لاتنسون متابعه الحساب والتصويت + والتعليق على كل فقرة حبايبي 🤍
قراءه ممتعه
مرات گد ما تنطعن
ما تنجرح من تنذم
ومرات توصل مرحله
بروحك بعد ما تهتم.
حميدة :- واكفه كباله مصدومه كافل؟
اباوعله مابدر منه اي ردت فعل كلعاده باوعلي بعيونه الحاده وكال
:- شلونج مادي
:- صفنت بوجهه مادي اسم الدلع مالتي بس كافل يكلي بي وفد احبه منه صار سنتين ماسامعته وخر من يمي وعله وجه شبه ابتسامه وكال
كافل :- ابقي اليوم كله مصدومه
:- وراح ضليت بمكاني كلشي رجع بذاكرتي
فزيت ورحت يم البنات وعمه يسولفن بالمطبخ وخرت من يمهن اريد اغسل وصلت يم السنكي وشفت من شباك المطبخ مهرة دخلت ومدنكه وكافل طلع من الديوان يمشي ومدنك وتداعمو يبوي عزا بعينج حميده طركاعه اللفتني وكتها هسه شوي ودخلن مهرة شكلها عادي مامبينه اي درت فعل ملامح وجها عاديه
:- سلمت واجت يمي حضنتني سلمت عليها وكعدنا نسولف لوكت الغده وصبوا للناس اليم ذياب والهوسه وعمام ابوي ولدهم كلهم يمنه والجهال احنه بيتنا مابي جهال اصغر وحده بالبيت ليال فـ محرومين من الجهال
:- جنت واكفه بالمطبخ اغسل بالخضره والبنات ومهره يفترن هاي التسوي زلاطه هاي التسوي بالمواعين وانه واكفه يم السنك واغني عيونه عيون غزلان ندك باب المطبخ درت وانـه اكمل بالاغنيه صدليه ورماني شفته كاظم سكتت باوعلي وانـه
هم مادري شبيه ظليت صافنه بوجهه خليت ودرت شي بداخلي اهتز يوه المهم خلو الغده والولد يارايحين ياجاين وراسي صار شكبره من الهوسه اجه سلام هو ولد صغير من اقاربنه يجنن عيونه كبار وزرك وهوا ابيض ومدنفش بس ياوكاحته كالي
:- هيي
كتله هي بعينك احجي عدل لا انـه اعدل حلكك بلطمه معدله
سلام :- بلا نجبي ونطيني كاسه ماي
حميده :- لو اعرف هسه تموت مانطيك كام وطكني راشدي ع وجهي وشرد كمت اركض ورا بس اريد اكضه انـه اعلمك اليوم الوصخ طلع برا لاكيت كاظم وهوا صار ورا كال كاظم
