اثار اقدام

مشاهد

مشهد 1

كاعدة على كراسي الانتظار انتضر الدكتور يطلع يكلي كلشي مابيها طولو حيل كاعدة على اعصابي على ساعة انهار وهوا ولا يمه كاعد ومكتف ايد وايد بيها تلفونه

رفعت عيوني اله وهنه صايرات حمر ويحركني من البجي
اريده يحس بيا ماكو ولا جني قطعة منه

خليت ايدي على الكرسي اثبت جسمي لان ماكدر اوكف وحدي حيلي مهدود تقدمت اله بخطوات ترجف ومن كوا متوازنة جانت المسافة بينه يمكن مترتين قصيرة بس بنسبة الي حيل طويلة لمن اوصلت وكفت جدامه جان عيونه عل تلفون رفع نضره الي واردف

::-شكو محتاجة شيء ؟

غمضت عيوني اصبر روحي لا انفجر عليه ومايسلم مني بعد السواه ارجعت باوعتله بنضرة حقد كلش جبيررر
واردفت

::- ملاحض روحك ؟

::- ليش شمسوي حتى الاحض ؟

::-هههههههههه حلو كلش حلو شمسوي ؟
صدك شمسوي ام بنتك ويلي جانت يوم من الايام مرتك داخل العمليات وانته ولا هامك كاعد وتلفونك بيدك ادري بيك ماتحبها ولا تحبني بس عل أقل احترم وجودي و وجعييييي

اتهسترت شكد جنت محملة عليه وارد اعاتبه بس والوقت مو مناسب و ماعرفت شكول مشاعري كلها متخربطة حاوط متني بيده يحاول يهدئيني بس مايكدر كعدت بل كاع منهارة ضليت ابجي بصوت عالي وهوا يريد يسكتني ماكو اخر شيء تعبت وسكتت ضلت بس النشغه بية

بعد مرور نص ساعة رحت اركض واني اشوف الدكاترة والممرضات يطلعون من الغرفة ونضراتهم ماتبشر بخير
‏وصلت يم الدكتور ماعرفت اصرف ألزمت أيده بين اديي الرجفن واردفت بعيون متوسلة ما يكول الشيء الخايفة منه

::- دكتور فدوه كول شلون صارت صحت ؟
احجي اروحلك فدوه كول لا ضل ساكتتت

خله ايده فوك ايدي الترجف يحاول يهدئيني وتباوعلي بنضرة كلها حزن وشفقة واردف

::- بنيتي الموت حق وكلمن و ا

قبل لا يكمل انترت ادي منه وصرخت بوجع

::- لا تحجييييي هيج ماتعوفننيي هية ماتعوفنييييي
هاذا اخر شيء اذكره قبل لا أفقد الوعي تماماً

مشهد 2

::-احبچ والعباس

بقيت صافنة عليه وفاتحة عيوني على وسعها انصدمت من شوكت وشلون اخر شيء متوقعته أحد يحبني لا ومو اي احد هوا ماقصد شكلي مو حلو حتى محد يحبني بس اني اعترف شخصيتي حييل استفزازية واعاند
كلش ومايعجبني شيء اني مو هيج بس هيج وياهم حتى اكرهم بية رغم محد حابني بيهم بس هيج احب استفزهم واقهرهم

قاطع حبل افكاري وهوا يحط يده على جفني حتى اغمض عيني

::- عيونج بوية عيونج

وخرت ايده من عيوني واردفت واني اتباوعله بستغراب

::- شبيهن ؟

::- يخبلن كل جمال الكون بيهن

::-احممم شكراً
ضحك عل خفيف واردف

::- يلا شنو

::-شنو؟

::- احبج لا اسوين روحج غبية وانتي مشيطنة

جاوبته واني انضرله بعيون بريئه

::- اني مشيطنة

عض شفته وهوا يتباوعلي بعيون كلها حب

::- لا بوية اني المشيطن انتي ملاك لا اكو بياض كلبج ولا اكو بجمالج بس رحميني وحجي مو فتيتي گلبي فت

غمضت عيوني حتى ارتب الكلام الراح اكوله لان ادري بروحي اجفص

::- احم احم

::- احجي بوية شني كاعدة بمجلس حسيني وتريدن تلقين خطبة

::- هسه خل احجي ليش تقاطع شوف

::- جاي اشوف

::- اسمع

::-جاي اسمع

::- اني .....

مشهد3

::-شتحبين بزلمة

::- كـ شكل قصدج ؟

::- لا صفة اقصد

::- امممممم هواي صفات عندي بس

::- بس شنو ؟

::- شوفي هية مو صفة بس احب الزلمة ليكول بوية يحسسج بحنان الاب واحس حنين ليكول بوية

::- شلون يعني مافهمت

::- يعني اذا يحاجيج كل شوي وكال شلونج بوية تعاي بوية مادري شلون اشرح بس شيء حلو احسه

بعدنه جاي نحجي ودخل السرسري بيده علاليك مسواك

::- السلام وعليكم شلونجن بوية

التفتنه عليه مصدومات من شوكت يگول بوية
ومن شوكت اجا معقولة سمعنه البنات ماتحملن طكن ضحك وهوا ضل صافن علينه

::- شني بوية كلت شيء يضحك ومادري ؟

::-......