أسميتها مريم

الظُلم الثاني

روحي يمَـك واني باقي بلايه روح
•••••••••••••••••••••••

-فخريه:-اندفع الباب ودخل عتني من شعري

-هادي:-احجي ولج شسويتي لابويه دعيتي عليه مو احجييي

-فخريه:-هدني هادي شبيك ابوك يستاهل چـا شني حاطني مكفخه

-هادي:-والله ويحتاج اعيد تربيه ستار الج

-فخريه:-احط ايدي ع راسي تجي الكفخه على عيني احط ايدي على عيني تجي على حلكي تملخت

-غريبه:-هادي خويه اسمع هو ابويه ضربها فاقد وفاصل جريت العبايه من وره الباب وطلعت حافيه ركضت للمحل

-غريبه:-ولك خويه زهير الحكك انت‌ وعباس

-زهير:-ذبيت الغراض من ايدي وركضت لزمتها من ايدها واعت بيها شجابج شطلعج شهل حاله البيها

-غريبه:-ولك الحك اخوك راح يكتل فخريه

-عباس:- شبيج چـا قابل اول مره

-غريبه:-ولك لااا مو ابويه ضربها ودعت عليه وهسه طبلنه هادي يرعد علينه

-زهير:-شنووو ابويه شبي انوب عباس ذب البيدك واركض وراي

-غريبه:-ركضو اخوتي واني حيلي باد رحت كعدت على الرصيف وحطيت ايدي على راسي وينج يمه الحكيلي ولدج اطشرو يالحبيبه شصار بينه بعد عينج لميت عباتي وكمت طبيت واشوفهم كوه جاري عنها وهيَ خشمها وحلكها يبوزنن دم ركضت الها كوه كومته للحمام حالتها حاله الدشداشه مشكوكه والخلقه ملعوب بيه طوبه

-عباس:- شبيك خويه تخبلتتت

-هادي:-معليك مرتي لو اذبحها محد يدخل

-زهير:- ابويه وين وشبي

-هادي:-مادري بالمستشفى اخذو فلوس والحكوني

-عباس:-ضليت صافن بوجه زهير وزهير صافن بوجهي اني هم طبيت للغرفه حطيت فلوس بجيبي وطلعت لكيت زهير يلبس شحاطته

-عباس:-يلا خلصت

-زهير:-اي امشي شهل طلايب المتخلص روحي لعبت

-عباس:-دمشينه ويحلها الف حلال

-راهي:-من طلعت من البيت وره ماضربت فخريه ضربتني سياره شمرتني لهناك فتحت عيوني واشوف شي كبالي متونه عراض وشكله يخوف لابيه اغمض ولا بيه اصيح تربطت بس اباوعله شكله مرعب الى درجه