- თქვენი სახელი?
- ჰოსოკი.
- გვარი?
- ჯონი.
- ასაკი?
- 22 წლის.
- დანაშაულის დღეს სად იმყოფებოდით?
- მეგობართან.
- კერძოდ?
- ნამჯუნთან, იქ კიდევ რამდენიმე ჩემი მეგობარი იყო. თეჰიონი, ჯონგუკი, იუნგი და თვითონ ნამჯუნი.
- გასაგებია.
რაღაცას ინიშნავს.
- იცი, ყველაფერს ისე ამბობ, როგორც შენმა მეგობრებმა თქვეს, თუმცა შენ მეტად სიტყვაძუნწი ჩანხარ.
ცალყბად იღიმის.
თვალს ვუკრავ თანხმობის ნიშნად.
- ბატონ სეჰუნზე რას ფიქრობ?
- ნაბიჭვარი იყო.
მოკლედ ვუპასუხე.
არა, აქ კიდევ რამე იყო სათქმელი?!
- შეგიძლია მითხრა, რატომ იყო ნაბიჭვარი?
- იმიტომ, რომ ბორას სცემდა.
- ბორას იცნობ?
- რა სულელური კითხვაა.
თვალებს ვატრიალებ.
- ჩემი მეგობრის დაა.
- აჰა, - ისევ იღიმის, მერე უცნაურად მათვალიერებს და რაღაცას ინიშნავს. - პირდაპირ საქმეზე გადავალ, კარგი? დავიღალე ერთი და იგივე კითხვების დასმით. ისედაც ვიცი, ვინ სად და ვისთან ერთად იყო.
თავს ვუქნევ.
რაც მალე დამთავრდება ეს სულელური დაკითხვა, მით უკეთესი.
- კიმ სეჰუნი თქვენ მოკალით?
თვალს ვუსწორებ.
ვცდილობ ღიმილი შევიკავო.
- კი, რომ გითხრა, დამიჯერებ?
ეშმაკურად ვუყურებ.
- ოჰოოო, წინსვლაა.
- მინდოდა მეთქვა, რომ თუ საშუალება მომეცემოდა, მოვკლავდი. მაგრამ, სამწუხაროდ, ეს მე არ ვყოფილვარ.
YOU ARE READING
The Ring/ბეჭედი
Misterio / Suspenso"შენი ცხოვრების რაღაც მომენტებში ისეთი ტკივილის გამოცდა გიწევს, საკუთარ სიცოცხლეზე ხელის აღებაზეც კი იწყებ ფიქრს. სწორედ ასეთი ცხოვრებით ცხოვრობს ექვსი მსგავსი წარსულის მქონე ბიჭი, რომლებსაც ერთი საბედისწერო დღე იმაზე მეტად დააკავშირებს ერთმანეთან...
