𝖬𝗒 𝖢𝖾𝗅𝖾𝖻𝗋𝗂𝗍𝗒 | 𝖳𝖠𝖤𝖦𝖸𝖴 𝗌𝗁𝗈𝗋𝗍 𝗌𝗍𝗈𝗋𝗒

𝖮𝗇𝖾

" သက်တော်စောင့်တွေ အနားမရောက်သေးလို့ အပြင်ဘက်ကိုမထွက်ပါနဲ့ဦး ဘောမ်ဂယူရှီး... "

KBS ရုံးထဲကနေ အပြင်ထွက်ဖို့ တာဆူနေတဲ့သူ့ရဲ့ခြေလှမ်းတွေကို ကြိုသိနေတဲ့ မန်နေဂျာချွဲ ဟာ သတိ‌ပေးသလို ပြောလာသည်။ သူဟာ အမှန်တကယ်ကို သက်တော်စောင့်တွေရှိမရှိကို စိတ်မဝင်စားနေပါ။ သူဟာ ရုံးအပြင်ဘက်မှာ သူ့ကိုစောင့်ရင်း အုံခဲနေသည့် Fan တွေဆီသာရောက်နေပြီး သူတို့နဲ့မြန်မြန်တွေ့ရဖို့ စိတ်လှုပ်ရှားနေသည်။

" ခဏနေလည်း တွေ့ရမှာပါကွာ..fan တွေနဲ့‌တွေ့ဖို့ အဲ့လောက်လောနေတာ industry ထဲအခုမှရောက်တဲ့ တက်သစ်စလေးလည်းမဟုတ်ဘူး "

သူအခြေအနေကိုသတိပြု‌မိတဲ့ မန်နေဂျာချွဲဟာ စသလိုမျိုးပြောလာသည်။ အစခံနေရသည့် သူသည်လည်း ခပ်တိုးတိုးသာရယ်ရင်း

" မဟုတ်ပါဘူးဗျာ ... သူတို့ကလည်း ကျွန်တော့်ကိုတွေ့ဖို့ နေပူထဲမှာ အကြာကြီးစောင့်နေရတာကို ကြာနေလို့မဖြစ်ပါဘူး "

" Bamtori တွေလောက်ကံကောင်းတဲ့သူ မရှိဘူးထင်တယ် ..ငါတောင် ရင်ထဲထိသွားပြီ "

ထို့နောက် သူတို့အတူရယ်မိလိုက်ကြသည်။ မန်နေဂျာ ချွဲဆူဘင်းဟာ သူနဲ့သူငယ်ချင်း‌လိုဖြစ်နေသည်မို့ အမြဲစစနောက်နောက်ရှိပြီး သူ့အတွက် soloist အဖြစ် debut ထဲက ဘေးကနေ မန်နေဂျာ အဖြစ် အစစအရာရာ ကူညီပေးခဲ့တဲ့သူဆိုလည်းမမှားပေ။ တစ်ခါတစ်လေ Antisတွေကြောင့် စိတ်အနှောက်အယှက်ဖြစ်ရရင်တောင် ဘေးနားကနေ အမြဲနှစ်သိမ့်ပေးပြီး သူ့အတွက် အကိုလိုရော သူငယ်ချင်းလိုရော ဖြစ်တည်ပေးတက်တဲ့သူဖြစ်သည်။

" သက်တော်စောင့်တွေ ရောက်ရင် ဘောမ်ဂယူ့အနားလာပေးပါ။ ပြီးတော့ Fan တွေ အရှေ့ရောက်လာရင် ဘောမ်ဂယူ့ကို ပိုပြီးဂရုစိုက်ရမယ်... ရပြီ.. အရှေ့က လမ်းတစ်‌ချက်ရှင်းထား "

သက်တော်စောင့်တွေအနားရောက်လာတဲ့ အချိန်မှာ ချွဲဆူဘင်းဟာလည်း ခဏအတွင်းအလုပ်ရှုပ်သွားပြီး KBS ရုံးအပြင်ဘက်အထိ လူရှင်းပြီးသားဖြစ်သွားသည်။ သူ့ဖက်ကလည်း အင်္ကျီတွေကိုသပ်သပ်ရပ်ရပ်ဖြစ်အောင်ပြင်ဆင်လိုက်ရင်း ချွဲဆူဘင်းဘေးနားကပ်ပြီးလိုက်ရသည်။