بس انا احب والحبٌ مابه باس

Part12

انتهى زواج منصور ونجد على خير

نروح قبل ساعتين
عند الجد سياف وهو يطالع ياسر ويشوف حالتها الي تدهورت بلمره وصار يخوف من ادمان المحْدرات بكى بدون مايحس
الجد سياف:ياسر يابوي انت وشصار ليه كذا وجهك يابوي انت امانه الغاليه ترضى تقول عني مانت قد الامانه ليش ماتجي عندي والله ان تفداك عيوني
ياسر وهو من كثر ماصار مدمن كره ابو يحسبه هو السبب في طلاقه من زوجته:انقلع تعطيني عيونك وانت طاردني وانت الي حرمتني من بنتي والله ماخليك واخليك تلحق امي انت تسمي نفسك اب!
انت عدو انت عدو عيالك تدري انت الي فرقتنا عن سلمان كله بسببك فرقتنا لين خرب حالنا وصرت ماشوفها وصار يكرهني وهو يشوفني كذا انت السبب خليت ولدك يدمن شي خراب دنيا انت السبب ياخي متت مت ياخي اكرهك والحين مزوج نجد بذا وربي اذا زعل نجد او سو شي لنجد اقسم لك بالله اني اقتلك انت وهو مايكفي امي راحت مايكفي سلمان طردته مايكفيك !!!!!
وان تبيني اسامحك على كل شي سويته لي خويي بيطلب يد البندري بنت سلمان وتقبل فيه وتغطي عليه انه مدمن
الجد سياف وهو يبكييي ومصدوم من كلام ولده يبي يتكلم بس مايقدر جاته صدمه :ييياسر ييياولدييي يجي في بالك اني انا اسوي كل ذا انا ابوك الي اخاف عليكم حتى من نفسيي يابني والله اني يحرم علي النوم ان كانك مصدق ذا الكلام عن ابوك
الجد سياف وهو ابدا مايشوف من الحزن
ياسر وهو يدف ابوه بقوه :انقلع قال ايش قال ابو
الجد سياف وهو على الارض ويبكييي :معقوله ياحبيبت قلبيي معقوله ياذهبه انا اسوي كذا تتذكرين يوم كنت تقولين لي انت ذهب وانا ذهبه وربي كتبنا لبعض لنا كلنا قلوبنا حنونه وذهبه وصافيه معقوله ذهبك يسوي كذا في عيالك والله اني اخاف عليهم حتى من القطو انا اليوم واحد من عيالي يقول انت السبب في خرابه والله ان يحرم علي النوم دام عيالي شايلين في خواطرهم علي والله يحرم علي البيت والراحه وعيالي يشوفوني سبب في خراب حياتهم ودمارها وربي يحرم لي الموت ان كانه راحه لي دام عيالي يكرهوني
هتان وهو يشوف جده طايح في الارض انجن :يابوي شفيك عسى ماشر
الجد سياف وهو منهار يبكي :هتان انا سبب في خراب عيالي تدري؟
تدري ان عيالي يكرهوني ويبوني اموت عشان يرتاحون مني تدري اني وربي اخاف عليكم انتو واهلكم من قطو الشارع
هتان وهو مصدوم :يابوي من قايل كذا يخسي وربيييي انك حسنه حياتنا وحنا بدونك ولا شي والله اني ماشوف الدنياء بدونك
الجد سياف:هتان يابوي انت تبي البندري ؟
هتان بتوتر ومكابره:لا
الجد سياف وهو مايبييي يسوي ذا الشي :متاكد
هتان :عادي والله اذا تبيني عادي ماعندي مشكله بس قم من الارض يابوي
الجد سياف:ياسر كلمني وقال خويه يبي البندري بنت سلمان على سنه الله
هتان وهو مصدوم :بس يابوي اذا خويه اكيد مدمن !
الجد سياف وهو مايبي بس مجبور يبي يشوف ولده قبل مايموت يبي يعيش مع ولده على الاقل دقيقه:لا اناشاءالله ماهو مدمن معليك حريص اكثر منك
هتان :والله الشور للبنت