اثار اقدام

الاثـر الـ37 نهاية الجزء الاول

الكاتبة : فجـر سجاد
" اثار اقدام "

كشمشات لاتنسىن التصويت .
ولتعليق بين الفقرات .

‏5ll1_1 حسابي انستا انشر تفاصيل وكلشي يخص القصة

الحـمد اللّٰـه

أستغفر اللّٰـه
..

اثار ...

اخر امتحان الي من نصف السنة كعدت قبل اقدام
سبحت وبدلت مادري شعجب كاعدة قبله اليوم
حضرتله ملابسه اجى ابالي اخذ صورة امي وياي

مادري ليش بس حبيت تكون وياي باخر امتحان
رغم دوم احسها وياي بس كلت اخذها فتحت الصندوق
البيه غراضنه جاي اطلع صورة صغيرة الها وطاحت ورقة

بيضة دنكت شلتها اول مرا انتبه الها جانت ورقة جبيرة
مبينة من طبكتها اجيت افتحها بس اجاني صوت اقدام

: ها يحلوة شمكعدج اليوم ؟

التفتت عليه مبتَسمة

: مادري اني مستغربة من روحي

: حلو جا مادام مخلصه بس اسبح ونطلع

: اي براحتك

راح للحمام واني رجعت الورقة كلت بعدين اشوفها
من ارجع رحت الجهازي شفته يرن رقم تقى رديت عليها

اثار: صباح الخير

: صباح النور گلبي

: شنو اليوم شعدج من الصبح

: ولج احنى خلصنه امتحانات من أول أمس بس
تعرفين امي اذا ما تكعدني هيج وكت ما ترتاح
وهم عدي شي اريد اكلج عليه

: شنو ؟

: احم اثار أمس العصر اجى زلمة سأل عنكم

اردفت بتسأل وستغراب

: علينه ؟!!!!

: اي اي اني هم ستغربت لأن اعرف ما عدكم احد

: شنو سأل بل ضبط؟

: حسب السمعته هوا رايح البيتكم من شاف محد اجى
سأل أكثر من بيت بس همَ مدلينه علينه لأن بينه علاقة
اجى على ابوي وسأله كله ابوي المرية ماتت وبنيتها
راحت الاقاربهم

: يا والله حيرتيني منو هذا انوب

: ولج خل اكمل حتى تزيد حيرتج

: احجي احجي شكو بعد

: يكول ابوي من كتله هيج نصدم ونزلت ادموعه بس
بسرعة مسحهن وسوا روحه طبيعي حاول يعرف من ابوي انتِ وين بلضبط بس ابوي ماكله يخاف عليج

كلش نصدمت بكلام تقى منو هذا ؟
ماعدنه احد اني وامي حتى خوالي كلهم ميتين
جا بعد شنو بقيت بحيرة امي الله يرحمها ما حجت شي
لو كالت عدج اقارب

اثار : مادري شكول كلشش نصدمت ماعرف هيج
واحد اني وامي ما حجتلي قبل عن شخص يقربلنه

: حتى اني بقيت افكر وتوا تذكرت الموضوع وكلت
اخابرج اكلج