" جيتي وكل الاماكن قرّت عيونها "

Part 3

الديره |
الساعه 9 جالسين بالدكه ابو تركي وعياله فهد وتركي
ابو تركي بزعل : انت راضي على حالك كذا ؟ كل يوم رايح جاي
فهد : يايبه اكيد ماني راضي بس انا عارف وش راح يصير لو جبتهم هنا والله راح يجيني وجع راس
ابو تركي نزل فنجاله وعدل جلسته : لك علي اني راح اعمر لهم بيت مقابل بيت تركي ولا راح يعيشون بنفس البيت واللي يبونه يبشرون به
سكت فهد بتفكير واستغل الفرصه ابو تركي : ياوليدي مابقى من العمر كثر مامضى والواحد مايدري هو يعيش لبكره ولا لا , واخاف يج..
تركي بمقاطعه لكلام ابوه : يبه وش هالسوالف الله يهداك
فهد : يبه وش جاب الطاري الله يطول بعمرك ويخليك لنا
ابو تركي : انا اقول الواقع اخاف يجي اليوم اللي تدفنوني به وعيالك ماشفتهم وترا ذنبهم برقبتك
قام فهد حبٌ راس أبوه واردفّ : تم باذن الله ان جيتي الجايه هم معي , بس ان جبتهم الحين وين احطهم  ؟ ودواماتهم كلها بالشرقيه
ابو تركي : اليوم تشوف لك مخطط وتعتمده ومن بكرا تبدا شغل بالارض اللي مقابل بيت تركي وان جبتهم الحين يعيشون معنا بنفس بيت وولد جميله وعيالك ينامون بالمجلس
تركي : واذا على الدوامات تحولهم للجامعه اللي بالمحافظة القريبه من هنا اللي يداومون بها البنات ويروحون ويجون معهم
فهد : تخصصاتهم صعب القى مثلها هنا
ابو تركي : ماهو عذر هذا فارس دوامه بجده وكل نهاية اسبوع جاي لنا ولا تغير كلامك ترا الرجل عند كلمته
فهد قام واردفّ : ابد وانا عند كلمتي يلا توصي شي
تركي : سلامتك

طلع فهد وهو شبه اقتنع بس ناقل هم عياله لان مستحيل يتأقلمون مع العيشه هنا , اتصل على جُمانه وابعد عن البيوت واتجه للمزرعه
ردت جُمانه واردفّ فهد : السلام
جُمانه ببتسامه : علييك السلام يييامرحبا
فهد : اخباركم
جُمانه : تمام الحمدلله انت كيفك كيف اهلك
فهد : ماعليهم الحمدلله , شلون عمتي
وبدت تاخذهم السوالف ولا حس بالوقت الا الساعه الا الوقت متأخر ورجع لبيته

داخل البيت |
بدور : اتصلي على اخوك شوفيه وينه الحين يجي ابوك ويسأل عنه
روان وهي حاطه الجوال على اذنها : يمه هذي رابع مره اتصل ولا يرد يعني اسوي اسقاط نجمي واروح له
بدور : تعبت وانا اغطي عليه الحين وش اقوله لو سأل عنه
رنيم وهي تأكل : يمه ترا محد خربه الا انتي تغطين عليه وهو والله ولا هامه لو انك مخليته كأن جدي ادبه من اول مره والله غير يعقل
بدور رفعت علبة الفاين وقطته عليها : لا ياشيخه تعالي ربي عني احسن , بعدين تتسممين واخوك ماندري وينه
رنيم وهي تفتح العصير : وش تبين اسوي الطم على وجهي مثلاً ؟
دخل فهد وضحك : له له ليش تلطمين على وجهك
انحرجت رنيم واردفّت روان : حياك يبه
فهد : الله يحيك , الاخبار وش مسوين
بدور : والله على ماتحب , رنيم قومي سوي قهوه
فهد : لا تسوي امشوا نتقهوى برا الجو حلو
بدور : لاا وين الحين يجي عمر جيعان وتأخر الوقت
فهد وكأنه تو يتذكر : الا صحح عمر وش وظيفته ومتى توظف ؟ مشيت من عندكم وهو كان عاطل وكلمتكم ومحد جاب طاري ولو ما قال لي حمد مادريت
بدور وهي تتهرب بنظراتها : امس توظف على مكتب وسمالي وظيفته بس نسيتها والله , قومي سوي قهوه
رنيم وقفت: طيب
فهد التفت لروان وكرر سؤاله : يعني ماتبون تطلعون ؟
فهد يحاول يكسر الحاجز اللي بنته بدور بينه وبين بناته لان علاقتهم رسميه مع عكس بناته من جُمانه