لاتنسون متابعة الحساب + والتصويت والتعليق بكل فقرة 🤍
# بين ضلماتك
# ليان حسن
استمتعوا بلقراءة
احبگم ❤️🔥
لتايها عِيونه بدَرب
تحصد الفشّله ضنونه
الماشاف ولفه بكُل مَسه
شيسوي بيها عيونه ؟
......................
:- هاذا احسن حل ذياب نخلي حاجز بيناتنه لٱ انتَ
تتعرض بطريقي ولا اني
:- هز راسه ومبين عليه صار عصبي طلع وركع الباب ورا
:- طلعت ورحت يم البنات وسئلتني وقار
وقار :شبيج مطنگره ولج
:- مابيه شي
ليال :- شبيج نيران شصايرلج
- مابيه شي كافي تُعبانه من الطريق واريد انام
وقار : ټمـٱم ع راحتج حبيبتي اني اعوفجن تصبحن ع خير
ليال : وانتَ بالف خير
- طلعت وقار ونيران تمددت وهيه تعصر بعيونه والله مبين بيها شي لان مو طبيعيه بس غلست عنه لان هيه ماتريد تحجي وخليتها ع راحتها
-تمدت يمها واردفت بهدوء :- نيران نمتي
نيران : لاا
ليال : مو تعبانه نامي
نيران : مجاي اكدر انام
:- ليش شبيج
نيران :- كلت بغصه ليال كلبي يوجعني
:- يعمري انتِ شبيج رحتي كولشي مابيج ورجعتي مكلوبه كلاب شصايرلج
:- ضميتت ايدي لوجهي وبجيتت كلبي يوجعني لان حجيت كلام اني موكده بس اريد اصير بعيدة عنهه ماريدة يمي انتوا تحسونه شي عادي بس اني ماكدررر روحي متعلكه بروحه ماكدر بدونه وماعندي غير هاذا الحل
:- مدا افهم نيران
:- حجيت واني امسح بدموعي واشهك حجيت وي ذياب وكتله بعد لاتتقربلي ولاتحاجينيي
:- زين ليش هيج كلتيله وانتِ متكدرين بدونه
نيران : ماعرفف ليال والله ماعرف عقلي يكلي شي وكلبي شي ثاني .
ليال: اسمعي لصوت كلبج نيران وشوفي وابد لٱ تسمعين من عقلج.
نيران: حايره ماعرف شصرف وهسه حجيت كلام هواي ضوجه .
ليال: انتِ تحبي؟
نيران: صفنت بوجها ودنكت راسي حجيت بدون
مارفعه. اي احبه وصار 3 سنوات كبرت وكبر حبه بداخلي وما اكدر اكول.
ليال: ليش متكدرين هوا ميحبج؟
نيران: ابتسمت من بين دموعي اليوُم كالي
هوا يحبني بس من غبائي رفضته ونطيته جواب مابي امل ..
