الحب الخاطئ الجزء الثالث

البارت الثالث عشر

#رواية_الحب_الخاطئ_الجزء_الثالث
#بقلم_مارلي_ايهاب
♥♥♥♥♥♥♥♥♥♥♥♥♥👌
من ضر سيُضر ، ومن كسر سيُكسر ، ومن ظلم سيُظلم ، والدنيا دوراه.
♥♥♥♥♥♥♥♥♥♥♥♥♥🌹
بعد مرور شهرين ادهم كانت حالته اتحسنت جدا وبقي كويس لكن لسه تحت الملاحظة ودايما بيفكر في مني اتجوزت خلفت منه ولا لاء طيب قالت ايه لبنته
همس دخلت عليه وهي معترفة لنفسها انها حبيته حب شديد مكنتش متوقعة ده هي طول عمرها قفله قلبها ويوم ما حبت حبيت واحد بيحب مراته وطول الوقت بيكلمها عنها وعن بنته عمره ما فكر حتي انه يدي لنفسه انه يحب تاني كل ما تكلمه في الموضوع يقولها انه مستني يخرج من هنا علشان يدور علي مني وبنته ويعيشوا سوا وانه بيحبها ومستحيل يحب غيرها طول الوقت بتستني ينام وتدخل الاوضة تتأمله وهي بتقول نفسي تحس بيا و بمشاعري اللي بتموتني وانت بتحكي عن مراتك اشعار اشعار فاقت من تفكيرها
خبطت الباب وهو قالها.... اتفضل
دخلت وقالت بإبتسامة.......  ها ناوي تعمل ايه انهاردة
ادهم ابتسم.... مش خارج من الاوضة
همس كشرت وقالت... ليه
ادهم ابتسم...... تعرفي انهاردة ايه
همس بستغراب......  ايوه عارفة
ادهم ببتسامه.....  انهاردة عيد جوازي من مني اول تالت عيد منعيدش مع بعض في اليوم ده انا مش بخرج من هنا
همس غمضت عنيها وبوجع وقالت بضيق......  اللي انت بتعمله ده غلط متديش لنفسك امل انت مش عارف ممكن تلقيها ولا لاء ولو لقيتها هتكون عايشة علي ذكراك ولا نسيتك واتجوزت وخلفت
ادهم بغضب... مني متجوزتش احنا اكيد مش بعد العذاب ده كله علشان نتجوز تجي من اول مشكله وتسبني انت ليه بتعملي كده ها ليه بتحاولي تكرهني فيها والامل اللي عندي بتطفيه ليه
همس بوجع.....  مش عايزك تنصدم من الحقيقه انت لازم يكون عندك قبول انك ممكن تلقيها وممكن لا احتمال تكون اتجوزت واحتمال لا لازم يكون عندك احتمالات لكل ده علشان لما تخرج من هنا ميحصلش انتكاسه وتتعب تاني بعد اذنك
وخرجت همس والدموع علي عينيها ودخلت مكتبها وقعدت وعيطت ليه يارب تخليني احب واحد قلبه مع مراته وبس يمكن لو كان لسه الانفصام عنده كان حبني ومفكرش في مني دي يارب خليه يحبني
ادهم كلها كام يوم وهيخرج ومش هشوفه تاني
😢😢😢😢💔💔💔💔💔💔💔💔💔💔
عند مني ولدت الولد وسمته انس ومن ساعة ما اتولد ومراد بيشتكي انه مش عارف ينام لدرجة انه خد اوضة لوحده ينام فيها علشان يرتاح من الدوشة
ومني تعبانه جدا لان الولد ده مش بينام وطول الوقت صريخ صريخ بقالها اكتر من شهر ونص والده ومش عارفه فيه ايه  رامز مكنش كده ولا حتي كنزي
الساعة في ماليزيا كنت بليل والولد صريخه عالي جدا مني دخلت علي مراد الاوضة بسرعة وقالت بخوف.... مراد يا مراد قوم
مراد بنعاس... عايزة ايه يا مني
مني بخوف.... انس صريخه زاد قوي لازم يروح لدكتور اطفال يشوفه
مراد قلق.....  ليه مش يمكن جعان
مني ببكاء.... رضعته سكت شوية وبعدين عمل حمام ونضفته وحميته سكت وبعدين عيطت تاني قوم نوديه لدكتور اطفال بسرعة
مراد دخل يلبس هدومه ومني كذلك واخده الولد ودوه مستشفي والدكتور خده منهم وكشف عليه
مني ببكاء بعدما خرج الطبيب.... لا تقلقي ابدا لا يوجد بي شئ
مني.... اذا لما البكاء طوال الوقت
الدكتور.... انه اللبن الذي تعطينه انتي لا يشبعه سوف اكتب له علي حليب صناعي له
مني برتياح هي ومراد......  اشكرك يا دكتور هل ادخل اخذه
الدكتور.... تفضلي
مني ومراد دخلوا يشوفوا الولد ومراد شاله والدكتور كتب اللبن المناسب ليه وادلهم الروشته وهما خرجوا من المستشفى وركبوا العربية
مني بتعب.....  كنت خايفه عليه جدا
مراد ابتسم..... الحمدلله انا هنزل اجيب الدواء وجاي متنزليش من العربية
مني.... تمام
مراد نزل وشوية وجه وجاب اللبن بتاع انس ابنه
وركب وروحوا البيت ومني دخلت علي الاوضة لقيت مراد بيقرب منها وحضنها وبيقول.... نيميه وتعالي الاوضة
مني بهدوء..... مع الاسف الشديد انا عايزك تاخد ابنك وتطلعوا انتوا الاتنين بره لاني بقالي يومين منمتش هحضرلك الرضعه بتاعته وتاكله وتعيشوا حياتكم سوا
مراد بصدمه.... نعم
مني.....  هحضرلك الرضعه بتاعته وتاكلن وتعيشوا حياتكم سوا
مراد بصدمه..... لا متجيش الاوضة وخليه معاكي علشان انا عايز انام ورايا شغل
مني ببرود.....  وانا كمان ورايا شغل وكمان تجهيز وتنضيف البيت والاهتمام بل العيال واذاكر واطبخ وامسح وانضف انت بتعمل ايه ها ها رد عليا
مراد ببرود..... بشتغل انا ربنا خلقني مش بقدر اعمل غير حاجة واحد بس
مني اتعصبت من بروده وشالت الولد وادتهله.... اطلع بره يا مراد علشان انا علي اخري بقي كل ده وبدل ما تشكرني وتقولي معلش يا حبيبتي بتقلي ربنا خلقني كده طب ما تساعدني يا اخي ساعدني
مراد.... اعمل ايه يعني مش فاهم واروح شغلي ازاي وانا منمتش انت مش مهم تروحي الشغل اقعدي في البيت واهتمي بولادك
مني بعصبية.  .....  ولو قعدت بل الولاد هنام ولا هدوق طعم النوم ماما جعان ماما اغسلي كذا ماما ماما لما هتموتني وانت لما تجي مني اعملي مني سوي انا زهقت وبكت بوجع بقالي يومين مش عارفه انام ساعتين علي بعض ليه كده
مراد حط الولد في السرير وقرب منها وحضنها وقال... حقك عليا يا مني انتم الستات ربنا خلقكم بتقدروا تعملوا ميت حاجه في وقت واحد لكن احنا الرجاله مش بنقدر حقك عليا متزعليش نامي انتي وانا هقعد بانس نامي وخلاها تنام علي السرير وغطاها بل البطانية واخد انس واللبن ودخل المطبخ يعمل هو اما مني نامت في ثانية بسبب التعب الجسدي اللي عندها والارهاق
مراد عمل اللبن وبرده واخد ابنه انس الاوضة بتاعته واكله والولد فضل ساعه بعد الاكل نايم ومراد نام معه لكن صحي بعد ساعه علي بكاء ابنه الشديد ادله الرضعة تاني لكن واكل لكن لسه بيعيط قام شاله ووقف بيه والولد سكت
مراد بنبره حسره.   ..... انت هتبهدلني يا لا انت عايزني افضل واقف بيك ليه يا حبيبي ما تنام يابني ورايا شغل
لكن انس مرداش ينام وفضل كل ما مراد يقعد بيه يعيط بشدة كان طول الوقت مراد واقف ماشي بيه لغاية ما النهار طلع ومعاد شغله جه
مراد بتعب..... كده يا انس اكبر بس وهطلعه عليك. اصبر
مني كانت لسه نايمه مراد راح صحها وقالها.... خدي انس نايميه انا رايح الشغل
مني.... هو منمش من امبارح
مراد بتعب..... لا منمش انا لازم امشي علشان متأخرش
وسابها ومشي ومني زعلت انها سهرته مع انس وهو رايح الشغل مطبق ومنمش واخدت قرار انها تستقيل من الشغل علي الاقل لغاية ما ابنها يكبر شوية
علي الاقل تلات سنين
♥♥♥♥♥♥♥♥♥♥♥♥♥♥
اما كنزي كانت قاعدة بتعد الايام اللي فاضله علشان تشوف ابوها وكان فاضل اسبوعين ومامتها تعمل الوعد اللي قالت عليه
♥♥♥♥♥♥♥♥♥♥♥♥♥♥♥♥♥♥♥♥♥♥♥♥
اما خالد خلي جاسيكا تتنازل تن كل حقوقها والاولاد وسافرت امريكا واخدت ورثها وعايشه هناك ملكة
واكرم حبه لأبوه زاد اقوي بسبب الاهتمام الشديد بيهم هو واخته وطول الوقت بتصل يتطمن عملين ايه وجاب ليهم شغاله تخدمه هو وولاده وقبل ما يجي بشوية بتمشي علشان تلحق توصل بيتها
♥♥♥♥♥♥♥♥♥♥♥♥♥♥
مازن كان في بيت جده وافتكر انه لما راح زيارة لمامته اسبوع زي ما طلبت وجات خديته محصلش بينه وبين وليد اي كلام خالص مازن مرتحش في القاعدة وقال انه هيرجع بيت جده تاني وفعلا رجع وقاعد مع جده وجدته وحش انه مش مرتاح في بيت وليد
♥♥♥♥♥♥♥♥♥♥♥♥♥♥
قاسم وتقي حياتهم عاشينها في سعادة ومستقرين
♥♥♥♥♥♥♥♥♥♥♥♥♥♥
في يوم مكنش علي بال حد ادهم صحي الصبح واتصل بخالد يجي ليه المصحة خالد استغرب جدا جداً وراح ومش فاهم ادهم بيعمل ايه هنا
وصل وسال علي ادهم وهما دخله ليه الاوضة
ادهم بإبتسامة.؟.. مش تسأل عليا انت واخوك خلاص ولا كأنكم تعرفوني
خالد بإحراج.....  معلش يا ادهم صدقني انا كل فتره بمر بمشكلة اكبر من التانية وسفر وبلا ازرق انت بتعمل ايه هنا
ادهم بهدوء....  بتعالج
خالد بعدم استفهام....... بتتعالج من ايه مش. فاهم
ادهم.... اقعد وانا احكيلك
خالد قعد وابتداء يحكي من اول ما المرض ظهر ليه وعرف انه عنده انفصام في الشخصية بس مقلوش علي البنت اللي كان بيحبها
خالد كان بيسمعه وهو في منتهي الصدمة ومش مصدق كل حاجه اتقلبت بعد ما كان خاين هو مش خاين بعد ما كان ظالم بقي مظلوم
ادهم بحزن... انا بحب مني جدا يا خالد ونفسي تدور عليها معايا انا كلها كام يوم وهطلع من هنا انا بعشق مني مش بحبها انت لازم تقف جنبي يا خالد ولو تعرفوا مكانها ابوس رجليكم قوليلي هي فين وانا  هروح وهفضل وراها لغاية ما ترضي عليا يا خالد انت مش بترد ليه
خالد كان في موقف يحسد عليه مش قادر يتكلم
خالد بتوتر....... انا معرفش مكانها بس هدور عليها معاك وان شاء الله تشوفها قريب
ادهم بلهفة..... بجد يا خالد هتدور معايا
خالد بحزن.....  اه بس متحطش امل كبير يا ادهم علشان الصدمه تبقي خفيفة
ادهم بستغراب....  صدمه ايه
خالد بتوتر.... اقصد لو ملقنهاش هنعمل ايه مش عايزك تتعب تاني
ادهم بإمل.... ان شاء الله هنلقيها
♥♥♥♥♥♥♥♥♥♥♥♥♥♥
اما في جامع كان يجلس احمد مع والد روح ويكتبوا الكتاب وكانت تلبس روح فستان بسيط بلون الازرق الفاتح
وكتبوا الكتاب وخلصوا وطلعوا علي مطعم كبير وعزموا الناس لان العروسة رفضت انه يتعمل فرح في قاعة وكانت عايزة بسيط  عزم اهل العروسة وبناته الاتنين معه وامه وبنت خالته 
امل بفرح.... الف مبروك يا احمد
احمد بفرح... الله يبارك فيكي يا ماما
وابتدوء الكل يبارك ويهني وروح كان معاها ابنها كمان في الفرح
ريتاچ ورحمه رحوا يقفوا معها ويباركوا لان احمد واقف مع الرجاله بيسلم عليهم
ريتاچ بحب.... الف مبروك بابا طيب ومش هيزعلك ابدا
رحمه بحب وترحيب.... فعلا بابا طيب اوي مش هيزعلك خالص خالص لا انتي ولا ولا كريم العسل ده
روح فرحت انهم جم يتكلموا معاها ويرحبوا. بيها
روح بحب... شكرا يا حبايبي عقبالكم وعقبال فرحكم
ريتاچ ورحمه.... شكرا ربنا يخليكي
وفضلوا يتكلموا معها لغاية ما الستات انضمت ليهم واحمد كمان والسهرة خلصت واحمد خد روح وطلع علي الشقة وكريم راح مع مامت روح
مع العلم ريتاچ ورحمه هيقعدوا معاهم وكريم كمان وروح موافقة علي ده. لكن الاسبوع ده هيقعدوا عند مامتهم
احمد فتح شقته وقال.... ادخلي يا قلبي
روح دخلت وهي مكسوفة
احمد بنبرة مضحكة.... طبعا مش هسالك تاكلي لان احنا لسه واكلين في المطعم
ومسك ايديها واخدها علي الاوضة
احمد بحب.....  اخيرا اللحظه الحازمة مش هتقوليلي اي حاجه خالص قولتي بعد كتب الكتاب ها كتب الكتاب اتكتب بقاله ساعتين
روح بخجل..... بحبك ارتاحت
احمد وهو بيرفع ايده لسماء وبيقول.... يا فرج الله اخيرا نشفتي ريقي ايه يا شيخه كل ده علشان تقولي كلمه من اربع حروف
روح..... اسكت بقي يا احمد
احمد.... ايوه صح انا اسكت ونبدا في الجد.
روح بخجل.... لا اتكلم يا أحمد زي ما انت عاوز
احمد قرب منها وحط ايده علي الطرحة وابتدا يفكها وبعدين شالها خالص ونزل شعرها الاسود الحرير وقرب منها وخطف شفتيها في قلبه مشتاقه وهي بعد شوية ابتدت تتجاوب معه
وهنا تسكت شهرزاد عن الكلام الغير مباح.
انتهت حلقتنا اتمني تنال اعجابه
عندي جروب علي الفيس بوك اسمه عشاق الروايات بقلم مارلي إيهاب اللي حابب يدخل يبعت خاص لان لو نزلت هنا مش هتعرفوا تدخله
متنسوش تقولوا رايكم ولايك وكومنت واللي مش عامل متابعة يعمل انا بشوف مشاهدت كتير علي البارتات وبستغرب ليه مفيش متابعين اعملوا متابعة بعد اذنكم واعملوا فوت علشان ده اللي بخلي الرواية تظهر وتبان بلاش قراءة بصمت دي ادعموني انا بقدركم وبنزل علي طول علشان متنسوش الاحداث لكن انتوا مش بتقدروا تعبي نهائي
استنوني في حلقة جديدة