الاثـر الـ11
كشمشات لاتنسىن التصويت .
ولتعليقات .
5ll1_1 حسابي انستا انشر تفاصيل وكلشي يخص القصة
بسـم الله الرحـمن الـرحيـم
...
... اثار...
حلم كل بنية ماتعوف ابوها حتى من يزوجن يضلن يبجن لان راح يفاركنه الا اني حلمي ماشوفه ابد
بس جبرتني الضروف مو بس اشوفه لا اعيش وياه
جنت اعرف مايحبني ومامعبرني بس من وكف وي خوانه حتى اروح الدكتورة تفحص عذريتي صدك نكسر كلبي صدك تمنيت ماصايرة ولا جايبتني امي ادم جان حنين علي اكثر منه
ادم ::- اثار القرار الج ترحين وياي ؟
اثار ::- اي اروح
بتسم ادم واردف
ادم ::- لمي غراضج حتى نروح
طلع برا الغرفة حتى اخذ راحتي واني الم الغراض
طلعو وراه كلهم بقت بس سجى موجودة
سجى ::- صدك راح ترحين ؟
اردفت واني الم بغراضي
اثار ::- مو هذا التردينه من اجيت لسة
سجى ::- اي هذا الردته من اجيتي بس هسه ماريد
ضلي هنا والله ماجنت اعرفج من حجيت عليج
اثار ::- جان عبالج اجيت على فلوس ابوج
سجى ::- اي
ضحكت بحزن
اثار ::- هههههه حكج مالومج يمكن لو مكانج اسوي نفس الشي بس اكلج هسه ومن كل گلبي لا اريد فلوس ابوج ولا اريد ابوج الاب المايثق بية ماريده الاب الماحسب ولا هتم بية بيوم ماريده
لميت بس ملابسي الجبتهن وياي ماخذيت شي من عده
حتى الملابس الجابهن الي عفتهن كلهن خل يلبسهن هوا احسن طلعت من الغرفة واني اسمع عركهم بلصالة
مهدي ::- ما تخذها
ادم ::- مو بكيفك هية تريد تجي وياي
مهدي ::- انا ابوها الي حق عليها ومستحيلل تطلع مناااا
ضحك اقدام واردف
اقدام ::- ولك مهدي والله محد جان بمعزتك عدي بس مع الاسف طلعت هيج يا ابو تحجي عليه وانته شككت براءتها كدمنههههه
غمضت عيوني امنع دموعي تنزل يا موقف هذا النحطيت بي ربي الاب يتهمني والغريب يدافع عني دخلت الصالة وكل الانضار صارت علي تقدم احمد
احمد ::- انا وياج بروحتج احسن الج ترتاحين هناك
لا حسبالج ماريدج بلعكس انا الماريد افاركج بس اختار راحتج
اجا ادم اخذ الجنطة البيدي
ادم ::- بس هذن ؟
اثار ::- اي
أنت تقرأ
اثار اقدام
Contoاثار ::- انزلت من السيارة واني كوا امشي دايخة و وجع مو طبيعي براسي راح هوا الصندوق السيارة نزل جنطتي واجا مهدي ::- يلا تعاي راح يمشي الواحد من البيوت الموجودة كلش كبير وحلو من برا حتى جان اكو حارس عل باب من وصل اشر للحارس بيده يفتح الباب ودخل واني...
