تفاعل#
الكاتبه..
حلقه جديده
عُهُود القطعاني"
روايه..
..قمره وبناتها..
الحلقه.. 6
خليل:عندي مقطع يلي يثبت انه قمره وبناتها سحرات نمشي نبلغ شرطه او نستغل وضع
اوفففف اصلا حتي كان بغلت حيخشوهن سجن تقريبا7 شهور ويطلعن اردن للسحر كاني مدرت شي وطبعا كان طلعن توه ينتقمن مني خليني نستفيد ونهددها بملغ كويس بلمقابل منبلغش بس حتي كان هددتها شن يضمنلي انها متضرنيش احتمال تضرني بسحر هي اصلا ضرتني في حالتين حنسق موضوع اكويس قبل مندير خطوه اتودرني ...
_____
قتره:حتقعد معاي نفس الغرفه نحكو ونغيرو جو خير من وج لاقيس الصنم
لاقيس:احترمي روحك لمي لسانك
قمر: خلاص انتن لثنين هيا يا قتره خوذي اختك (دهار) للغرفه خليها تحط ملابسها في دولاب وترتاح من المشوار هيا بسرعه
سيلا: دهار؟
قمره: انتي اسمك من اليوم دهار اي شخص يسالك عن اسمك تقوليله دهار
سيلا:حاظر
_________
**************
معني اسم دهار اذاء المؤمنين اثناء النوم بأحلام مرعبه والحلم بي نساء اجنبيات...
***********
قتره: حطي حاجتك في ظفه هذي في دولاب
سيلا: اوكي تمام
قتره: ع فكره سيلا احلي من دهار غيرامي معندهاش ذوق
سيلا:ههههه نجك ليا اختي
قتره: اي وليا خوذي راحتك نمشي نشوفهن لوطي
____
قعدت سيلا تحاول تتاقلم مع وضع جديد وستغربت انه امها ولاكأنها مشتاقتلها ولاكانه بنتها يلي من نعومه اضافرها وهي بعيده عنها تعامل فيها بطريقه سطحيه لاخذتها في حظنها ولاحتي جت يدها في يدها .......
سيلا:يالله المهم اني لقيت امي في نهايه وعايشه مع خواتي وعيلتي معش متشرده عند حد !
فتحت سيلا شنطتها وبدت تعلق ملابسها في دولاب وجت عينها ع ظرف يلي عطاه لها بوها من اول ما حس روحه بيمرض ... جت تفتحته فضولها كبير عشان تشوف شن مكتوب فيه بس كل متبي تفتحه تذكر انها بوها حلفها ع مصحف الشريف انه متفتحش قبل ميكون عمرها 18سنه!
سيلا:يالله تحملت كل هل سنوات وحنتحمل كلها كم شهر ونسكر 18وحنفتحه
حطاته بين ملابسها وسكرت دولاب.... وفتحت روشن غرفه وتشتم نسيم البحر والمكان هادي ومريح نفسيا للحد يلي اخلي اكبر هم ينشال من القلب
____
قمره: هي تعالي هنا انتي واختك
قتره: ها
لاقيس: شنو في
أنت تقرأ
قمرة وبناتها(ليبية_منقولة)
Cerita Pendekقمرة وبناتها🔥. للكاتبة المتألقة: ﮼عهودي،القطعاني🔥. كانه الالم يرسم طريقه علي ذالك القلب وفي كل خطوه يطفيء نور الكون في تلك العينين ويعزف لحن الانكسار ويعطي ترانيمه اوجاعاً عجزت عن وصفها كل لغات العالم بكل قواميسها وعمق مَعانيها" هل ستعطي الحياه...
