اللهم صل على محمد وآل محمد
يمة ذكريني من تمر زفة شباب.. من العرس محروم وحنتي دم المصاب
شمعة شبابي من يطفوها..حنتي دمي والكفن دار التراب
يمة ذكريني يمة ذكريني من تمر زفة شباب
من ثدي النيبا راضع بصافي الحليب..وبهالشهادة صار الي قسمة ونصيب
حوفتي بدمي خلها يفرشوها .. حنتي دمي والكفن ذار التراب
يوم المبارك أصبح لديني شهيد ..وافزع لعمي من يظل بالطف وحيد
رملة بمصابي خل يواسوها .. حنتي دمي والكفن ذار التراب
اهلي وصوني بالوفا يوم الطفوف.. ومن دم وريدي يصبح خضاب الجفوف
هذي وصيتي يا التسمعوها .. حنتي دمي والكفن دار التراب
دهري يتمني والتزم عمي برباي.. ما اعز عنه مهجتي وروحي ودماي
رملة بمصابي خل يفجعوها .. حنتي دمي والكفن دار التراب
والوفا شانه ينعدم بيه الوجود.. وآنه وجداني يغتنم جنة خلود
نيتي بديوان جدي كتبوها .. حنتي دمي والجفن ذار التراب
سلام الله على القاسم نجل الإمام الحسن عليه السلام
اكتبو قصيدتكم المفضله بالتعليقات واني اكتبه ان شاءالله
