ميار: نزيتت ودفعته بقوة
وصحتت: هاا ماما
شويه ونزل قصي وكال : ليال نامت بغرفتي لحد يكعدها
لُجين: هستوا كعدت كافيهة نوم
قصي: هيه ماتشبع نوم
راحو قصي واديبَ
شويه ونزلن البنات
وكتلهن امشنه انكعد ليال
ريم: جا وين نايمه هيه
ميار: بغرفة قصي
ريم: مره وحده بغرفة قصي. قصي مايقبل احد يدخل غرفته
ميار: ضحكت وكتلهة ليال غير يابه
صعدنه ليهة حته نكعدها فتحنه الباب الغرفهه بارده تسوي واهس للنوم
شغلنه الضوا
نايمه ومرتاحه الاخت
كعدنه كلنه فوك راسه وكل شويه وحده تصيح
هيي ليال كعدي
- ليلوه يلا كعدي حبيبي كافي نوم
- يلا ولجج كعدي
ليال: وخرن عني.
طفرنهه كلناه عليهة وندغدغ بيهة وهيه صرخخ
ليال: اوييي وخرنن كسرتني اووويي كومن منيي
وخرن بس تكسرت تكسر عزا كسرتني
يلا نزلي عيني
لحضه اريد اروح اسبح احس نفسي خايسه
ميار: هوا انتِ خايسه من البدايه
ليال: نجبي انضف منج اني
رحنه للغرفه كلنه بديت اطلع ملابس وطلعت غسولاتي
دخلت اسبح ولبست تراك نص ردن
ميار: نعيما حبيبتي
ليال: الله ينعم عليج
وكفت كدام المرايه انشف بشعري حيلل طويل ومتعبني
افنان: الحمدالله اني ماحب الشعر الطويل فااقصه
ليال : عزا ليش اباوعله نزعت شاله وفلت شعره عن الكباسه الي لافته بي
قصته تجنن لحد كتفه ومرتب وحيل ثخين
- بلعاده البنات يحبن الشعر الطويل انتِ ليش ماتحبي
- ماعرف بعد بس اني ماحبه واحله عليه طبعن
ريم: اي والله كلش يلوكله
خلصت ولفيته كبه ونزلنه جوا
لكينه الكل كاعد سلمنه وكعدنا
وكمت ويا البنات حضرنه العشاء
شويه ودخل عمو قصي وسلم وكال اديب معزوم عندي
ميار: كلبت وجهي
دخلة عمتي ام قصي وكالت سون دجاج سوب
ام قصي: يلا يمه هميالله تلحكن خفن ايديجن
