" جيتي وكل الاماكن قرّت عيونها "

Part 2

غرفة انهار
انهار : مهاوي ياذكيه بابا بيسافر والعيال يطلعون يسهرون وقلت لج اخلي السايق يجيك , دخلت افنان الغرفه وعلى طول سحبت الجوال وفتحت السبيكر : مهاوي انتي من وين تفهمين خلص قلنا لج محد بيقعد في البيت غيرنا حنا وماما وبعدين كلنا عارفين انك رافضه عشان سهم تطمني يطلع من المغرب ولا يرجع الا الفجر وينام على طول , انحرجت مها واردفت بصوت خافت : خلص اشوف ماما ودُنا وارد لكم خبر
انهار : خاله تهاني مابتقول شيء ودُنا اكيد بتوافق
مها : اوك خلص , يلا نونه بعدين اكلمك سلمي على خالتي , ردت انهار بضحكه : يوصل ماتبين اسلم على احد ثاني طارت عيونها مها وانصدمت اكثر لما وصلها صوت سهم : واصله الله يسلمها , انحرجت مها لما وصلها ضحكهم وسكرت بوجهه انهار
انهار متعوده على جراءة سهم وضحكت على خجل مها واردفت : سهم يامليق كم مره اقولك الغرفه لاتدخلها بدون لاتطق الباب
سهم : الباب كان فاتح وش ادق بعدين قومي ابوي بيسلم عليك قبل لايمشي , تنهّْدت انهار وأردفّت : انا روحته هذي مو مرتاحه لها احس وراها شيء
استغربت افنان : ليش ؟
انهار : انتي شايفه كم صار له جاي وسألته ليش بترجع قالي ابوه يبيه
سهم : طيب وين الغريب بالمُوضوع جدِي يبيه تلقيْن عندهم عرس ولا عزيمه
انهار : لو عندهم عرس على قولك كأن قال بابا مايخبي شيء
افنان : للامانه حتى انا حسيت عليه متضايق بس قلت يمكن عشان الرجعه او الدوام مافكرت بشيء ثاني
سهم : اقول انتي وياها ابوي ينتظركم بيمشي بعدين حللو على كيفكم
افنان : يلا قمنا
طلعوا من الغرفه ونزلوا تحت لصاله
وكان الدرج بوسط الصاله رفع نظره تميم من جواله وشافهم نازلين وأردف : النيه سهم راح يجيب مجدولين جت مجدولين وسهم ما جاء
ناظرت افنان لسهم وضحكت وأردفتّ انهار : مو فاضي كان يرد السلام
جُمانه : اي سلام
سهم توهق : سمعتهم يكلمون خالتي تهاني وحبيت اسلم عليها
افنان : اي بسم الله عليك تصل رحمك دايم وتسلم عليهم
جُمانه استغربت اتصال اختها على بناتها بالعاده تتصل عليها هي واذا مالقتها تتصل على بناتها : ليش تهاني متصله عليكم غريبه عسى ماشر
نطقت انهار بسرعه تنفي الخوف اللي دخل ف امها : لا ماما ماكو شيء بس انا اتصلت اكلم مهاوي وترا قلت لهم يجون عندنا
جُمانه : كيف يجون عندك وحنا متفقين نروح عند امي اليوم جت من الكويت
صرخت انهار ومجدولين بفرحه وأردفّت افنان : ماما صج تتكلمين ولا تتغشمرين
جُمانه : لا والله ما اتغشمر قبل شوي كلمتني من رقم خالك صالح وبلغتني انها وصلت
انهار : يييييالله يعنيي بيجي جدول بطل مع يدِيده سكتت انهار وكأنها تو تدرك : ماما ليش عند خالي صالح ؟
جُمانه : هو جابها من المطار ونزلها عنده
انهار بتوسل : طيب امُانه خليها تجي عندنا
فهد : انتي ماصدقتي على الله ارجع الديره قمتي تعزمين خلق الله
انهار ناظرت له وشالت نظرها على طول وأردفّت : والله انت بتروح بتنّبسط عند اهلك واحنا ما بنبقى اسيرين لك ؟
كانت جُمانه كاتمه ضحكتها وتتصنع العصبيه : انهاروه ترا اللي تتكلمين معه ابوك مو سهم استحي
ضحك فهد وكان بيرد لكن سبقته انهار : أتشرفنا يا ابوي اللي يّيلس عندنا جم يوم وبيروح ويخلينا
أنفجرت جُمانه والكل ضحك على ردها
فهد : يابنت الناس والله لو مو ضروري ماخليتكم وانا تو جاي , وبعدين أوعدكم بسفره بس اجي ها رضيتي ؟
ناظر انهار سهم إلّلي : راضيه وكلنا راضين رح الله يستر عليك ويسهْل دربك
فهد : انكعم انت اللي يسمعك يقول زعلان على روحتي وانت اكثر واحد مستانس عشان تروح وتجي على كيفك
سهم بتصنع لزعل : احح ظلمتني ياويلك من الله يا يبه اسال تميم من اليوم يواسيني على فراقك
تميم : اي صادق اواسيه على فراقك وانت لسى ما مشيت
فهد : والله من الكذب وانا ابوك , ماعلينا ها يا انهار وش قولك
انهار تحب احد يقولها امري وتدللي وسمي وابشري ما كانت رافضه هالفكره بس ماتبي توافق الحين عشان يظل ابوها يتواصل معها ويدور رضاها
رفعت نظرها له وقالت : خلص نفكر
جُمانه : ماش محد يقدر لها
فهد : خلوها على راحتها , معك وقتك وحددي الدوله اللي تبينها
افنان بعصبيه : سلاماات خلوها على راحتها , انهاروه وثول سفره هذي سفره انتي فاهمه شلون سفره
سهم : انهار حبيبي ترا مو سفره نحط عليها الاكل لا سفره نسافر بالطياره , بعدين يبه تراها راضيه بس تحب تكابر
انهار : ياخي انتم شكو بابا كلمني انا انتم شكو
فهد ابتسَم وقف : اي والله انتم شكو ، يلا عاد استودعتكم الله انا ماشي تميم سهم الله الله بـ امكم وخواتكم لاتخلونهم
تميم وهو يسلم على ابوه : لا توصي حريص وتوصل بالسلامه
وبدو يسلمون عليه وحرك فهد وطلع من الشرقيه
~~~~
بعد ساعتين
المزرعه
بدور : مين قالتس انه بيجي
رنيم : سمعت جدي يكلمه ويقول ربع ساعه ويوصل
بدور : اجل فزي جيبي عبايتي خلينا نروح لجدتك عشان يجي ويشوفنا عندها
رنيم : يمه روحي لحالك الحين اكيد ملاذ عندها ومالي خلق اقابلها
بدور : اقول قومي هاتي عبايتي والحقيني
قامت رنيم تجيب عباية امها دخلت رزان شافت امها تتزين وأردفّت : يمه وين بتروحين
التفتت بدور لبنتها ورجعت ترسم عيونها : ابوك جاي قومي البس خلينا نروح لجدتك
روان بعجز : يييمه والله مالي خلق فكيني
بدور : انا قلت كلمه ما اكررها يلا قومي , رنيم انتي رحتي تشرين لي عبايه جديده ولا شلون ! ساعه عشان تجيبين عبايتي
جت رنيم وهي لابسه عبايتها ومعها عباية امها : روان امشي معنا مابي اروح لحالي
روان : يلا انتظروني
—
بيت الجده
مزنه : قومي يابنت صبي القهوه
ملاذ : ياجده ماحنا ضيوف عادي
عنود : ياعمه ارتاحي انتي ماعليك حنا نتقهوى
دخل تركي ومعها عهد وعد
تركي : السلام
ردو السلام وأردفّت مزنه : من وين جاي يمه علامك تلهث (يتنفس بسرعه) وش انت مسوي
تركي : والله ماسويت شيء بس رحنا للبقاله مشي وتعبت مامن لياقه
مزنه ناظرت لملاذ : قومي يابنت جيبي لبوتس ماء خليه يبلّ ريقه
ملاذ تأففت وهمست لمنيره وهي قايمه : مجرد ما اقابلها تطري عليها كلمة قومي
دخلت بدور وراها روان وبعدها رنيم
بدور بصوت واطي بس ينسمع : السلام عليكم
التفت مزنه على الصوت : يياهلاا ياهلا بـ ام عمر وخوات عمر
تقدمت بدور وسلمت على مزنه وبعدها البنات وتعدت على عنود ومنيره وملاذ وبعدها جلسوا بالجهه اللي على يمينهم
مزنه بعتاب : وينكم يايمه تقل ما حنا بديره وحده ولا بيت واحد لا اشوفكن ولا اشوف اخوكن عسّى المانع خير ؟
بدور تحاول تسكر على الموضوع قبل لا يجي فهد ما تبيه يدري انهم يقطعون اهله تبي يفهم انها تزور اهله وتجيهم
واردفّت : والله ماشر ياعمه بس اشغال البيت والبنات دوامات وتخبرين , الا وشلونك يا ام فهد شلون البنات
عنود : والله الحمدلله كلنا بخير عساك بخير , انتم شلونكم
بدور : طيبين الحمدلله
تركي : الا يا ام عمر عمر وينه ما اشوفه
بدور ناظرت لملاذ وكأنها توجهه لها الكلام : والله اخويه وظفه عنده والحمدلله راتب زين بس يحتري العروسه
تركي استغرب كلامها ونظراتها لبنته : الله يوفقه
منيره همست لملاذ : والله هذا وجهي اذا مايسربت عند عيال خاله ولا وظيفه ولا شيء
ملاذ : خليك من وظيفته هي كأنه توجهه الكلام لي ولا انا حولا
منيره بضحكه : لا حبيتي مو حولا هي فعلاً توجه الكلام لك و الله يتمم لك على خير بس اذا صار اقطعي العلاقه لا اوصيك
ملاذ اردفّت بقهر : ووجعع ان شاءالله العلاقه بقطعها معك من الحين
واستمرت سوالفهم وبدت العصريه في بيت الجده وبدا يجتمعون عيالها واحفادها وفهد على وصول