس ما كالو حتى منضوج بس ما كلت لأدم ، وبنفس اليوم ااجا خبر انو الوزير رفض تتكلف الدوله العمليه هههههه ، حسبي الله ونعم الوكيل بس . هنا أدم خلص أيس من الحياة وليش اجذب عليكم اني هم أيست واستعديت لأيام الجايه وقررت اذا صار على أدم شي انهي حياتي لان لصبر حدود ، لكيت محادثه أيهم كبالي دزيتله مسج ،
- حواء 🙎🏻♀️ : اني ما اكدر اعيش واعتني بمريومه اذا صارعلى أدم شي
- حواء 🙎🏻♀️ :وماعندي احد غيرك اثق بي
- حواء 🙎🏻♀️ : ف اعتبر مريومه صارت بنتك
- حواء 🙎🏻♀️ : ف دير بالك على نفسك وعليها
- حواء 🙎🏻♀️ : ولتخليها تعتاز شي ابد
- أيهم 👱🏼 : حواء انتي شكاعد تحجين
- أيهم 👱🏼 :انتي مستوعبه الحجي الي تكولي
- حواء 🙎🏻♀️ : هذا الي صار
- أيهم 👱🏼 : اولا شغلة علاج أدم بيد رب العالمين مو بيد اي احد بس يجوز تكون الدوله سبب بعلاجه وليش واحد يأيس خلي ننتظر شويه والي بيدنه نسوي .
- حواء 🙎🏻♀️ : الدوله رفضت تعالجه !
- يتبع بالبارت التاسع 🤍 ..
