أسميتها مريم

الظُلم الاول

بواحد من ازقه النجف الساعه ٥ الفچـر عام ١٩٢٣

-راهي:-اصبحنا واصح الملك لله نوريه يا نوريه

-نوريه:-ها

-راهي:-اكعدي صلي وسويلي ريوك يلا هم ياله اطلع

-نوريه:-اي اسبكني واني جايه وراك

-راهي:-طلعت للمغسله توضيت رفعت اديه بالدعاء وكت اذان الفجر

-اللهي انتَ جاهي احفظلي الويلاد والحلال وارزقنه الصحه والعافيه مسحت بجفوف اديه على وجهي ورحت لـصاله فرشت المصلايه وصليت

-نوريه:-قبل الله ابو هادي

-راهي:-منا ومنكم يلا خفي ايدج خليني الحك

-نوريه:-صار

-راهي:-وينج

-نوريه:-امر

-راهي:-كعديلي هادي خلي يطلع وياي

-نوريه:-صار هسه اكعدنه

-نوريه:-رحت لغرفه الولد لكيتهم واحد فوك الثاني وكلهم ومدحوسين بمكان نصيت صوتي وتقربت من يمه

-هادي هويدي يمه اكعد

-هادي:-اهو وخري يمعوده

-نوريه:-اكعد ليسمعك ابوك كوم

-هادي:-دولي انتِ ويا روحي لعبانه تره وخري

-انهضمت منه هذا مهدي دومه هيج يتجاسر وشكد ابو يضربه ولا يتوب عفته وطلعت لكيته يلبس دشداشته اريد اروح للمطبخ صاحني

-راهي:-ها ماكعد

-نوريه:-لا يكول نعسان خطيه عوفه

-راهي:-روحي سويلنه زقنبوت

-نوريه:-دعيت من ربي يعدي هل صباح على خير ماحس غير صرخه ركضت جان اشوف راهي لازم مهدي من اذانه ويصفكه راشديات واخوته فازين ولازمين ابوهم

-راهي:-ولك شوكت تعكلللل عبالك ماسمعتك من اتكول لمك ولي انتِ وابوي اليوم العب الحزام على ضهرك

-نوريه:-ابو مهدي بروح ابوك عوفه هسه يكوم والله ماحسيت غير دفعه رجعتني على الباب زرفت ضهري

-غريبه:-بويه عوفه هسه يكوم

-راهي:-اخوتك الاصغر منك يكولون عوفه اعكل منك وانتَ شكبرك تصير وتتجاسر اله اكص لسانك واخليك حسره عليك الحرف يطلع من حلكك