𝖬𝗒 𝖢𝖾𝗅𝖾𝖻𝗋𝗂𝗍𝗒 | 𝖳𝖠𝖤𝖦𝖸𝖴 𝗌𝗁𝗈𝗋𝗍 𝗌𝗍𝗈𝗋𝗒

𝖳𝗐𝗈

~ Like a flower in the concrete

~So beautiful and rare

~You gave me hope when I was empty

~Walked me through the fire, you were there

~You're the sun to the moon

~You're my ocean, painted blue

~You, I'm nothing without you

ဂန်ထယ်ဟျွန်းဟာ camera ထဲက ဓာတ်ပုံတစ်ချို့ကို computer ထဲ လွှဲပြောင်းရင်း ထိုသီချင်းကို ခပ်တိုးတိုးလိုက်ညီးနေမိသည်။

မကြာသေးခင်က CHOI BEOMGYU - Official ဆိုတဲ့ YouTube channel ကနေ တင်ပေးထားတဲ့ Cover song တစ်ပုဒ်ဖြစ်ပြီး သူ့အတွက် နေ့ရော ညရော မနားတမ်းဖွင့်နားထောင်နေတဲ့ သီချင်းတစ်ပုဒ်လည်းဖြစ်သည်။

သူဟာ ခဏအကြာမှာ စားပွဲပေါ်က အမျိုးသားတစ်ယောက်ရဲ့ Polaroid ပုံတော်တော်များများကို သေသေချာချာ ပြန်စစ်ရင်း အံဆွဲထဲထည့်လိုက်သည်။ ပြီးနောက် computer ကို ပြန်ပိတ်ရင်း ဘေးနားမှာချထားတဲ့ ကော်ဖီခွက်ကိုကိုင်ကာ ဝရံတာဘက်ထွက်လာခဲ့သည်။

ဝရံတာ တံခါးကိုကျော်ပြီးနောက်မှာ အေးမြတဲ့ လေညှင်းသဲ့သဲ့ကိုအမိအရ ခံစားလိုက်ရပြီး ဖြစ်သလို လှန်တင်ထားတဲ့ မဟော်ဂနီရောင် ဆံနွယ်တွေဟာလည်း လေယူရာ ယိမ်းနွဲ့နေသည်။

လျှာဖျားကနေ ခံစားနေရတဲ့ ခါးစိမ့်စိမ့်ကော်ဖီအရသာဟာ နှလုံးသားထဲ စွဲကျန်နေတဲ့ ထိုသူရဲ့ အနုပညာလှလှလေးနဲ့ဆင်တူတယ်လို့တောင် သူတွေးမိလိုက်သေးသည်။

ဒီနေ့အတွက် ထိုသူ့ဆီက အံဩနေဟန် အကြည့်လေး သူ့ဆီရောက်လာတာ ပြန်တွေးမိတော့ သူ့ရဲ့ပါးပြင်တစ်ဖက်ဟာ လှလှပပလေး ချိုင့်ဝင်သွားခဲ့သည်။

ကိုယ့်ဟာ ကိုယ် ခပ်ပြုံးပြုံးလုပ်ပြီးတဲ့နောက်မှာ နောက်သုံးရက်နေရင် ထပ်တွေ့ရမယ့် သက်ရှိနတ်ဘုရားလေးအကြောင်းဆက်တွေးရင် အိပ်ယာဝင်ဖို့ သူကြိုးစားရမည်။ ဒီကြားအတွင်း ဒီအတိုင်း ဝန်ထမ်းတွေဆီ ပစ်ထားခဲ့ရတဲ့ သူ့အလုပ်တွေအတွက်လည်း အချိန်ပေးရဦးမယ်မဟုတ်လား။

" ကိုယ် မင်းလောက် ဂီတတွေမချစ်တက်ဘူး ၊ ကဗျာတွေမနှစ်သက်ဘူး..။ မင်းကိုချစ်လို့ အနုပညာဆန်ချင်ရုံလေးပဲ..။ ‌သေချာပေါက်မင်းသိမှာလည်း မဟုတ်သေးပါဘူး။