بيوم عادي مثل باقي الايام بعائله ال سياف
الجد سياف :سلام عليكم
كلهم عليكم سلام
ام سلمان :ياهلا والله الله حيه
الجد سياف:ياهلا والله
سلمان :يبه ابي اقول لك شي ضروري
الجد سياف:ابشر ياعيون ابوك تعال
ابعدو ويتكلمون
سلمان :يبه الدكتور حق امي يقول امك حالتها خطره ومارح تطول بالحياة اسبوع بالكثير وتموت
الجد سياف وعيونه تدمع :اعوذ بالله اعوذ بالله
سلمان وهو يبكي :يبه تكفى لا اشوف دمعك يبه والله اني مو قادر اشوف دمعك يبه انا مابي دموعي تطيح عشانك انت واخواني
الجد سياف ودموع تطيح :كيف ياولدي مابكي كييف علمني زوجتي ونبض فوادي وحبي الاول بتروح خلاص كيف ياولدي وانت لا تبين آنك قوي ابك يابوي انتي
سلمان وهو يحضن ابوه : يبه يبه مطلق وتركي ونجد باقي باقي صغار وانا ماني قد المسؤاليه يحتاجون امي يابه
الجدد :وانا وين رحت افا عليك يابوي انت افا انا معك
سلمان :يبه اقول لخواني ؟
الجد سياف:ايه يبوي اي باقول لهم
وماهي الا ساعات من حديثهم الا يسمعون صراخ عبدالرحمن
عبد الرحمن:تعالووو امي طاحت تعالووو بسرعه يبه سلمان تعالو
خذو امهم وراحو المستشفى
الدكتور :سلام عليكم
كلهم :عليكم سلام طمنا يادكتور
الدكتور: سويت الي علي انا ولا نفع عضم الله اجركم
سلمان وهو منهار :دكتور تكفى قول تمزح يادكتور
الجد سياف يبكي بهدوء:سلمان يابوي عضم الله اجرنا وانا ابوك
عبدالرحمن للحين في صدمه :وش يقول ذا يبه صح يمزح يبه يبه لاتقول انه صدق امي وعدتني ماتخليني مارح تروح امي وهيي وعدتني
الجد سياف وقلبه بيطلع من مكانه وهو يشووف عياله منهارين ومو مصدقين وهو بعد بصدمه ان حبيبت روحه راحت خلاص :يعيالي تكفون يكفي والله قلبي متقطع
ماهي الا شويات وينتشر الخبر
والجد سياف لازم يرجع البيت عند عياله
مطلق :يبه وين امي هي قالت بتقولي قصه انا ونجد وتركي وينها
الجد سياف وهو يدمع:اه يعيالي تعالو تعالو
تجمعو حوله نجدد وتركي ومطلق
الجد سياف:يعيالي امكم راحت عند ربها واحنا كلنا بنروح عندها
مطلق كان فاهم وش يقول ابوه :يبه ليه راحت ماخذتني معها يعني خلاص مارح اشوفها
تركي :مطلق ليه امي مارح تجي
____________________________________
نمشي الوقت
__________________________________
بيوم في الدمام
البندري :يبه
سلمان :هلا
البندري :يبه احس اشتقت لجدي سياف واعمامي ليه مانروح لهم بلقريه
سلمان :تعرفين يابنتي عبدالرحمن مايطيق يشوف وجهي كيف تبيني اروح القريه
البندري ونفسها مسدوده من عمها الي كره ابوها بديرته الي عاش فيها :ليه طيب يبه وش سويت له وعادي احنا بنروح عند جدي مو عندهم
نرجع سنه ورا
واحد من القريه :سلام
عبد الرحمن :هلا مين
واحد من القريه :مايهم بس جيت بقول لك ان اخوك سلمان موب صاحي وخربان امس شايفه يكسر وكل مامسكه احد قال اسمي عبدالرحمن
عبدالرحمن:متاكد ؟
واحد من القريه :اي شايفه بعيوني
طبعا سلمان بايام وفاء امه كان يشرب عشان ينسى ويوم يشرب يفكر باخوانه وبذات عبدالرحمن عشان كذا كان يقول عبدالرحمن
عبدالرحمن :يبه شايف ولدك الخسيس يخرب سمعتي عن اهل القريه
شافوه يشرب ويقول اسمي عبدالرحمن
الجد سياف بحده عصبيه :سلمانننن
سلمان وهو نازل من فوق :هلا يبه
الجد :انقلع لا اسمعك تقول لي يبه انقلع
سلمان وهو مستغرب من ابوه :وش فيه يبهه علمني
الجد سياف:انقلع برا
ومن ذاك اليوم مو دارين وين راح سلمان
انتهى الفلاش باك
البندري:يبه تكفى ودي اشوف جدي وبنات عمي ماشفتهم ولا مره
زوجه سلمان اسمها مريم :البندري يكفي اطلعي غرفتك بسرعه
البندري وهي تخاف اذا احد صرخ عليها وهي تنتفض:طط طيب
طلعت البندري فوق وعيونها دموع
دخل طلال بعد مارجع من الشغل ويسمع صوت اخته تبكي :وش في حبيبت اخوها تبكي
البندري :مافيني شي اطلع
طلال بعناد: مارح اطلع لين تقولين
البندري استسلمت :قلت لبوي اني ابي اشوف جدي سياف وبنات عمي وجات امي صارخت علي وقالت اطلعي غرفتك
طلال :افا تبكين عشان كذا
البندري وهي تمسح دموعها :اي طيب صدق ابي اشوفهم ليه ماعرف احد انا ماعرف الا انت بس ابي اعرفهم
طلال وهو متوتر:اسمعي بقولك ليه ابوي مايروح القريه
وقال لها كل شي
البندري بندم :ليه ليه قلت له ليتني ماقلت اكيد ابوي ضاق صدره
طلال :لا لا معليك انا بروح اكلمه انتي نامي
طلع طلال ونامت البندري
دخل طلال غرفت ابوه وامه
طلال : يبه صاحي؟
ردت امه :لا نايم ابوك
طلال :خلاص اجل بطلع بعدين اكلمه
طلع وسلمان كان يمثل انه نايم
بعد مانام البيت
صحى سلمان
سلمان وهو متوتر:سلام عليكم
الشخص :هلا علكيم السلام مين معي
سلمان :كيفك عساك بخير
الشخص :بخير حمد الله بس ماقلت لي من انت
سلمان :اسمع يامطلق انا جايكم للقريه بعد اسبوع
مطلق :من انت طيب !!
سلمان بحده حزن :انا اخوك سلمان
عند مطلق
قام من مكانه وهو يبكي :سلماننن اخيراا دقيت اخيرااا
سلمان :كيفك ياعيون اخوك كيف نجد وكيف تركي وابوي
مطلق :كلنا بخيررر كلنا انت كيفك كيف الدنياء معك
سلمان :ابشرك انا بخير ومتعافي وتزوجت وعندي بنت وولد
مطلق :ماشاءالله ليه ماقلتت لنا
سلمان :والله كان ودي بس ماقدرت اتكلم واليوم جاتني بنتي تبكي تبي تشوفكم وابي افاجئهم
مطلق بعتاب :ليه يسلمان تركتنا ليه ليه تركتنا انا ونجد وتركي وياسروابوي من بعدك والله ماشفناه يضحك ولا حتى يسولف معنا ومغير يهرج اخر اليل باسمك
قفل سملمان وهي يبكي
مطلق :الو سلمان انت معي
دخل عبدالرحمن وسمع هرجهم كله :من الي يكلمك
مطلق بتوتر:ماحد صديقي
عبدالرحمن اخذ جوال مطلق وكسره :خلني اشوفك عادك تكلمه اخليك تلحقه
مطلق :هييي عطيتك وجه انا انقلع انت من عشان تكلمني كذا انت الي بعدتنا انت الي فرقت اخوتنا انت الي خليت ابوي يندم ويمرض انت الي بعدت الشخص الي خلته امه عندنا ينتبه لنا بسبك ماعشت طفولتي زي اي ولد عشت وانا خايف على نجد وتركي وانت مايهمك غير عيالك موفرلهم كل شي وانا وتركي والبندري ماحد درا عن هوا دارنا وينك يوم مرض تركي عند والدك مسفر هم وتركي بين الحياه والموت ها وينك تكلم
عبدالرحمن وهو مصدوم من اخوه الي يتكلم وهو منهار
مطلق وهو جالس على الارض يبكي :تكفى يا عبدالرحمن خل سلمان يجي والله اني مشتاق له ياهو يجينا ولا والله اشل نجد وتركي وارح عنده والله
راح عبدالرحمن وهو عيونه منهاره دخل بيته
هتان :شفيك يبه عسا ماشر
عبدالرحمن سفه وراح غرفته
هتان طلع يبي يسولف مع عمه مطلق
دخل هتان على عمه مطلق
هتان مستغرب وهو يشوف مطلق على الارض يبكي :مطلق شفيك
مطلق وهو مقهور:انقلع من وجهي اطلع
هتان معروف شخصيته قويه والكل يخاف منه ومايحب الضعيف ولا يحب يشوف احد يبكي
هتان بحده :تكلم معي زي الناس
مطلق:وش تبيني اقلولك تبي اقولك ابوك طرد اخوه من بيت ابوه تبي اقولك ان ابوك مافكر في اخوانه من يومهم صغار فيهم تبي اقولك ان ابوك جاب الامراض لبوه تبي اقولك ان ابوك كسر جوال عمك تبي اقولك ان ابوك ماخل عمك يعشي طفولته وش تبيني اقولك قلي
أنت تقرأ
بس انا احب والحبٌ مابه باس
General Fictionالكاتبه جنان ال طناف✍🏻 معزوفتهاالاولى"بس انا احب والحبٌ مابه باس " حسباتي واتباد:Jinan_0 تيك: htdhef ماقبل الاصنام ابدااا⛔️⛔️⛔️
