الحب الخاطئ الجزء الثالث

الثاني عشر

#البارت#الثاني_عشر_من_الحب_الخاطئ_الجزء_الثالث
#بقلم_مارلي_إيهاب
♥♥♥♥♥♥♥♥♥♥♥♥♥♥
أمي أنتِ الأمل والأمان والقوة
أنتِ مصدر الفرح والأبتسامة الجميلة
♥♥♥♥♥♥♥♥♥♥♥♥♥♥
عند كنزي في ماليزيا شافت مراد قاعد بيقراء كتاب قربت منه وهي مترددة جدا
كنزي بتردد.....  ميرو
مراد استغرب التردد من نبرتها......  في ايه يا حبيبتي
كنزي بتوتر.....  عايزة اقولك على حاجه بس تقنع ماما بيها
مراد قلق واستغرب.... طب قولي في ايه وشدها لحضنه وقعدها علي رجله
كنزي بتوتر...... بابا وحشني وعايزة اشوفه بقالي تلات سنين كده كتير
مراد بحزن.... بس انتي عارفه ان ماما هترفض انها اصلا تنزل مصر
كنزي بحزن..... انا مليش ذنب في مشكلهم انا وبابا كنا قريبين جدا من بعض عمرنا ما بعدنا كده انا هتكلم معاها بس عايزك بعد ما اتكلم معاها تدخل انت و تحاول تقنعها وعيونها دمعت....  نفسي اشوفه
مراد حضنها.... حاضر اللي انتي عايزة اعمله يلا روحي كلميها
كنزي... اوك وراحت علي اوضة مامتها ومراد كان قلقان من رد فعل مني علي كنزي
كنزي خبطت باب الاوضة ومني فتحت الباب
مني بحب.... تعالي يا حبيبتي
كنزي بتوتر......  ماما كنت عاوزه اتكلم معاكي في حاجه كده
مني بقلق.... اتكلمي في ايه
كنزي بشجاعة..... انا عاوزه اشوف بابا
مني بصدمة..... نعم
كنزي بشجاعة...... عاوزه اشوف بابا
مني بعصبية..... عايزه تشوفيه ليه مش كفاية انا ومراد عندك وعايزة تشوفي الرجل اللي خان امك و و خادعها
كنزي بعصبية.....  انتي امي بس عمرك ما هتعوضيني عن ابويا ومراد بحبه بس هو مش. ابويا انا ابويا مش ميت علشان اعتبر مراد ابويا
خانك انتي انا مالي مالي انا ذنبي ايه تعاقبيه تحرميني منه وبدموع...... مش بتحسي بيا وانا بشوف الولاد والبنات في المدرسة اللي ابوها حضنها وهي بوديها ويجبها ولما صحابي يحكولي ازاي خرجوا مع ابوهم وجبلهم دي ودي ودي انا عايزة اشوف بابا وده اخر كلام عندي حسي بيا وبلاش تكوني انانية بعد اذنك ومتهيقلي مفيش دعي تعاقبية اكتر من كده ما انتي اتجوزتي وعشتي حياتك بعد اذنك
خرجت كنزي وهي مضايقة من مامتها وانانيتها
بعد خروج كنزي مراد دخل وهو اصلا كان واقف وسامع كل حاجه كان خايف مني تنفعل علي البنت
مراد دخل وقال بهدوء.... معاها حق في كل كلمه قالتها انتي خلاص اتجوزتي والمفروض انك حبيتني ليه عايزة تعاقبيه ولا تكوني لسه بتحبي واتجوزتني كده وخلاص ما هو بدام انتي لسه بتكرهي بنتك فيه وبتعاقبيه يبقي لسه بتفكري فيه وبتحبيه
مني بصدمه.... ايه اللي انت بتقوله ده انت ازاي تقول كده رد عليا انت بتشك فيا انا ادهم بكره اوي ومش عايزة بنتي تشوفه علشان اخلاقها متبظش انا بحبك وانت عارف ليه دايما مش. مكتبلي اعيش يومين حلوين من غير تعب اعصاب بتستقتروها عليا ليه
مراد قرب منها وحضنها وقال.... حقك عليا يا مني بس انا بغير عليكي جدا وللهي بس انت عايزة الحق البنت لازم تشوف ابوها يا حبيبتي اللي انتي بتعمليه ده غلط غلط كبير وهتشيلي ذنبه انتي حارمه بنت من ابوها واب من بنته مهما عمل البنت ملهاش علاقة يا مني فكري كويس بنتك كل سنه بتكبر وممكن في يوم من الايام تكرهك علشان بعدتيها عن ابوها فكري كويس انا داخل اخد شاور علشان انام
مراد سابها وهي قعدت علي السرير تبكي
😢😢😢😢😢😢😢😢😢😢😢😢😢😢
في المصكة عند تامر ومالك في امريكا كان قاعدين بيتكلموا عن حياتهم
تامر بحزن وسخرية.....  تعرف علشان الفت انتبه ابويا وامي ليا كنت بطلع الاول لكن مكنوش بردوه بينتبه ليا بلعكس عادي قولت يمكن لو سقطت يعتبوني يضربوني حتي مش مهم المهم يشوفوني معاهم في البيت انا موجود انا عايش معاكم في نفس البيت حسوا بيا لو تعبان وبموت محدش بيعرف ولا بينتبه لو معدتش معاهم علي الاكل محدش بيفكر حتي يسال عليا بابا يوم ما يفتكرني بعد اسبوعين تلاته لو غبت عن البيت غير كده لا تصدق كنت بابات ليالي علشان اسمعهم بس بيقولوا وحشتني وبردوه مسمعتهاش نهائي لغاية ما اتعرفت علي كامل لقيته اول مره مطلع سجارة حشيش وقالي اشرب هتنسيك كل وجعك وحزنك انا كنت عايز انسي واقعي الاليم وشربت وقولت يلا حاجة تنسيني مؤقت لغاية ما فضلت اشرب لغاية اللي حصلي بسبب الشرب معاك
مالك.....  حكايتي نفس حياتك مفيش اختلاف ابويا فين وفين لو افتكرني امي مشغوله مع صحابها واختي كذلك كل واحد في عالم تاني لوحده
سيبك انا فكرت بعد ما نخرج من هنا نشتغل في اي شركة ونفتح مشروع خاص بينا ونشتغل ونكبر ونكون كويسين ولينا اسم مش عايزين نكون فشلين
تامر بإبتسامة..... وانا معاك
♥♥♥♥♥♥♥♥♥♥♥♥♥♥
تامر ومالك في منهم كتير اوي يهربوا من الواقع والاهمال بشرب لما تكون مش عارف ابنك فين بالاسبوع والشهر امال انت ايه موقعك من الاعراب انت فين مسؤوليتك اللي ربنا هيسألك عليها انت وامه يوم القيامة ولادك علمتهم ايه علمتهم يصلوا ويعبودوا ربنا علمتهم ان الشرب حرام علمتهم ازاي يكونوا محترمين قربتوا منهم حسستوهم بأمان وسند ولا سبتهم في الحياة ملهمش حد غير الصحبة السؤء
انت فين وابنك بيتعرف علي واحد خلاه مدمن مخدرات مشكتش في لحظه ان ابنك مش طبيعي
محستش بمره بإلمه منكم محستش طيب بوجعه من الاهمال في بعض الاهل الاهمال بيكون بطريقة غريبه اوي اوي
مش عارفة بصراحة ازاي يجيلك قلب تنام وابنك بره البيت منتاش عارف تعبان ولا لاء. كل ولا ء لدرجة دي قساوة قلبكم
في شباب كتير حياتهم ادمرت وفي اللي مات بسببها والاهل بيفقوا متأخر
تامر ومالك هيتغيروا بس للاحسن وربنا هو السند والضهر ليهم
مالك وتامر مثال لشباب كتير هنا هما انتهوا معايا في الرواية
♥♥♥♥♥♥♥♥♥♥♥♥♥♥
في قاعة كبيرة جدا كان يقف محمد بالبدله السوداء وبجانبه في الكوشة فرح بإبتسامة جميلة جدا وسعيدة
وكان الكل فرحان وبيهني وكانت نوال هي وسامي في سعادة بسبب فرح ابنهم
وكمان نوال كانت فرحانه ان لما اختها كلمتها وقالتها انها مش زعلانه علي اللي مالك عمله لان ده الصح كان المفروض تروح لدكتور نفسي من زمان بس هما طنشوا وباركت لمحمد علي جوزته
وكده دورهم برده انتهي هي ومها
محمد وفرح قاموا يرقصوا سلو علي اغنية انا بعشقه
فرح بدموع الفرح.....  مكنتش مصدقة ان ده ممكن يحصل ابدا يا محمد من كام ساعة فشكلنا ودلوقتي بنتجوز
محمد باس ايدها وقال بحب.... انا مقدرش علي بعادك يا فرح انا اتعذبت علشان اوصلك مستحيل اقدر اسيبك مستحيل انت حبي الاول والخير وعمري ما هحب حد تاني غيرك انتي قلبي وحبي وعشقي الاول والاخير وعمر ما عيني تشوف واحدة تانية غيرك
فرح حطت راسها علي صدره وقالت... وانا بعشقك يا محمد وعمري في حياتي ما حبيت حد زيك انت راجل بكل ما للكلمه معني والرجاله بقت قليله اليومين دول
محمد بفرح... اخيرا قولتيها
فرح بخجل.... اتلم بقي وبعدين انا زعلانه منك اوي اوي
محمد... ليه يا قلبي
فرح.؟ بقي تخلي الاتليه يفتح الساعة سبعة الصبح مخصوص علشان نختار الفستان
محمد... دانا افتحه من الفجر المهم قلبي تلبس فستان علي مزاجها
فرح ضحكت بفرح
ندي ورافت كانووا شايفين الفرح علي وششهم... ربنا يديم الفرح في حياتهم وما يشوفوا وحش ابدا ابدا يارب
رافت بفرح.... يارب يا ندي انا مدي سعادتي مش قادر اوصفها رغم اني صعب عليا فراقها لكن فرحان جدا
ندي ابتسمت بحب.....  يارب علي طول فرحان عقبال ريتاچ واحمد يارب
رافت..... يارب يا حبيبتي
وفضلوا يتفرجوا
لغاية ما عدي الساعتين وكانوا كتبوا الكتاب
والفرح. خلص والاهل وصلوا العرسان البيت
ومحمد فتح الباب الشقة و شال فرح ودخل الشقة وقفل الباب برجله وبعدين دملها علي غرفة النوم ونزلها علي السرير وقال هو بينهج انتي كام كيلو ضهري اتقطم
فرح بصتله بشر دانا وزني مثالي دانا ستين كيلو هو الفستان اللي تقيل اعمله ايه
محمد وهو بيقلع الجزمه والجاكيت وبيفك ازار القميص....  مانا عارف ان ده وزن الفستان
فرح بضيق.؟ انت بتتريق حضرتك ماله وزني
محمد بمشاكسة.....  جميل يا بطة
فرح.... متقوليش بطة فاهم
محمد بمشاكسة... ليه يا قلبي
فرح بخجل لما قلع القميص.....  اتلم والبس هدومك
محمد بمشاكسة......  اه ل جو الكسوف ده يتشال ليوم تاني مش النهارده انا طلع عيني من امبارح
فرح.... بطل كل شوية تفكرني
محمد قرب ومسك ايديها وقربها منه وقال بحبك ومع كل كلمه بحبك قبله في جميع انحاء وجهها وهي سرحت ودابت في هواه والتهم شفتيها في قبله شغوفه
وتسكت شهرزاد عن الكلام الغير مباح
بعد وقت ليس بقليل كانت فرح تنام علي صدر محمد بخجل وكانت عايزة تسال سؤال
فرح. بخجل.... هو انت ليه في الفرح معملتش الترند الجديد اللي طالع
محمد باستغراب..... تريند ايه
فرح بخجل... ان العريس يبوس عروسته في الفرح قصاد الناس انت اتكسفت تعمل كده
محمد ابتسم.... لا متكسفتش ولا حاجه بس عيب اوي لما اعمل كده قصاد الناس اولهم ان في الدين ده حرام اني ابوسك قصاد الناس واحليكي في عين الرجاله دي غلط ما انا باللي بعمله ده في شباب صغير هيشوفه وهنثير غرئزهم في الفرح لما ابوسك قدام البوسه والبوسه تطول بدل الثانية تبقي دقيقتين انا كده ابقي ديوث يا حبيبتي لو عملت الترند ده اللي بيعمل كده عمره ما عرف معني الرجوله في بيتي ابينلك حبي ليكي وعشقي بره البيت انا وانتي زي  الاخوات مش مسموح ليا غير اني امسك ايدك حتي احضنك بره البيت لا لان مش. كل اللي في شارع عارف انك مراتي ويوم ما احضنك هيكون في البيت برده الترندات اللي واكله عقل الناس علشان يجيبوا لايكات ويرخصوا نفسهم ومن رجولتهم انا مش عارف ازاي الناس دي قابله علي نفسي ان الناس تشتمهم وتقل ادبها عليهم وهما ولا هنا
فرح نامت علي صدره وقالت..... مغلطتش لما حبيتك يا محمد
محمد قبلها. وقال وانا بعشقك يا قلب محمد وقبلها
وهنا دورهم انتهي من الرواية
♥♥♥♥♥♥♥♥♥♥♥♥♥♥
عند ادهم في المصحة حالته كانت في تحسن كبير وابتداء يحس براحة لما ابتداء يتجاهل الشخصية اللي بتجيلة وهمس خليته يتعرف علي المرض وصاحبهم وهما صحبوه وبقي وقته مشغول معندوش وقت حتي انه يفكر في حاجة او الشخصية دي تجي تزوله
اما همس كانت سرحانه وهي بتبصله وبتبتسم ولاول مره يلفت نظرها راجل ولاول مره يعجبها حد بس مع الاسف الحد ده قلبه بمشغول بمني كل ما بيقعد معها يحكلها عن مني وقبلها وحبها لدرجة انها بقت بتغير منها اوي تسكت وبتقول انا بعمل كده ليه مش قادرة تعترف لنفسها انها حبيته
ادهم قرب منها..... همس
همس بحزن دريته.....  ايوه يا ادهم خلاص خلصتوا كلام
ادهم ضحك.... لا بس كل واحد جاله الدكتور المتخصص علشان علاجه انا بقي مش ورايا حاجة خالص ايه السبب
همس ابتسمت... انت خلصت كل الشغل اديك ايه تاني
ادهم ابتسم..... اي حاجه ولا اقولك هاتي اكلم مدحت يجي يقعد معايا شوية
همس.....  انت نسيت ولا ايه اخر مره قالك انا مش جاي علشان مسافر عنده مؤتمر
ادهم بتفكير...... اوه نسيت خلاص انتي وراكي حاجه
همس.... لا
ادهم.... خلاص اقعد هنا معاكي مش عايز اقعد. في الاوضة لوحدي
همس... اقعد كنت عايزة اسألك كام سؤال كده
ادهم.... اتفضلي
همس بتوتر..... انت ايه اللي مأكدلك ان مني متجوزتش
ادهم بثقة.... علشان بتحبني وانا بحبها مستحيل تعمل كده
همس....  بس انت في نظرها خاين ايه اللي يخليها باقية علي واحد خاين سوري يعني يا ادهم هي متعرفش انك تعبان وان انت عملت كده غصب عندك
ادهم خاف واتردد ومش عارف هي كلامها منطقي جدا بس هل فعلا مني اتجوزت ادهم اضايق جدا وقال... انا رايح اوضتي
همس عرفت انها ضيقته.... اتفضل
وفعلا سابها وراح اوضته وفضل يفكر معقول اتجوزت ظهر الخيال تاني وقاله.... اه ممكن تكون اتجوزت هتبقي عليك. ليه يا غبي وانت خاين خاين
وضحك بستفزاز ادهم هدي جدا وسكت وبردوه معبروش وده ضايق الخيال جدا وعرف انه معدش عارف يأثر عليه سابه واختفه وادهم قعد علي الارض حزين
♥♥♥♥♥♥♥♥♥♥♥♥♥♥
سامية راحت لبنتها المصحة هي وجوزها اللي جه من سافره وكان عايز يموتها لكن مراته قالتله بنتك تعبانه عندها مرض نفسي وحجزوها في المستشفى
ومحمد طلقها 
الدكتور.... ممنوع الزيارة يا فندم
سامية ببكاء.... اشوفها مره واحده حتي لو من بعيد بعيد
الدكتور خادهم علي مكان شفاف وشافت بنتها مربوطه في السرير
سامية بصدمه.... انتوا ربطنها كده ليه
حمدي كان مصدم من منظر بنته
الدكتور باسف.... لان هي بتجهز جلسات كهرباء ولازم متتحركش نهائي
سامية وحمدي دموعهم نزلت
الدكتور... علشان كده قولتلكم بلاش تشوفوها
سامية ببكاء.؟ يارب انت الشافي المعافي اشفي بنتي يارب اشفيها
حمدي قال.... مصاريف المصحة كام.
الدكتور.....  الاستاذ محمد دفع
حمدي... كام يعني
الدكتور.... 15000 الف يا فندم
حمدي.... تمام يلا
واخد زوجته ومشي وهو ماشي وقف قدام ماكينة سحب وحط الفيزه وسحب 15000 الف جنيه
وادهم لمراته وقالها... اديهم لاختك تديهم لابنها مش. عايزين منه حاجه
سامية بحزن....  حاضر يحج
حمدي..... انا هعدي عليهم هتطلعي تديهملها وتنزلي سامعه.
سامية بحزن.....  حاضر حاضر وفعلا خلال نصف ساعة وصل عند بيت اختها وسامية طلعت وهو فضل في العربية
سامية خبطت وفتحت نوال وسامي كان في الشغل
نوال بفرح..... نورتي يا اختي ادخلي
سامية دخلت وسلمت عليها وطلعت الفلوس وقالت دي فلوس اللي محمد دفعها للمصحة
نوال..... عيب عليكي تعملي كده
سامية..... حمدي حالف عليا خديهم الله يخليكي ويلا انا ماشية حمدي قاعد مستنيني في العربية
نوال.... طب مطلعش ليه
سامية.... يلا معلش تتعوض بعد اذنك
سامية خرجت ونزلت لجوزها.... ادتهملها ياحج
حمدي برضي.... كويس
ودول كمان انتهوا معايا في الرواية
♥♥♥♥♥♥♥♥♥♥♥♥♥♥
عند مني فكرت كويس في الكلام ده وقالت لمراد بعد ولادتي بشهرين ننزل مصر وكنزي تشوف ابوها وتقعد معه اسبوع وبعدها نرجع هنا تاني وده اللي عندي
مراد ابتسم..... وانا موافق مفيش مشكله هروح افرح كنزي
مراد خرج ودخل اوضه كنزي وقالها علي الخبر ده وهي فرحت جدا جدا
♥♥♥♥♥♥♥♥♥♥♥♥♥♥
عند جاسيكا كانت عايزة تتكلم مع خالد لكن خايفه
جاسيكا بتوتر..... اريد ان اتكلم معاك
خالد.... اتكلمي.
جاسيكا..... انت تعلم ان ابي كان يرفض الزواج هذا بسبب انك مصري وانه لايحب المصريون
خالد.... اخلصي عايزة تقولي ايه
جاسيكا بخوف..... ابي توفا وانت تعلم ان لديه المليارت وتعلم ايضا ان انا وحيدته وهو كتب في الوصية ان لا اخد دولار واحد الا اذا اطلقت منك وتركتك وتركت ابنائي لمده لا تزيد عن ثلاث سنوات
خالد بصدمه.... نعم
جاسيكا.... انا لازم اسافر خالد قبل شهر لان بعد ذلك كل الثروه سوف تذهب للفقراء والمستشفيات والملاجاء
خالد بصدمه.... انت عايزني اطلقك وتسيبي عيالك علشان الفلوس
جاسيكا بجشع..... خالد هذا لست عشره تالاف دولارات هذول مليارات اتريد ان اترك كل هذا يطلع تبرع مستحيل
خالد اول مره يشوف الجشع ده
خالد ببرود..... هطلقك بشرط واحد
جاسيكا بسرعة.... ما هو
خالد ببرود... هتتنزلي عن حضانه الاولاد ليا نهائي بدون راجعه
جاسيكا بسرعة....موافقه
خالد بصلها بصدمه وسكت. وبعد شوية اتكلم.. هكلم المحامي يجهز الاوراق 
جاسيكا... اوكي بس اريده بسرعة
اكرم كان سامع مامته واللي بتقوله مش مصدق انها بعتهم بسهوله دي علشان الفلوس دخل اوضته وقفل الباب
اما خالد دخل اوضته وقال.... ادي اخرت اللي يتجوز من بلاد بره 
😢😢😢😢😢😢😢😢😢😢😢😢😢😢
هنا البارت انتهي واتمني ينال اعجابكم البارت ده 2293 كلمة
لايك وكومنت تقول فيه رايك
ايه رايكم في سؤال فرح عن ان العريس يقبل زوجته امام المعازيم
وايه رايكم في رد فعل حمدي وانه رجع الفلوس تاني لمحمد
اية رايكم. في جاسيكا هل اللي بيتجوز واحده من بلاد بره لا عندها دين  وانها عادي تسيب ولادها كده عادي وتتنازل بردوه عادي
ايه رايكم...  في كلام كنزي لمامتها
وايه ريكم هل ادهم ممكن يفتح قلبه لاهمس ولا لاء
مستنيا ارايكم وتعليقاتكم الجميلة