عـجل وإخــذ بثار حســـين الزهـرة تريدك قائــد
شوف الدنيا مغيمة إجناب إرعد يمونس اليلمع بيدك
بدر هاشم يكتمل هالليلة
بالفرج كل الناس تدعيلة
الله يگلك هـلا
ياشيخ المرجلة
متانيتك كربلا
ياهيبة عيونك
حُر وتـحب العلو
انت يـشبهك منو
بس عباس الكفو
خليني مجنونك
من فدووة اروح انا وهلي
شـايل جـمال هيبة علي
يالمـهدي بس انت الـولي
غيرك ولا واحد
والمـايـوالي بـدولته
يتأكد من الجابـته
لاسيف غيرك لا فته
ياحضرة القائد
صوچ بسـاسة الماوالاك انت اليشـهدلك حـيدر
تطلع شايل ذوالفقار تهد والعالي تجيبة بصيدك
چفوف كل الرسموك مجبورة
انت تشبه عباس بالصورة
بـاچر يرجـع سـوه
ضوة يطلع وي ضوة
نفس الچـف واللـوة
وإثنين خيالة
باچر صوت السمة
بيه هيبة ملحـمة
إبنـچ يـافـاطمـة
هل وعلي هلالة
ماباقي شي ونسمع خبر
من السمة تـــنزل صور
بيــها الإمــــام المنتظر
والريشة البراسة
المـــــهدي باچر لو غبش
تلث ميت سيف وتلث طعش
كلها تصيح يخسة العطـش
ويعيش عباسة
عـجل وإخــذ بثار حســـين الزهـرة تريدك قائــد
شوف الدنيا مغيمة إجناب إرعد يمونس اليلمع بيدك
بدولتك نفس اللون والراية
والدول كلها تصير مشاية
باچر يـبن الحســن
بإسمك يـحلة الوطن
أنـسة ويـاك المحـن
وتورد أيامي
باچر توگف سـرة
الكل تتشــيع ترة
كلها تحب حيدرة
والعالم إسلامي
دولة ونشيد واحـد إلي
راية حسين بيه تعتلي
ولا فتــى إلا عـــلي
هالچلمة محلاهه
بالغربة باچر مانحــس
نعبر على عيون الشـمس
ونسوي فوگ زفة وعرس
يالمهدي نتباهه
إنت تفـصل ويلبــسون تـدلـل صــار وخــادم
رحمة منزلك رب الكون إبشر والكل تصيح نريدك
عـجل وإخــذ بثار حســـين الزهـرة تريدك قائــد
شوف الدنيا مغيمة إجناب إرعد يمونس اليلمع بيدك
كلمات: سيد محمد الموسوي
