قصة رهف معنئ الاخوة

part14

البارت 14
.
.
.
.
.
مصطفى :هلو باباتي تعاي مشتاقلج تعاي بحضني
رهف : م̷ـــِْن حجه بابا هيج رأسا شمرت نفسي بحضنه محتاجته محتاجه حنانه
مصطفى :شلونج بنتي اخبارج يارب مرتاحه
رهف :الْحٍمَدٍ للـّہ بابا انت شلونك شعجب اتذكرت عندك بنيه
مصطفى :ليش رهوفه ليش اني نسيتج بيوم انتي بنتي مهما كان
رهف ؛اي بابا نسيتني وشمرتني هنا ويه ناس مااعرفهم ومااعرف عيشتهم وكمت انهان وانضرب وماكو احد يدافع عني ناس همج وخاصة احمد موتني حيوان ميعرف يصرف ايده والضرب تكول عبالك خدامه  م̷ـــِْن الاخير ميعجبني اعيش ويه هيج ناس اخذني منا كافي تعبت طبعا هذا الحجي كله بصياح واكيد خاله ونهى سمعوا
مصطفى :اولا نصي صوتج عيب تعلين صوتج احترمي ابوج كدامج وعيب تحجين على بيت عمج هذوله الي تحجين عليهم وتكولين همج احسن  م̷ـــِْن عدنا بكلشي وبيت اخويه ومحترمين وحسن كون عائله تشرفني وتشرفج وتشرف اكبر واحد
رهف :هذا الحجي اقنع بيه نفسك بابا اني مااريدهم مومن مستواي
مصطفى : م̷ـــِْن سمعت كلمة مومن مستواي عرفت لعد شكد مدمره العائله وممتأقلمه وياهم لان حد الان تحجي عن المستوى
باباتي سمعيني راح احجيلج عني وعن عمج حسن وشوفي منو احسن  م̷ـــِْن   منو
وبديت احجيلها كلشي  م̷ـــِْن وفاة والدي لحد مااني كاعد يمها وشلون عمها ضحى بمستقبله لخاطر اخوه الكبير والمفروض الاخ الاكبر هو الي يضحي

رهف :اسمع كلام بابا واني مصدومه وحسيت نار بقلبي وبصدري مااعرف اعيط ومااعرف املخ روحي
مصطفى :يعني بالمختصر يابنتي جان المفروض عمج هو هسه طبيب واني صاحب شهاده الاعداديه لان هو بالسادس طلع معدل 98 % وطلعت الانسيابيه طب بغداد ولان اني جنت اناني واحب نفسي ضحيت بمستقبل اخويه لخاطر مستقبلي واول معرض يترك وميداوم اصلا  وافقت وفوك گـ❈ٍـْلٍ هذا خليته يزوجني امج وتركته مثقل بالديون وعفت امي بركبته ولا فديوم ساعدته بالوقت الي اني العب بالفلوس لعب اخويه يشتغل شغلتين حتى يسدد ديوني وعلاج امي شايفه اكثر  م̷ـــِْن هـُ'ـُيج انتهازيه وانانيه والمصيبه لحد هسه اخويه يتحمل اغلاطي رغم هو الصغير وحتى يوم مغلطت بنتي ضحى بأبنه واتزوج بنتي وتحمل اغلاطنا وبالمناسبه لو تصفنين على وضع بيت عمج شو كلهم شهادات واحد طبيب والثاني صح بعده ممتخرج طب اسنان وزوجة عمج  م̷ـــِْن آحـــًًًًِسن العائلات وبنت خير بنت السيد راضي الناس تحلف بااخلاقهم وتدينهم وامكانيتهم الممتازه وبنتهم نهى احسن تربيه متربايه واتوقعلها احسن مستقبل مثل اخوتها ولتشوفين بيتهم صح جبير وبسيط بس تره عمج يكدر يشتري قصر اكبر  م̷ـــِْن بيتنا بس هو يحب بيت ابويه وعلم ولده على البساطه مثله وهمه اذا تنتبهين عليهم لبسهم احسن لبس وراكبين ارقى السيارات ورغم هذا مااكو ابسط منهم يابابا هم احسن منا بكلشي حتى  احمد جان يكدر يتزوج ست البنات ودكتوره مثله بس اتزوجج وانتي  حتى شهادة اعداديه ماعندج
رهف :اسمع كلام بابا وابجي انهاريت حسيت روحي شكد حقيره وحقدت على ابويه بعد ماحسيت شويه قلبي رق وكرهت امي كره العمه
بابا وبيت عمو يعني احمد واخوته وخاله يدرون بهذه الاحداث كلها
مصطفى :اي بنتي كلشي يدرون ورغم هذا  م̷ـــِْن اجي يشيلوني بالصلوات ويحسسوني اني اهم شى بحياتهم بالمقابل جانت عائلتي زوجتي واولادي  م̷ـــِْن يجون تستقبلوهم اسوء استقبال وانتي اصلا جنتي مطلعين وفوكاها مسوين منيه على العالم
رهف :كمل بابا كلامه واني كمت اعيط وابجي بلاوعي انهاريت
بابا اني اكرهكم لَيــِْ♡̷̴̬̩̃ ـِْش هيج تسون فوك ماالعالم هم صاحبين الفضل علينا تخلوهم يتحملون اخطائنا وماما تحجي اشكال والوان على اخوك وانت ساكت ومتوكفها عند حدها وفوكاها دزيت بنتك المغروره حتى تكمل مهمتكم بتدمير العائله
بابا التهيت انت وامي اتجمعون فلوس وشهادات  بسببكم صرت انسانه انانيه وحقيره ومتحترم احد وادوس على الناس هاي نهى شوفها لان عمي وخاله وياها ومهتمين بيها ومربيها احسن تربيه رغم خاله ممخلصه بس ثالث متوسط وعموو اعداديه بس عرفوا يربون احسن  م̷ـــِْن تربيتكم وفوكاها تلموني ليش انحرف واسوي موزين اذا الام والاب ملتهين و24 ساعه مسافرين والبيت فارغ واني مراهقة وفلوس وحريه عندي ومحد يسأل عني شتريدون اسوي طبعا لازم اخطأ انتم السبب الي وصلني لهيج  اني اكرهم وميشرفني تكونون اهلي وطلعت اركض لفوك وابجي ومنهاره على حقارتي ويه بيت عمي وعلى اخلاقهم الحلوه وشلون اجازيهم وعلى احمد شلون تحمل وحده حقيره مثلي ودائما احجي بالمستويات ولامره عيرني وحسسني بفضلهم عليناو لاعيرني بمصيبتي  ربي شسويت اني ابجي واعيط ومنهاره
نجاه :سمعت عياط رهف وقلبي نغزني عليها وسمعت گـ❈ٍـْلٍ كلامهم لان جانت رهف تعيط ومنهاره وطلعت تركض رحت وراها وشفت مصطفى بالباب