الكاتله" 🔥🖤
عُهود القطعاني"🔥🖤
___
روايه"
🔥قمره وبناتها🔥
__
الحلقه 3🔥
احمد:هكي يا أمي انا شكلي مفكرتش كويس قبل منخطبها منحسابهاش هكي
ميزونه: اهدي بس ياوليدي ومشاكل ديما اسيرن بين اي اثنين
احمد: يا أمي وصلت مرحله حتي ع تلفون نسمع صوتها ننخق كيف حنتحملها في حوش واحد وغرفه وحده وفراش واحد لالالالا واجد هكي كابوس هذا
وطلع احمد سكر باب وراه وشغل سيارته وهو معصب"
ميزونه: ربي يهديك يا وليدي يارب
____
سيلا مش مَستوعبه انه بوها توفي ومعاها جارهم راجل كبير اهدي فيها وبلغصب رضيت تروح للحوش "
طول الطريق تبكي ومعرفتش تسكت"
سيلا: يا عمي سالم بابا معش ارد صح اكيد هذا كله حلم وانا بكره حنوض نلقي كل شي كيف مهوا صح
سالم: يابنتي كُل نفسٍ ذائقه للموت ومفيش حد دايم غير وجه الله
سيلا: بس انا معنديش حد لمن خلوني لمن خلوني يا عمي
سالم: يابنتي انزلي للحوش وصلنا وادعيله بلرحمه ومعش تبكي لو احتجتي شي قوليلي
نزلت سيلا وطقت ع باب"
فتحتلها جمانه الباب"
جمانه: وين لعند توه عجبك المشوار مع الشايب جارنا ملقيتي غير شايب هههههههه وكنه اعيونك متورمات شكله لما خذاك وحدك وستخلي بيك كان واعر هههههههه
سيلا للحظه حست انها فقدت توازنها معش قدرت اتسيطر ع اعصابها ونفس وقت حست انها معش عندها شي تخاف تخسره ومعش اهمها كان مراءه جدهاجمانه تطردها من الحوش"
سيلا: شن قلتي عاودي كذا؟؟؟
جمانه: صوتك معش ترفعيه يا ..
سيلا: انتي الكلبه بنت 60كلب جعانه لمك جدي الله يرحمه من شارع شفقه لاتعرفي عز لاجاه وانتي اصلا لفلوس اول مره اتشوفيهن وتشميهن كانت في حوشنا يا واطيه ياوجه الفقر
جت جمانه تمد يدها كا العاده ع سيلا" مسكتها سيلا ودفتها ع الارض ولانها عجوز كبيره مقدرتش تقاوم طاحت ع الارض "
جمانه: انا اتمدي يدك عليا مفيش احترام عندك قليله الادب انا لميتك من شارع
مسكتها سيلا مع شعرها"
سيلا: لميتيني ؟؟ انت قاعده في حوشنا يا هانم قصدك نحنا يلي لمينك بعدين انتي اصلا لازم تمشي لي هلك عليش قاعده اول مره نشوف شي هذا !؟؟؟ لاعندك ولد ولابنت مفيش شي يربطك بعيلتنا وجدي مات معندكش عليش ماده وجككك هنا!!!
أنت تقرأ
قمرة وبناتها(ليبية_منقولة)
Short Storyقمرة وبناتها🔥. للكاتبة المتألقة: ﮼عهودي،القطعاني🔥. كانه الالم يرسم طريقه علي ذالك القلب وفي كل خطوه يطفيء نور الكون في تلك العينين ويعزف لحن الانكسار ويعطي ترانيمه اوجاعاً عجزت عن وصفها كل لغات العالم بكل قواميسها وعمق مَعانيها" هل ستعطي الحياه...
