الحب الخاطئ الجزء الثالث

البارت الثاني

البارت الثاني من الحب الخاطئ الجزء الثالث
❤❤❤❤❤❤❤❤❤❤❤❤❤❤
لا أنكر يوماً أني سئمت الحياة ولا أنكر ضعفي من بعض الظروف ولكن بداخلي روح تمنحني القوة كلما تذكرت أن الله إذا أحب عبداً إبتلاه
❤❤❤❤❤❤❤❤❤❤❤❤❤❤
في مكان في احدي المستشفيات الخاصة كان يجلس ادهم امام صديق عمره ادهم مدحت
مدحت بهدوء..... ادهم يا حبيبي انت لازم تدخل المصحة انفصام دي انت ممكن تموت حد وانت مش واعي وممكن تموت نفسك وانت بردوه مش واعي اسمع مني
ادهم كان شكله غريب لبسه مش مرتب ودقنه كبيره في وجهه وعيونه حمراء وتحت عنيه سواد كان شكله يخوف
ادهم بهدوء غريب و بأسلوب غريب بيتكلم وهو بيتحرك مكانه علي الكرسي....  بببقالللي 8 سننين  بتعالج مفيش جديد انت مش عارف تعلجني
مدحت بحزن علي صاحب عمره......  ياادهم انا بديك علاج ومهدأت وكلمت كذا واحد من اكبر دكاترة النفسين بره ومفيش اي نتيجة انا بعمل كل اللي اقدر عليه
ادهم بدموع وهو موطي راسه بطريقة توجع القلب..... انا عايز اموت يا مدحت انا تعبان ادوني حقنه موتوني بيها انا مفيش فيا امل لو سمحت موتوني انا عايز اموت هعيش ليه طب ولمين هعيش اصلا ها حبيبتي اللي سبتني ومشيت بسببه ولا بنتي اللي حبيبتي خدتها معها وسابوني لوحدي ولا احمد اللي بردوه بسببه سابني وهو معه حق انا غلطان بقالي تلات سنين متكلمتش معه تلات سنين مقطعني ولا فلوسي اللي قربت تخلص وهنزل اشحت في الشارع ولا ان محدش راضي يشغلني خلاص ولو روحت اشتغلت في اي حته تاني يوم بيطردوني دي وصلت من مدير عام في بنك اني اشتغل في قهوة بجد انا عايز اموت ليه ربنا مش عايز يخدني بقي
مدحت بدموع.... حرام عليك متقولش كده انت تشحت حتي عيب عليك وانا روحت فين يا ادهم فلوسي فلوسك ومن جنيه لي مليون انت بتقول ايه يعم
ادهم.... ابتسم وقال.......  يعني مش هتسبني يا مدحت زيهم ولا زي احمد
مدحت بدموع.... لا  مش هسيبك واحمد قولتلك اعرفه بس انت قولت لا
ادهم ابتسم بحب.....  احمد هيزعل جدا عليا لو عرف هو صاحبي بيحبني جدا ومش هيكون مبسوط لو عرف ان انا تعبان وعندي انفصام لا لاء سيبوه في حياته
مدحت بحزن..... زي ما تحب احجزلك في المصحة يا ادهم علشان خاطري
ادهم ابتسم بحزن..... زي ما انت عايز مش هقولك لا
مدحت.... ان شاء الله خير المصحة دي فيها دكاترة ممتازين جدا
🥲🥲🥲🥲🥲🥲🥲🥲🥲🥲🥲🥲🥲🥲
عند مني ومراد كانوا في المستشفى بيشفوا شغلهم عادي مني شافت واحد من قريب اتخضت جدا ومسكت ايد مراد
مراد بقلق.... في ايه يا مني
مني بدموع.....  اخويا يا مراد موجود هنا
مراد بقلق.... فين ده.
مني بدموع.... هو مشفنيش لازم امشي من هنا فوراً
مراد.... طيب ليه ما تروحيش تتكلمي معه وترجعي شملكم تاني حرام كده يا مني
مني بدموع.... لا لا مش عايزة اعرفهم تاني كفاية اللي حصل هيفضلوا يأنبوني وهيقولولي خلي البت تشوف ابوها وهو لو خدها مش هيرجعها تاني
مراد.... طب اهدي تعالي اروحك وارجع تاني  وانا هشوف نو بيعمل ايه هنا
مني.... خليك وانا هروح لوحدي
مراد..... لا تعالي هروحك يلا
وفعلا مراد اخدها وركبوا العربية ووصلها وهي كانت قلقانه وتعبانه ومراد رجع تاني المستشفى
يا تري شافت اخوها مين
🥲🥲🥲🥲🥲🥲🥲🥲🥲🥲🥲🥲🥲🥲
عند مالك كان طول الوقت مقضيها شرب وخمره وبنات وعلاقات محرمه
كان قاعد في شقة الل بيجيب البنات فيها وكان معه اتنين من صحاب السؤ اللي مالك بيصرف عليهم من فلوس ابوه
تامر.....  ايه ياعم هي المزز اتأخروا كده ليه
مالك.... علي الطريق يا برنس
كامل بصوت واطي... انا جبت حته حته حشيش انما ايه في الجون
تامر.... طب ما تطلع يعم
كامل طلع الحشيش اللي معه واعطا لتامر حته وبيدي لمالك
مالك. . ....  انت عارف اني مش بشرب. حشيش
كامل  بوسوسه شيطان 👿...... يعم دانت هتروح في مكان تاني و هتعجبك اوي يعم انت خايف ليه
مالك بتردد..... انا مش خايف
كامل.... لا خايف ومش عايز تشرب زينا علشان انت خايف
مالك بعصبية... طيب يا سيدي هات 
كامل ادله حتت الحشيش وهو ابتداء يشربها
واول نفس كح جدا وجهه احمر جدا
كامل.... اهدئ اهدي علشان اول مره بس بعد كده كله هيبقي تمام
الاهل اللي سايبه ولادها وهما مش عارفين بيعملوا ايه وبيصحبوا مين ومهملين في تربية ولادهم بيطلعوا بل المنظر ده
💔💔💔💔💔💔💔💔💔💔💔💔💔💔
اما محمد كان قاعد في اوضته وهو بيبعت رساله لفرح بيقول فيها
(لغاية امتي يا فرحة قلبي هتعذبيني لغاية امتي قلبي هيدق وكانه هيخرج من صدري لما بفكر فيكي
حني عليا وكفاية بعاد عني اتغيرت من اجلك فقط
نفسي كل يوم تكوني ملكي وحلالي ردي عليا بكلمه واحده تطيبي قلبي المشتاق لكلمة واحده من قلبك ردي عليا
المشتاق لقربك
محمد.)
محمد بعت الرساله وهو مشتاق انها ترد عليه اتقدم مره ورفضته لكن هو لسه وراها
عند فرح قرت الرساله وهي فرحانه وعرفت انها فعلا حبيته اوي اوي
بعت كلمه واحده تعال وكلم بابا
الرساله اول ما وصلت لمحمد قلبه دق بسرعة رهيبة جدا كأنه كان في سباق عميق خرج. بسرعة وقال لاهله يلا يا ماما يلا يابابا بسرعة البسوا يلا
نوال بستغراب.... نلبس ليه
محمد.... هروح اتقدم. لفرح.
سامي..... يابني مش. رفضتك.
محمد بفرح.... لا لا هي كلمتها دلوقتي وقالتي تعال كلم بابا يعني موافقه
سامي بهدوء.... طب مش. نكلم ابوها الاول نعرفه وناخد معاد
محمد بسرع.... لا لا هنروح دلوقتي
سامي .....  يا بني هنطب علي الناس ازاي كده من غير ما نكون  واخدين معاد
محمد.... بابا قوم يلا هنروح دلوقتي
نوال وسامي. حاولوا يقنعوه لكن هو رفض
وفعلا لبسوا وفي خلال ساعة كانوا قدام بيت رافت بيرنوا الجرس ومحمد ماسك علبه جاتوه
رافت فتح الباب واستغرب جدا ولكن قال... اتفضلوا
سامي بإحراج.  شديد.... انا بنعتذر اننا جينا من غير معاد
رافت..... لا ولا يهمك حضرتك تتفضل في اي وقت اتفضلوا
قعدهم في الصالون ودخل لندي الاوضة وقال البسي وخلي فرح كمان تجهز بسرعة
ندي.... حاضر يا رافت
ورفت خرج ليهم وقال... تشربوا ايه
محمد... شربات
رفت سكت وسامي نغز ابنه علشان يسكت وقال.... مفيش دعي احنا جايين نتكلم في موضوع سبق واتكلمنا فيه
محمد.... قال.... بعد اذنك يا بابا شوف ياعمي انا جاي اطلب ايد فرح
رافت حاول ميجرحوش..... بس انا سألتها وقولتلك محصلش نصيب
محمد..... لا النصيب هيحصل انهارده بقي وان شاءلله هتوافق
محمد قام بسرعة وقعد جنب رافت وقال..... و اقسم بالله بحبها وحياتك عندي بحبها ياعمي جوزهالي مش هتلقوا عريس لقطة زي اسمع مني بس ابوس ايدك جوزهالي بقالي تلات سنين بحبها ابوس ايدك.
سامي ونوال كانوا في نص هدومهم من عمايل ابنهم
رافت بهدوء.... انت مش عامل اعتبار لابوها اللي انت عمال تقوله بحبها يعني حس ان ابوها قاعد وان كده ميصحش
محمد بحزن..... اعمل ايه بنتك السبب في كل ده هي السبب بس انهارده انا جي وعارف ان ربنا هيرضيني
حضرتك بس نديها وهي تقول رايها قدمنا كلنا بعد اذنك
رافت.....  حاضر
رافت. دخل عند فرح وشافها لبست فستان لبني بسيط وقال..... تعالي قولولي رايك. بس قبل ما تقولي رايك الواد ده بيحبك اوي وتبقي غبية لو ضيعتيه من ايدك
فرح ابتسمت وسكتت وخرجت بره. هي وندي مع رافت وسلموا وفرح قعدت جنب والدها وقال رافت.
رافت.... ها يافرح محمد جاي يتقدم تاني ها ايه رايك
فرح بخجل..... انا موافقه
محمد قام بسرعة وحضن رافت بقوة وابوه وامه وهما مستغربين وقال بنبره مضحكة.... انا لو بعرف ازغرطت كنت زغرطت
ضحكوا عليه وندي قامت جابت مشروبات وحلويات وفضلوا يتكلموا في الاساسيات الخطوبه والجواز والعفش كل حاجه
❤❤❤❤❤❤❤❤❤❤❤❤❤❤
هنا ينتهي البارت اتمني ينال اعجابكم